မဲခေါင်၊ နိုဝင်ဘာ ၁၉
MNDAA ခေါင်းဆောင် ဖုန်တာရွှင်ကို တရုတ်မှာ အကျယ်ချုပ်ဖမ်းဆီးထားတာ မဟုတ်သလို လားရှိုး ကလည်း တပ်တွေ ပြန်လည်းဆုတ်ခွါနေပြီဆိုတာ မဟုတ်ဘူးလို့ MNDAA သတင်းရင်းမြစ်က မဲခေါင်ကိုပြောပါတယ်။
တရုတ်နိုင်ငံမှာ MNDAA ခေါင်းဆောင် ဖုန်တာရွှင်နဲ့ “ဝ” ဒု-စစ်ဦးစီးချုပ် ပေါက်ကျွင်းဖုန်းကိုတရုတ်ကဖမ်းဆီးထားတယ်ဆိုတဲ့သတင်းတွေ မနေ့(နိုဝင်ဘာ ၁၈)က ပျံ့နှံ့ခဲ့တာ ဖြစ်ပါတယ်။
မဲခေါင်သတင်းဌာနက ဆက်သွယ်မေးမြန်းရရှိတဲ့ MNDAA သတင်းအရင်းအမြစ်တစ်ခုထံကတော့ ကိုးကန့်ခေါင်းဆောင် ဖုန်တာရွှင်ကို တရုတ်က ဖမ်းဆီးတယ်ဆိုတာ သတင်းမှားပါလို့ ပြောပါတယ်။
လားရှိုးကတပ်တွေလည်း ပြန်မဆုတ်ဘဲ တပ်တွေပုံမှန်လှုပ်ရှားနေပြီး စစ်ကောင်စီတပ်တွေ လားရှိုးနားရောက်အောင်လာနိုင်ရင် ပြန်တိုက်ဖို့ အဆင်သင့်ပဲလို့ မဲခေါင်ရဲ့ ဆက်သွယ်မေးမြန်းချက်ကို ဖြေကြားပါတယ်။
“ခုက ပြန်လည်ထူထောင်ရေးတွေ၊ ရေရဖို့၊ မီးရဖို့၊ ဖုန်းလိုင်းတွေရဖို့ လုပ်နေတာတွေ့ရတာပဲ၊ လှုပ်ရှားတာတွေတော့ တွေရတယ်” လို့ လားရှိုး (၁)ရပ်ကွက်နေသူတစ်ဦးက ပြောပါတယ်။
သတင်းအရင်းအမြစ်တစ်ခုကတော့ အောက်တိုဘာ ၂၁ ရက် မှာ တရုတ်အစိုးရက ဖုန်တာရွှင်ကို ခေါ်ယူတွေဆုံခဲ့ပြီး ၂၃ ရက်မှာ ဖုန်တာရွှင် ချင်းရွှေဟော်ပြန်လာပြီး UWSA ခေါင်းဆောင်တချို့နဲ့ တွေ့ဆုံခဲ့တယ်လို့ ဆိုပါတယ်။
တရုတ်၊”ဝ”၊ ကိုးကန့် သုံးပွင့်ဆိုင်ဆွေးနွေးမှုနဲ့ပတ်သက်ပြီး မီဒီယာတွေကိုလှည့်စားဖို့ ဖုန်တာရွှင်ဟာ ကျန်းမာရေးအကြောင်းပြ ကူမင်းဆေးရုံတက်တယ်ဆိုပြီး ယူနန်ပြည်နယ်၊ လီကျန်းမြို့က သူ့ရဲ့နေအိမ်မှာ သွားရောက်နေထိုင်ခဲ့ပါတယ်လို့ ပြောပါတယ်။
သက်ဆိုင်ရာအဖွဲ့အစည်းတွေက ထုတ်ပြန်အတည်ပြုတာတွေ မရှိသေးပေမယ့် အနီးစပ်ဆုံးသတင်းရင်းမြစ်တွေဆီကို မဲခေါင်သတင်းဌာနအနေနဲ့ မေးမြန်းထားတာဖြစ်ပြီး ဆက်စပ်သတင်းတွေ ထပ်မံရယူဆဲ ဖြစ်ပါတယ်။
တရုတ်အစိုးရဟာ လားရှိုးကို စစ်ကောင်စီကို ပြန်ပေးဖို့ MNDAA ကို နယ်စပ်တွေပိတ်ကာ အကြပ်ကိုင်ဖိအားပေးနေသလို MNDAA ခေါင်းဆောင် ဖုန်တာရွှင်ကိုလည်း ဖမ်းဆီးထားတယ်လို့ သတင်း တွေထွက်ပေါ်နေစဉ်မှာပဲ တရုတ်နိုင်ငံက ဖမ်းဆီးထားတာမဟုတ်ဘဲ ဆေးကုသခွင့်တောင်းခံကာ ဆေးကုနေတာဖြစ်ပြီး အခုအခါပြန်မလည်နလန်ထလာပြီလို့ တရုတ်ကပုံမှန်သတင်းစာရှင်းလင်းပွဲမှာပြောကြားကြောင်း VOA က ဒီနေ့ဖေါ်ပြပါတယ်။
MK 012
#MekongNews
#MNDAAခေါင်းဆောင်
#တရုတ်ဖမ်းဆီးတာမဟုတ်
#ဆေးကုသနေ
#လားရှိုးမှာတပ်တွေပုံမှန်လှုပ်ရှား
