မြန်မာ့နွေဦး

Federal Wings ရဲ့ ဒရုန်းစစ်ဆင်ရေးတွေကြောင့် တစ်နှစ်အတွင်း စစ်ကောင်စီတပ်ဖွဲ့ဝင် ၂၀၀ ခန့်သေဆုံး

မဲခေါင် 5 Jan - 2023
ပြီးခဲ့တဲ့ ၂၀၂၂ ခုနှစ် တစ်နှစ်တာ တိုက်ပွဲတွေအတွင်း စစ်ကောင်စီ တပ်ဖွဲ့ဝင် ၂၀၀ ခန့် သေဆုံးခဲ့တယ်လို့ Federal Wings ဒရုန်း စစ်ဆင်ရေးတပ်ဖွဲ့က မနေ့က ထုတ်ပြန်ပါတယ်။

Federal Wings ဒရုန်းစစ်ဆင်ရေးတပ်ဖွဲ့ဟာ တိုင်းရင်းသား လက်နက်ကိုင်အဖွဲ့အစည်း EAO တွေ၊ PDF တွေနဲ့ ပူးပေါင်းတိုက်ပွဲဝင်နေတဲ့ အဖွဲ့ဖြစ်ပါတယ်။

KNU တပ်မဟာ (၃) နဲ့ တပ်မဟာ (၆) နယ်မြေ အတွင်း တိုက်ပွဲတွေနဲ့ စခန်းသိမ်း တိုက်ပွဲကြီးတွေမှာ သက်ဆိုင်ရာ တပ်ရင်းတပ်ဖွဲ့ စစ်ကြောင်းတွေနဲ့ ပူးတွဲ တိုက်ပွဲဝင်နိုင်ခဲ့တယ်လို့ သိရပါတယ်။

တစ်နှစ်တာ အတွင်းမှာ ပူးပေါင်းတပ်ဖွဲ့တွေနဲ့အတူ ဒရုန်း ပျံသန်း စစ်ဆင်မှု ၄၃၇ ကြိမ် တိုက်ပွဲဝင်နိုင်ခဲ့ပြီး အဲ့ဒီ တိုက်ပွဲတွေ အတွင်း စစ်သား ၂၀၀ ဦးခန့် သေဆုံးခဲ့တာပါ။

တိုက်ခိုက်မှုတွေ အတွင်း စစ်ကောင်စီတပ်ဖွဲ့ဝင် ၂၀၀ ခန့် သေဆုံးခဲ့ပြီး ရာပေါင်းများစွာ ထိခိုက်ဒဏ်ရာ ရရှိခဲ့တာကို စစ်မြေပြင်သတင်းတွေအရ သိရတယ်လို့ Federal Wings က ဖော်ပြထားပါတယ်။

Federal Wings ဒရုန်းတပ်ဖွဲ့ အနေနဲ့ လက်ရှိ ကော့ကရိတ်တိုက်ပွဲ၊ တောင်စွန်းတိုက်ပွဲနဲ့ ကြာအင်းဆိပ်ကြီး တိုက်ပွဲတွေမှာ သက်ဆိုင်ရာ တော်လှန်ရေးတပ်ရင်း၊ တပ်ဖွဲ့ စစ်ကြောင်းတွေနဲ့ အင်အားဖြည့် ပူးပေါင်း တိုက်ပွဲဝင်နေပါတယ်။

ဒီတပ်ဖွဲ့ဟာ သတင်းအချက်အလက် နည်းပညာနဲ့ ဆက်သွယ်ရေးဝန်ကြီးဌာန-MOCIT ရဲ့ ဦးဆောင်မှုနဲ့ Federal Wings Fundraise တွေက အမေရိကန်ဒေါ်လာ ၂၆၅,၂၄၂ ကောက်ခံရရှိထားကြောင်းနဲ့ တပ်ဖွဲ့ ဟာ NUG အပါအဝင် အခြား ဘယ်အဖွဲ့အစည်းတွေဆီကမှ ရံပုံငွေ ရရှိထားတာ မရှိဘဲ ပြည်သူလူထု ထည့်ဝင်ငွေနဲ့သာ ရပ်တည်နေတာဖြစ်တယ်လို့ အသိပေးထားပါတယ်။

