မှုခင်းသတင်း

ချက်အရက်သောက်လို့ လူ ၁၀ ဦး သေဆုံးပြီး ၂ ဦး ဆေးရုံရောက်

မဲခေါင် 4 Jan - 2023
ကချင်ပြည်နယ်၊ လွယ်ဂျယ်မြို့၊ အောင်ချမ်းသာရပ်ကွက် တရုတ်ရိုးရာ ယဉ်ကျေးမှုဆိုင်မှာ ဖွင့်လှစ် ရောင်းချနေတဲ့ အရက်ဆိုင်မှာ နှစ်သစ်ကူးနေ့က အရက်ဝယ်သောက်သူ ၁၂ ဦးအနက် ၁၀ ဦး သေဆုံးခဲ့တယ်လို့ သိရပါတယ်။

အဆိုပါ အရက်တွေဟာ အိမ်တွင်းချက်အရက် ဖြစ်ပြီး ဗန်းမော်ဘက်မှ မှာယူကာ လွယ်ဂျယ်မြို့မှာ ပြန်လည် ရောင်းချတာ ဖြစ်ကာ ပုံမှန် ရောင်းချနေတဲ့ ဆိုင်ဖြစ်တယ်လို့ ဒေသခံ တစ်ဦးက ပြောပါတယ်။

အားလုံး ၁၂ ယောက် မူးဝေအော့အန်ပြီး ဆေးရုံကို တင်ပေးလိုက်ရတာ။ ၁ ရက်နေ့ ညပိုင်းမှာ ၆ ယောက်အရင် သေတယ်။ ၂ ရက်နေ့ ညနေပိုင်းမှာ နောက်ထပ် ၄ ယောက် သေတယ်။ ကျန်တဲ့ ၂ ယောက်ကတော့ နည်းနည်းသက်သာလာပြီ။ အရက်ဆိုင်ဖွင့်တဲ့ သူကိုလည်း ရဲစခန်းက ဖမ်းပြီး စစ်နေတယ်

လို့ သူကပြောပါတယ်။

အဲဒီ အရက်ဆိုင်က အရက် ဝယ်ယူထားသူတွေ အနေနဲ့ အဆိုပါ အရက်တွေကို မသောက်ကြဘဲ ရဲစခန်းနဲ့ ရပ်ကွက်ရုံးတွေကို လာရောက် အပ်နှံကြဖို့ လွယ်ဂျယ် ထွေအုပ်ရုံးက ဇန်နဝါရီ ၃ ရက်နေ့က တရားဝင် စာထုတ်ထားပါတယ်။

လက်ရှိ အရက်သောက်မိသူ ၂ ဦးကို လွယ်ဂျယ်မြို့ ပြည်သူ့ဆေးရုံကြီးမှာ ကုသပေးနေပြီး အရက်တွေကို ဓာတ်ခွဲစစ်ဆေးမှုတွေ ပြုလုပ်နေတယ်လို့ သိရပါတယ်။

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)

Mekong News

Mekong News

About Author

မဲခေါင်သတင်းဌာနမှ အကြီးတန်းတာဝန်ခံ အွန်လိုင်းအယ်ဒီတာတစ်ယောက် ဖြစ်သည်။ သတင်းမီဒီယာကျင့်ဝတ်၊ လူသားကျင့်ဝတ်တို့ကို လိုက်နာပြီး သတင်းများကို တင်ဆက်သွားမည် ဖြစ်သည်။

Related News

မှုခင်းသတင်း

ကျောက်မဲ ဗဟိုဈေးမှာ ခါးပိုက်နှိုက် သောင်းကျန်းနေ

မဲခေါင်၊ ဇန်နဝါရီ ၂၈ ရှမ်းပြည်နယ် မြောက်ပိုင်း၊ ကျောက်မဲမြို့ရှိ ဗဟိုဈေးကြီးမှာ အခု ဇန်နဝါရီလ နောက်ဆုံးပတ် အတွင်း ခါးပိုက်နှိုက်တွေ
မှုခင်းသတင်း

ပူနားကိုမှာ စိတ်ကြွဆေးပြား ၆ သန်းကျော်နဲ့ လက်နက်ခဲယမ်းတွေ ဖမ်းမိ

မဲခေါင်၊ ဇန်နဝါရီ ၂၇ ရှမ်းပြည်နယ်အရှေ့ပိုင်း၊ မိုင်းဆတ်မြို့နယ်မှာ ၄ ဒသမ ၁၃ ဘီလီယံကျော်တန်ဖိုးရှိ မူးယစ်ဆေးဝါးနဲ့ လက်နက်ခဲယမ်းတွေ ဖမ်းဆီးရမိခဲ့တယ်လို့
မှုခင်းသတင်း

