ရန်ကုန် နည်းပညာတက္ကသိုလ်က ဆရာ၊ ဝန်ထမ်း၊ အရာထမ်း၊ အမှုထမ်း တွေဟာ ဆိုးရွားလှတဲ့ စစ်အာဏာရှင် စနစ်အောက်မှာ ဖြတ်သန်းနေရလို့ ဒီစနစ်ကို ကန့်ကွက် ဖီဆန်ခဲ့ကြပြီး CDM လှုပ်ရှားမှုကို ပြုလုပ်လာခဲ့တာဟာ ဒီနေ့ အချိန်ထိ ဖြစ်တယ်လို့ တက္ကသိုလ်ကောင်စီက ထုတ်ပြန်ထားပါတယ်။
ကြားကာလ ပညာရေး အနေနဲ့ ပညာရေးဝန်ကြီးဌာနရဲ့ မူဝါဒတွေနဲ့အညီ ဆောင်ရွက်နေပါတယ်။ တက္ကသိုလ် အနေနဲ့ ဆိုရင် နိုင်ငံတကာ တက္ကသိုလ်တချို့နဲ့ ပူးပေါင်းပြီး လေ့လာသင်ကြားရေး အစီအစဉ်တချို့ကို ပြီးခဲ့တဲ့ နှစ်မှာ လုပ်ဆောင်ထားပါတယ်။ အဲ့လို အစီအစဉ်တွေမှာ ပါဝင်တဲ့ သူတွေ ကတော့ ဆက်လက် ဆောင်ရွက်နေ ကြပါတယ်။ Formal Education အတွက်ကတော့ ကြိုးစားဆဲလို့ ပြောလို့ရပါတယ်။ အင်ဂျင်နီယာ ဘာသာရပ်တွေ ဖြစ်လို့ လက်တွေ့ခန်းဝင်ပြီး လုပ်ရတဲ့ အစိတ်အပိုင်းက များတော့ အကောင်အထည်ဖော်မှု အပိုင်းမှာ အများအပြား ထည့်စဉ်းစားရတာတွေ ရှိနေတယ်
လို့ တက္ကသိုလ်ကောင်စီ တာဝန်ရှိသူက ပြောပါတယ်။
ရန်ကုန်နည်းပညာ တက္ကသိုလ်မှာ ဘွဲ့ပေးသင်တန်းပေါင်း ၁၄ ခုရှိပြီး မဟာတန်းနဲ့ ပါရဂူတန်းတွေလည်းရှိကာ ဒီပလိုမာတန်းတွေလည်း ရှိပြီး B.E ၊ B.Arch ၊ M.E ၊ M.Arch ၊ Ph.D စတဲ့ ဘွဲတွေ ပေးအပ်တယ်လို့ သိရပါတယ်။
ခက်ခဲကောင်း ခက်ခဲပေမယ့် အခုဘဝအတွက်ရော သံသရာအတွက်ပါ လိပ်ပြာလုံတယ်။ အခုဆို ကြားကာလ ပညာသင်ကြားရေး ပေါ်ပေါက်လာပြီ။ ကျွန်မတို့ လူငယ်တွေ ပညာရေးကို ရှေ့ဆက် လျှောက်လှမ်းနိုင်တော့မယ်။ လမ်းပျောက်မသွားပါနဲ့။ ကိုယ့်ကျောင်းထဲ ကိုယ်ပြန်ရောက်နိုင်ဖို့ ဆက်လက် လုပ်ဆောင်သွားမှာပါ
လို့ ကျောင်းသူ တဉီးက ပြောပါတယ်။
လက်ရှိ ရန်ကုန် နည်းပညာ တက္ကသိုလ် ကောင်စီ အနေနဲ့ စစ်ကောင်စီ လက်အောက်မှာ ကျောင်းပြန်တက်နေတဲ့ CDM ကျောင်းသားတွေရဲ့ Student CDM ID တွေကို ပြန်လည် ရုတ်သိမ်းပြီး အမည်ပျက် ကျောင်းသား စာရင်းမှာ ထည့်သွင်းနေတယ်လို့ သိရပါတယ်။
