မဲခေါင်၊ ဇန်နဝါရီ ၁၆
၂၀၂၄ ခုနှစ်က မာရှယ်လော ထုတ်ပြန်ကာ စစ်အာဏာသိမ်းရန် ကြံစည်ခဲ့သည့် တောင်ကိုရီးယား သမ္မတဟောင်း ယွန်းဆွတ်ယိုးကို စွဲဆိုထားသည့် အမှုများထဲမှ ပထမဆုံး စွဲချက်အတွက် ထောင်ဒဏ် ၅ နှစ် ချ မှတ်လိုက်ပြီ ဖြစ်သည်။
သမ္မတကို အယုံအကြည်မရှိ အဆိုဖြင့် ဖြုတ်ချခဲ့ရသည့် ထိုဖြစ်ရပ်သည် တောင်ကိုရီးယား နိုင်ငံရေးလောက၌ ၀ရုန်းသုန်းကား အဖြစ်ဆုံး ဖြစ်ရပ်ဖြစ်ခဲ့ပြီး လွှတ်တော်အမတ်များက လွှတ်တော်အား စစ်တပ် ဝင်မစီးနင်းမီလေးတွင် သမ္မတအမိန့်ကို ဖွဲ့စည်းပုံ အခြေခံဥပဒေနှင့် အညီ ပြန်လည် ပယ်ဖျက်ကာ စစ်အာဏာသိမ်းမှုမှ ကယ် တင်လိုက်နိုင်ခြင်း ဖြစ်သည်။
ထို့ကြောင့် အသက် ၆၅ နှစ်ရှိပြီဖြစ်သော ယွန်းဆွတ်ယိုးကို စွဲချက် ၄ ခု ဖြင့် တရားရုံးက စတင်ကြားနာ စစ်ဆေးပြီး မာရှယ်လောထုတ်မှု၊ စာရွက်စာတမ်း အထောက်အထား အတုများလုပ်မှုအတွက် ပထမဆုံး စွဲချက်မှာပင် ထောင်ဒဏ် ၅ နှစ် ချမှတ်လိုက်ခြင်း ဖြစ်သည်။
၎င်းသည် အစိုးရအဖွဲ့အား အသိမပေးဘဲ မာရှယ်လောထုတ်မှု၊ ၎င်းနှင့် အပေါင်းအပါ ဝန်ကြီးချုပ်နှင့် ကာကွယ်ရေးဝန်ကြီးတို့ ၂ ဦး၏ ထောက်ခံမှုဖြင့် အာဏာသိမ်းရန် ကြိုးစားမှု၊ ဖမ်း၀ရမ်းဖြင့် ဖမ်းဆီးရာတွင် သမ္မတ သက်တော်စောင့်များအား ကြားခံတားဆီးခိုင်းမှုတို့ကိုလည်း ကျူးလွန်ထားပြီး နိုင်ငံတော် ပုန်ကန်မှုဖြစ်ခဲ့ပါက ဥပဒေအရ သေဒဏ်အထိ ပေးခံရနိုင်သေးသည်။
သို့သော် တောင်ကိုရီးယားတွင် ၁၉၉၇ ခုနှစ်နောက်ပိုင်း မည်သူ့ကိုမျှ သေဒဏ် မပေးခဲ့သဖြင့် တရားရုံးက ၎င်းအား အမြင့်ဆုံးပြစ်ဒဏ် အဖြစ် တစ်သက်တစ်ကျွန်းသာ ချမှတ်ဖွယ်ရှိကြောင်းလည်း သုံးသပ်နေကြသည်။
ကိုကလင်း
Ref:Thesun
#MeKongNews
#မာရှယ်လော
#တောင်ကိုရီးယား
#သမ္မတဟောင်း
#နိုင်ငံတော်ပုန်ကန်မှု
