မဲခေါင်၊ ဒီဇင်ဘာ ၅
ဒီဇင်ဘာ ၂ ရက်တွင် ပြုလုပ်သည့် အစိုးရအဖွဲ့ အစည်းအဝေး၌ အမေရိကန်သမ္မတ ဒေါ်နယ်ထရမ့်က ဗင်နီဇွဲလားနိုင်ငံအတွင်း ကုန်းတွင်းတိုက်ပွဲ စတင်တော့မည်ဟုဆိုသလို ဗင်နီဇွဲလား သမ္မတ မာဂျူရိုကို ရည်ရွယ်ကာ ခွေးမသားတွေကို မောင်းထုတ် ဆိုသည်အထိ ဆဲဆိုပြောကြားခဲ့သည်။
ယင်းအစည်းအဝေးသည် ၂ နာရီခွဲကြာမြင့်ခဲ့ပြီး ဗင်နီဇွဲလားကမ်းလွန် ကာရစ်ဘီယံ ပင်လယ်အတွင်း မူးယစ်မှောင်ခိုစက်လှေများစွာကို ပစ်ခတ်ဖောက်ခွဲနေမှုအား စစ်ရာဇဝတ်မှုကျူးလွန်မှုဟု ဝေဖန်သံများ ပိုကျယ်လောင်လာမှုကိုလည်း ဒေါ်နယ်ထရမ့်က ဒေါသထွက်ပြီး “ မနှစ်ကတစ်နှစ်တည်း အမေရိကန်သား ၂၀၀၀၀၀ ကို ဒီကောင်တွေက သတ်ခဲ့တာ။ (မူးယစ်ဆေးကြောင့် သေဆုံးသူများကို ရည်ရွယ်) ကုန်တွင်းတိုက်ပွဲ စတင်တော့မယ်။ ဒီခွေးမသားတွေကို မောင်းထုတ်ဖို့က ဒီနည်းလမ်းက အလွယ်ကူဆုံးပဲ။ ဖောက်ခွဲဖျက်ဆီးခဲ့တဲ့ လှေတစ်စီးတိုင်းဟာ လူအသက်ပေါင်း ၂၅၀၀၀ ကို ကယ်တင် တာပဲ” ဟု ပြောဆိုသွားခြင်းဖြစ်သည်။
အမေရိကန်မှ မူးယစ်မှောင်ခိုအကြမ်းဖက်ဂိုဏ်းများနောက်ကွယ်မှ ကြိုးကိုင်နေသူဟုဆိုကာ ဆုငွေ ဒေါ်လာ သန်း ၅၀ ထုတ်ထားသည့် မာဂျူရိုသည် ပြီးခဲ့သည့်ရက်ပိုင်းအတွင်း အင်အားအပြည့်အစုံ ဖြင့် စစ်ရေးပြင်ဆင်မှုများ လုပ်ဆောင်ရန် အမိန့်ပေးထားသော်လည်း အမေရိကန်ဘက်မှ လုပ်ကြံမည်ကို စိုးရိမ်းကြီးလွန်းနေသဖြင့် တစ်ည တစ်နေရာ၊ တစ်အိပ်ယာပြောင်းအိပ်ကာ ရှောင်တိမ်းနေသည်ဟု လည်း သိရှိရသည်။
ကိုကလင်း
Ref:Thesun
#MeKongNews
#အမေရိကန်
#ဗင်နီဇွဲလား
#မာဂျူရို
#မူးယစ်ဆေးဝါး