လွတ်လပ်မှုကို လိုလားတဲ့ ပြည်သူလူထု ထည့်ဝင်လှူဒါန်း ထားတဲ့ ငွေကြေးကို အလေအလွင့်မရှိ စေဖို့နဲ့ စစ်အာဏာရှင် တိုက်ထုတ်တဲ့ တော်လှန်ရေး တိုက်ပွဲတွေမှာ အကျိုးရှိစွာ အသုံးချနေတယ်လို့ ဆိုပါတယ်။

၂၀၂၂ ခုနှစ်အတွင်းမှာ Federal Wings ရဲ့တပ်အင်အား တိုးချဲ့မှု လုပ်ငန်းတွေ၊ တိုက်ခိုက်ရေး Mission တွေနဲ့ တိုက်ခိုက်ရေး ဒရုန်း အမျိုးအစားအသစ် စမ်းသပ်ထုတ်လုပ်မှုတွေကို အရှိန်တိုးမြှင့် လုပ်ဆောင်နိုင်ခဲ့တယ်လို့လည်း အသိပေးထားပါတယ်။

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)

Mekong News

Mekong News

About Author

မဲခေါင်သတင်းဌာနမှ အကြီးတန်းတာဝန်ခံ အွန်လိုင်းအယ်ဒီတာတစ်ယောက် ဖြစ်သည်။ သတင်းမီဒီယာကျင့်ဝတ်၊ လူသားကျင့်ဝတ်တို့ကို လိုက်နာပြီး သတင်းများကို တင်ဆက်သွားမည် ဖြစ်သည်။

Related News

မြန်မာ့နွေဦး

ကြာအင်းဆိပ်ကြီးမြို့ပေါ်တိုက်ပွဲ စစ်ကောင်စီ လေကြောင်းက ဗုံးကြဲတိုက်ခိုက်

မဲခေါင်၊ ဇွန် ၂ ကရင်ပြည်နယ်၊ ကြာအင်းဆိပ်ကြီးမြို့နယ်မှာ ဒီနေ့ ဇွန်လ ၂ ရက်နေ့၊ မနက်ပိုင်းကစပြီး စစ်ကောင်စီတပ်နဲ့ တော်လှန်ရေးပူးပေါင်းတပ်
မြန်မာ့နွေဦး

မိုင်းလား ဆွေးနွေးပွဲ ပထမရက်မှာ မဟာမိတ် ၃ ဖွဲ့နဲ့ စစ်ကောင်စီ အချက် ၅ ချက် ဆွေးနွေး

မဲခေါင်၊ ဇွန် ၂ ရှမ်းပြည်နယ် အရှေ့ပိုင်း၊ မိုင်းလားမြို့မှာ ညီနောင် မဟာမိတ် ၃ ဖွဲ့ဖြစ်တဲ့ MNDAA၊ TNLA၊
မြန်မာ့နွေဦး

လားရှိုးမြို့မှာ ဆိုင်ကယ်စီးနင်း သွားလာသူတွေကို ဓါးခုတ် လုယက်နေနဲ့ဂိုဏ်း ဆိုင်ကယ် ၂၂ စီးနဲ့အတူ ဖမ်းမိ

မဲခေါင်၊ ဇွန် ၂ ရှမ်းပြည်နယ် မြောက်ပိုင်း၊ လားရှိုးမြို့မှာ ဆိုင်ကယ်စီးနင်း သွားလာသူတွေကို ဆိုင်ကယ်နဲ့ ဘေးချင်းကပ်ကာ ဓါးနဲ့ခုတ်၊ တုတ်နဲ့ ရိုက်ပြီး ဖုန်း၊ ပိုက်ဆံအိတ်နဲ့ ဆိုင်ကယ်တွေ လုယက်ခဲ့တဲ့ အမျိုးသား ၆ ဦးပါ
မြန်မာ့နွေဦး

ကိုးကန့်၊ TNLA ၊ AA မဟာမိတ် ၃ဖွဲ့နဲ့ စစ်ကောင်စီတို့ မိုင်းလားမြို့မှာ မနက်ဖြန် တွေ့ဆုံဆွေးနွေးဖို့ ရှိနေ