တောင်ကြီးမှာ အမျိုးသမီးငယ်ကို အမျိုးသား ၂ ဦးက ရိုက်နှက်ပြီး i-Phone လုသွား

မဲခေါင်၊ ဇန်နဝါရီ ၂၅ ရှမ်းပြည်နယ် တောင်ပိုင်း၊ တောင်ကြီးမြို့မှာ ဇန်နဝါရီလ ၂၄ ရက်၊ ညပိုင်းက အမျိုးသမီးငယ် တစ်ဦးကို အမျိုးသား ၂ ဦးက ရိုက်နှက်ပြီး i-Phone လုယူမှု ဖြစ်ပွားခဲ့တယ်လို့ ဒေသခံတွေထံကနေ
မှုခင်းသတင်း

ကျိုင်းတုံမှာ ဆိုင်ကယ်မှောက်လို့ ရဲတပ်ကြပ် ပွဲချင်းပြီး သေဆုံး

မဲခေါင်၊ ဇန်နဝါရီ ၂၄ ရှမ်းပြည်နယ် အရှေ့ပိုင်း၊ ကျိုင်းတုံမြို့မှာ ဒီကနေ့ ဇန်နဝါရီ ၂၄ ရက်၊ မနက်ပိုင်းက ဆိုင်ကယ်မှောက်လို့ ရဲတပ်ကြပ် တစ်ဦး ပွဲချင်းပြီး သေဆုံးသွားတယ်လို့ တိုင်းနေ နာရေးကူညီမှုအသင်းထံက သိရပါတယ်။
မှုခင်းသတင်း

လူမှုကွန်ရက်မှာ “လိပ်ပြာ” လို့ နာမည်ကြီးတဲ့ အလှပြင်ဆိုင်ပိုင်ရှင်ကို ခေါ်ယူစစ်ဆေးပြီး ပြန်လွှတ်

မဲခေါင်၊ ဇန်နဝါရီ ၂၁ ရန်ကုန်တိုင်း၊ ဒေါပုံမြို့နယ်၊ ဗမာအေးရပ်ကွက်၊ စက်ရုံလမ်းမှာ ဖွင့်လှစ်ထားတဲ့ Bright Star အလှပြင်ဆိုင် ပိုင်ရှင် ဖြစ်သူကို အလှပြင် ခွဲစိတ်မှုတွေ လုပ်နေတဲ့ အတွက် သက်ဆိုင်ရာက ခေါ်ယူ စစ်ဆေး
မှုခင်းသတင်း

ရွှေညောင်မြို့က အမျိုးသမီးငယ်တစ်ဦး ၈ ရက်ကြာအထိ အဆက်အသွယ်မရဘဲ ပျောက်ဆုံးနေ

မဲခေါင်၊ ဇန်နဝါရီ ၂၁ ရှမ်းပြည်နယ် တောင်ပိုင်း၊ တောင်ကြီးမြို့နယ်၊ ရွှေညောင်မြို့က အသက် ၁၇ နှစ်အရွယ် အမျိုးသမီးငယ် တစ်ဦး ၈ ရက်ကြာအထိ အဆက်အသွယ် မရဘဲ ပျောက်ဆုံးနေတယ်လို့ နီးစပ်သူတွေထံက သိရပါတယ်။
မှုခင်းသတင်း

အသုတ်မြို့က ဓာတ်ဆီဆိုင် မီးလောင်မှု ဆိုင်ဝန်ထမ်း ၃ ဦးသေဆုံးပြီး ၂ ဦးဒဏ်ရာရ

မဲခေါင်၊ ဇန်နဝါရီ ၂၀ ဧရာဝတီတိုင်း၊ ရေကြည်မြို့နယ်၊ အသုတ်မြို့၊ အမှတ် (၅) ရပ်ကွက် ပုသိမ်-မုံရွာ လမ်းမဘေးမှာ ဖွင့်လှစ် ရောင်းချနေတဲ့ ဓာတ်ဆီဆိုင် မီးလောင်မှု ဖြစ်ပွားခဲ့ပြီး ဆိုင်ဝန်ထမ်း ၅ ဦးအနက် ၃
မှုခင်းသတင်း

တောင်ကြီးဒေသခံ ရွှေ့ပြောင်းအလုပ်သမား ၁ ‌ဦး ထိုင်းနိုင်ငံမှာ ဓားထိုးခံရပြီး သေဆုံး

မဲခေါင်၊ ဇန်နဝါရီ ၁၇ ရှမ်းပြည်နယ် တောင်ပိုင်း၊ တောင်ကြီးမြို့နယ်က ရွှေ့ပြောင်း အလုပ်သမား တစ်‌ဦး ထိုင်းနိုင်ငံမှာ ဇန်နဝါရီလ ၁၅ ရက်၊ ညနေပိုင်းက ဓားထိုးခံရပြီး သေဆုံးခဲ့တယ်လို့ နီးစပ်သူတွေထံက သိရပါတယ်။