အကြမ်းဖက်မှု တိုက်ဖျက်ရေး ဥပဒေ ပုဒ်မ ၄၉(က) နဲ့ အလုပ်ကြမ်းနဲ့ ထောင်ဒဏ် ၁၀ နှစ်ချမှတ်ခဲ့တာလို့ သိရပြီး အဲဒီပုဒ်မရဲ့ ပြစ်ဒဏ်ဟာ အများဆုံး သေဒဏ်ဖြစ်ကာ အနည်းဆုံး ထောင်ဒဏ် ၁၀ နှစ်ဖြစ်တယ်လို့ သိရပါတယ်။
၂၀၂၂ ခုနှစ် ဖေဖော်ဝါရီ ၃ ရက်က သတင်းထောက် ကိုသူရိန်ကျော်ကို အင်းစိန်မြို့နယ်၊ အောင်ဇေယျ အိမ်ရာမှာ ခဲယမ်း ပစ္စည်းတွေနဲ့ အတူ ဖမ်းမိခဲ့တာ ဆိုပြီး စစ်ကောင်စီက ထုတ်ပြန်ခဲ့တာပါ။
သူဟာ ဖေဖော်ဝါရီ ၃ ရက်မှ ဧပြီ ၂၂ ရက် အထိ ရေကြည်အိုင် စစ်ကြောရေးမှာ စစ်ဆေးခံခဲ့ရ ပြီးနောက် အင်းစိန်ထောင်မှာ ဖမ်းဆီး ထိန်းသိမ်း ခံထားရတာပါ။
ကိုသူရိန်ကျော်ကို အကြမ်းဖက်မှု တိုက်ဖျက်ရေး ဥပဒေ ပုဒ်မ ၄၉(က) နဲ့ မရမ်းကုန်းမြို့မရဲစခန်းမှာ အမှုဖွင့်ခဲ့ပြီး ၂၀၂၂ ခုနှစ် မေလ ၂၃ ရက်က ရန်ကုန် အနောက်ပိုင်းခရိုင် တရားရုံးကို တရားစွဲဆို တင်ပို့ခဲ့တယ်လို့ သိရပါတယ်။
သူဖမ်းဆီးခံရချိန်မှာ Media Top-4 ရဲ့ သတင်းထောက်အဖြစ် တာဝန်ထမ်းဆောင်ရင်း အခြား သတင်းဌာနတွေ မှာလည်း အလွတ်တန်း သတင်းထောက် အဖြစ် လုပ်ကိုင်ခဲ့တယ်လို့ သိရပါတယ်။
