မဲခေါင်၊ ဇွန် ၂၆
ဇွန် ၂၅ ရက်က စစ္စလီကမ်းရိုးသို့ ဝင်ရောက်လာသည့် အမှတ်အသားမပါ ကင်မရွန်းအလံတင် ရုရှားချိတ်ဆက် မှောင်ခိုရေနံတင်သင်္ဘောတစ်စီးကို ပြင်သစ်ကွန်မန်ဒိုများက စီးနင်းသိမ်းပိုက်ခဲ့သည်။
ယူကရိန်းကို ကျူးကျော်ပြီးနောက် အနောက်အင်အားစုများက ရုရှား၏ ရေနံတင်သင်္ဘောများကို ပိတ်ဆို့အရေးယူမှုများ လုပ်ဆောင်ခဲ့ရာ ရုရှားသည် စစ်ပွဲအသုံးစားရိတ်များ ရရှိရန် အခြားနိုင်ငံအလံများ တင်ဆောင်ပြီး ရေနံများကို တင်ပို့နေရာ ထိုသင်္ဘောများကို အရိပ်သင်္ဘောများဟု ခေါ်ဆိုကြသည်။
ပြီးခဲ့သည့် ဇွန် ၁၄ ရက်က ဗြိတိန်ကွန်မန်ဒိုများသည် အင်္ဂလန်ရေလက်ကြားအတွင်း ဝင်ရောက်လာသော ရုရှား၏ ရေနံတင်သင်္ဘောတစ်စီးကို စီးနင်းသိမ်းပိုက်လိုက်ပြီးနောက် ရုရှားဘက်က နောက်တစ်ကြိမ် သိမ်းပိုက်လျှင် အဝေးထိန်းခလုတ်ဖြင့် ဖောက်ခွဲတိုက်ခိုက်ရန် မိုင်းများပါ တင်ဆောင်ပေးမည်ဟု ပြန်လည် ခြိမ်းခြောက်ခဲ့သေးသည်။
ယခု ပြင်သစ် ထပ်မံသိမ်းပိုက်လိုက်သော Deliver ဆိုသည့် အရိပ်သင်္ဘောသည် ရုရှားနိုင်ငံ ပရင်မော့ခ်စ်မှ ထွက်လာသည့် သင်္ဘောဖြစ်ကာ ထိုသိမ်းပိုက်မှုအပြီး ပင်လယ်ရေကြောင်း ဥပဒေချိုး ဖောက်ကာ ဝင်ရောက်လာသည့် ရုရှားချိတ်ဆက် ရေနံတင်သင်္ဘောကို စီးနင်းသိမ်းပိုက်လိုက်ကြောင်းနှင့် ယူကရိန်းအပေါ် ရုရှားဘက်မှ ကျူးကျော် တိုက်ခိုက်နေမှုအပေါ် ့် ဥရောပသားတို့ မည်သို့သဘောထားသည်ကို ပြသလိုက်ခြင်းဖြစ်ကြောင်း၊ ပိတ်ဆို့အရေးယူထားမှုကို ရှောင်ရှားပြီး စစ်ရေးအသုံးစားရိတ်ရရှိရန် ယခုလို အရိပ်သင်္ဘောများ ခုတ်မောင်းနေမှုအား ခွင့်ပြုမည်မဟုတ်ဟု ပြင်သစ်သမ္မတ မက်ခရွန်က လူမှုကွန်ရက် X တွင် ရေးတင်ခဲ့သည်။
ကိုကလင်း
Ref:Thesun
#MeKongNews
#ရုရှား
#မှောင်ခိုရေနံတင်သင်္ဘော
#စစ္စလီကမ်းရိုးတန်း
#ပြင်သစ်ကွန်မန်ဒို