မဲခေါင် ၊ မေ ၃၀ ညီနောင်မဟာမိတ် ၃ ဖွဲ့ဖြစ်တဲ့ ရခိုင်အဖွဲ့ AA၊ တအာင်းအဖွဲ့ TNLA ၊ ကိုးကန့်အဖွဲ့ MNDAA နဲ့ စစ်ကောင်စီရဲ့ အမျိုးသားစည်းလုံး ညီညွတ်ရေးနှင့် ငြိမ်းချမ်းရေး ဖော်ဆောင်မှု
မြန်မာ့နွေဦး

ကွန်ဟိန်းမြို့နယ်မှာ ကားမောင်းလာတဲ့ အမျိုးသမီးကို RCSS တပ်ဖွဲ့ တားဆီး ပစ်သတ်လိုက်တယ်လို့ ဒေသခံတွေ စွပ်စွဲ

မဲခေါင်၊ မေ ၃၀ ရှမ်းပြည်နယ် တောင်ပိုင်း၊ ကွန်ဟိန်းမြို့နယ်၊ ဝမ်းစိမ်းနဲ့ ဆိုင်မွန်းကျေးရွာကြားမှာ မေလ ၂၈ ရက်နေ့က ကားမောင်းလာတဲ့ အမျိုးသမီး တစ်ဦး ပစ်သတ်ခံလိုက်ရတယ်လို့ ဒေသခံတွေက ပြောပါတယ်။
မြန်မာ့နွေဦး

စစ်တပ်က ကျောက်ပချုပ်ရွာမှာ ဖမ်းမိတဲ့ PDF ကို အသုံးချပြီး ကရင်နီ PDF တွေကို ထောင်ဖမ်းဖို့ ကြိုးစားနေ

မဲခေါင်၊ မေ ၃၀ သာစည်မြို့နယ်၊ ကျောက်ပချုပ်ကျေးရွာ အခြေစိုက် PDF စခန်းကို စစ်ကောင်စီနဲ့ ပျူစောထီးတွေ ဝင်ရောက် စီးနင်းခဲ့ပြီးနောက် ဖမ်းမိတဲ့ PDF တစ်ဦးကို အသုံးချပြီး ကရင်နီက PDF တွေကို ထောင်ဖမ်းဖို့
မြန်မာ့နွေဦး

စစ်ကောင်စီက တော်လှန်ရေးအားကောင်းတဲ့ ဒေသတွေကို ငွေလွှဲမှုရှိတဲ့ K Pay အကောင့်တွေကို ဦးတည်ပိတ်ဆို့နေ

မဲခေါင်၊ မေ ၂၇ စစ်ကောင်စီက ငွေအသွင်းအထုတ်များတဲ့ K Pay အကောင့်တွေကို ဒုတိယအကြိမ် ပိတ်ဆို့နေပြီး တော်လှန်ရေးအားကောင်းတဲ့ ဒေသတွေကို ငွေအလွဲအပို့ရှိတဲ့ အကောင့်တွေကို ဦးတည်ချက်ထားပိတ်ဆို့နေတယ်လို့ K Pay အသုံးပြုသူများထံကသိရပါတယ်။
မြန်မာ့နွေဦး

မိုးဗြဲက စစ်ရှောင်စခန်းတစ်ခုကို စစ်တပ်က လေယာဉ်နဲ့ ၂ ကြိမ်ဗုံးကြဲ

မဲခေါင်၊ မေ ၂၈ ရှမ်းပြည်တောင်ပိုင်း မိုးဗြဲအနောက်ဘက်ခြမ်းမှာရှိတဲ့ စစ်ရှောင်တွေနေတဲ့စခန်းကို လေယာဉ်နဲ့ (၂) ကြိမ်တိုင် လာရောက် ဗုံးကြဲတိုက်ခိုက်ခဲ့တယ်လို့ မိုးဗြဲပြည်သူ့ကာကွယ်ရေးတပ်ဖွဲ့က ဒီနေ့မှာ သတင်းထုတ်ပြန်ပါတယ်။