မဲခေါင်၊ ဖေဖော်ဝါရီ ၁၄
ရှမ်းပြည်နယ် တောင်ပိုင်း၊ တောင်ကြီးမြို့၊ ရတနာသီရိရပ်ကွက်၊ အောင်မင်္ဂလာလမ်းမှာ ဒီကနေ့ မနက်ပိုင်းက မီးလောင်မှု ဖြစ်ပွားခဲ့တယ်လို့ ဒေသခံတွေက မဲခေါင်သတင်းကို ပြောပါတယ်။
ဒီကနေ့ ဖေဖော်ဝါရီ ၁၄ ရက်၊ မနက် ၅ နာရီကျော်က စတင် လောင်ကျွမ်းခဲ့တာဖြစ်ပြီး မီးလောင်မှု ဖြစ်ပွားခဲ့တဲ့ နေရာကို မီးသတ်ကား ၅ စီးနဲ့ သွားရောက် ငြိမ်းသတ်ခဲ့ရာ မနက် ၆ နာရီကျော်မှာ မီးငြိမ်းသတ်နိုင်ခဲ့တယ်လို့ တောင်ကြီး မီးသတ်ဦးစီးဌာန တာဝန်ရှိသူ တစ်ဦးက ပြောပါတယ်။
မီးလောင်မှု ဖြစ်ပွားရတဲ့ အကြောင်းရင်းနဲ့ ဆုံးရှုံးမှု တန်ဖိုးကိုတော့ မီးသတ်ဦးစီးဌာနက စုံစမ်း တွက်ချက် စစ်ဆေးနေဆဲဖြစ်ပြီး ထိခိုက်ဒဏ်ရာရသူ မရှိဘူးလို့ သူကပြောပါတယ်။
အခုရက်ပိုင်း အတွင်း ကျောက်မဲ၊ တာချီလိတ်၊ လားရှိုးနဲ့ သီပေါမြို့နယ်တွေမှာ မီးလောင်မှုတွေ ဖြစ်ပွားခဲ့ပြီး ဖေဖော်ဝါရီ ၁၃ ရက်နေ့ ညက လောင်ကျွမ်းခဲ့တဲ့ သီပေါမြို့ မဏိရတနာစံဖိတ်ကျောင်း မီးလောင်မှုမှာ အသက် ၁၀ နှစ်အရွယ် ကိုရင်တစ်ပါး သေဆုံးခဲ့တယ်လို့ သိရပါတယ်။
MK-005
#MeKongNews
#တောင်ကြီးမြို့
#မီးလောင်
#ရတနာသီရိရပ်ကွက်
