မဲခေါင်၊ ဧပြီ ၂
ဘန်ကောက်ရှိ ဆောက်လက်စ အထပ် ၃၀ စာရင်းစစ်ရုံးကြီး ပြိုကျအပြီး အရေးပေါ် ကယ်ဆယ်မှုများ လုပ်ဆောင်နေစဉ် ထိုင်းနှင့် ဖက်စပ်တည်ဆောက်သော တရုတ်ကုမ္ပဏီနှင့် ဆက်စပ်သည့် တရုတ်အလုပ်သမား ၄ ဦး ဆိုက်ထဲဝင်လာပြီး စာရွက်စာတမ်းများ ခိုးယူခဲ့ရာ ဧပြီ ၁ ရက်တွင် ဘန်ကောက် မြောက်ပိုင်းခရိုင်တရားရုံးက ဆိုင်းငံ့ထောင်ဒဏ် ၂ လနှင့် ဒဏ်ကြေး ဘတ် ၆၀၀၀ စီသာ သတ်မှတ်လိုက်ကြောင်း သိရသည်။
တရုတ်အလုပ်သမား ၄ ယောက်သည် ပင်မ တရုတ်ကန်ထရိုက်ကုမ္ပဏီ၏ လက်ခွဲ China Railway Number 10 အဖွဲ့မှဖြစ်ပြီး အပျက်အစီးပုံနောက်ဘက် ကွန်တိန်နာရုံးခန်းတွင်းမှ လုပ်ငန်းခွင်နှင့်ပတ်သက်သည့် စာရွက်စာတမ်း ၃၂ ခုကို ခိုးယူရာတွင် ဖမ်းမိခဲ့ခြင်းဖြစ်ကာ တရားရုံးက သေဆုံးသူများနှင့်ပတ်သက်ပြီး အလွန်အရေးပါသည့် စာရွက်စာတမ်းဖျောက်ဖျက်မှုဖြစ်နေသော်လည်း သဘာဝဘေးအန္တရာယ်ကာကွယ်ရေးနှင့် လျော့ပါးရေးဥပဒေအရသာ ထောင်ဒဏ် ၂ လကိုပင် တစ်နှစ်အတွင်း ဆိုင်းငံ့ချမှတ်ကာ(တစ်နှစ်အတွင်းကောင်းမွန်စွာမနေ၊ ပြစ်ဒဏ်ထပ်တိုးမှ ထောင် ၂ လကျ) ဒဏ်ငွေမှာလည်း ဘတ် ၆၀၀၀ သာချမှတ်သဖြင့် မေးခွန်းထုတ်ရန်ပင်မလိုသော ထိုင်းဥပဒေဟု Khaosod မီဒီယာသတင်း Comment များတွင် ဝေဖန်ရေးသားနေကြသည်။
ယင်းရေးသားမှုများတွင် အမေရိကန်စစ်တပ်၏ ဂြိုဟ်တု X Ray ဓာတ်ပုံများအရ ဆိုက်အတွင်း ပိတ်မိနေသူ ၇၄ ဦးတွေ့ရသည်ဟု ဆိုသော်လည်း အခင်းဖြစ်ပွားချိန်မှာ အပြင်ထွက် ထမင်းစားချိန်ကျော်လွန်ပြီး လုပ်ငန်းခွင်ပြန်ဝင်ချိန်ဖြစ်နေသလို အများစုမှာလည်း အပြင်မထွက်ဘဲ ဆိုက်ထဲတွင်သာ စားကြကြောင်း၊ တစ်လွှာလျင် အယောက် ၄၀ နှုန်းဖြင့် တစ်နေ့ ဝန်ထမ်း ၄၀၀ ကျော် အလုပ်ဆင်းနေကြဆိုက်ဒ် ဖြစ်သောကြောင့် အခြေအနေများမှာ မသင်္ကာဖွယ်ရာရှိနေသည်ဟု မှတ်ချက်ရေးသားခဲ့သူလည်း ပါရှိနေသည်။
ကိုကလင်း
Ref:Khaosod
#MeKongNews
#ဘန်ကောက်
#ငလျင်
#စာရင်းစစ်ရုံး
#တရုတ်နိုင်ငံသား
