မြန်မာ့နွေဦး

အခြေခံပညာ အထက်တန်းကျောင်းသားများ Shan Community College မှတစ်ဆင့် ပြည်ပတက္ကသိုလ်တွေနဲ့ ချိတ်ဆက် သင်ကြားနိုင်

မဲခေါင် 25 Jan - 2023
မဲခေါင်၊ ဇန်နဝါရီ ၂၅ ရှမ်းပြည်နယ်၊ လွယ်တိုင်းလိဒေသမှာ ဖွင့်လှစ်ထားတဲ့ Shan Community College မှ တစ်ဆင့် အခြေခံပညာ အထက်တန်းကျောင်းသားတွေ ပြည်ပ တက္ကသိုလ်နဲ့ ချိတ်ဆက် သင်ကြားနိုင်တယ်လို့ သိရပါတယ်။

မဲခေါင်၊ ဇန်နဝါရီ ၂၅

ရှမ်းပြည်နယ်၊ လွယ်တိုင်းလိဒေသမှာ ဖွင့်လှစ်ထားတဲ့ Shan Community College မှ တစ်ဆင့် အခြေခံပညာ အထက်တန်းကျောင်းသားတွေ ပြည်ပ တက္ကသိုလ်နဲ့ ချိတ်ဆက် သင်ကြားနိုင်တယ်လို့ သိရပါတယ်။

အဲ့ဒီ ကောလိပ်မှာ နိုင်ငံရေးသိပ္ပံ၊ လူမှုသိပ်ပ္ပံ၊ စီးပွားရေး၊ နိုင်ငံတကာ ဆက်ဆံရေး၊ ဥပဒေ စတဲ့ ဘာသာ ရပ်တွေ သင်ကြားပေးပြီး နိုင်ငံတကာ‌ စာမေးပွဲတွေဖြစ်တဲ့ TOEFL၊ SAT နဲ့ IELTS စာမေးပွဲတွေအပြင် နိုင်ငံတကာ အသိအမှတ်ပြု GED ပြင်ဆင်ဖို့ အတွက်လည်း ဖွင့်လှစ်ထားတယ်လို့ သိရပါတယ်။

“အခြေအနေ အခက်ခဲ အမျိုးမျိုးတွေကြောင့် ၁၀ တန်း မပြီးဆုံးသေးတဲ့ ကျောင်းသား၊ ကျောင်းသူတွေ အရမ်းများတယ်။ အဲတော့ ကျွန်မတို့က အထက်တန်း ပညာရေးနဲ့ ညီမျှအောင် တန်းညှိပေးတဲ့ပုံစံ ပြင်ဆင်ပေးတယ်။ ကျွန်မတို့ ၃ နှစ် Program မှာ ဘယ်လိုလုပ်ပေးလဲ ဆိုတော့ Social Science လည်း တက်ရမယ်။ အထက်တန်း ပညာရေး မပြီးဆုံးသေးတဲ့ ကျောင်းသားတွေကိုလည်း GED တစ်ခါတည်း ပြင်ဆင်ပေးတယ်။ ကျွန်မတို့ မိတ်ဘက် အဖွဲ့အစည်းနဲ့ Transfer လုပ်ပေးတယ်။ အဓိက တက်ချင်တဲ့ ကျောင်းသားတွေ English တော့ အခြေခံ ကောင်းရမယ်။ ရှမ်းစကား ပြောနိုင်၊ ရေးနိုင်ရင် တက်ရောက်နိုင်မယ်။ ပညာသင် စရိတ် ထောက်ပံ့နိုင်ရမယ်၊ ကျောင်းသားတွေ ကိုယ်နည်းကိုယ်ဟန်နဲ့ တက်နိုင်တဲ့ အနေအထား ဖြစ်ရမယ်” လို့ Shan Community College တာဝန်ရှိသူက ပြောပါတယ်။

ရှမ်းပြည်နယ် အခြေစိုက် Shan Community College ဟာ ကိုယ်ထူကိုယ်ထကျောင်း ဖြစ်ပြီး အွန်လိုင်း သာမက မြေပြင်မှာပါ ဘာသာရပ်အလိုက် သင်ကြားနိုင်သူတွေနဲ့ နိုင်ငံခြားတက္ကသိုလ်တွေမှာ သင်ကြားလာတဲ့ ရှမ်း ဆရာ၊ ဆရာမ အင်အား ၃၀ နဲ့ အဓိက သင်ကြားပေးနေတယ်လို့ ဆိုပါတယ်။

“ရိုးရိုးသားသား ပြောရရင် ကျွန်တော်ဟာ အစိုးရကျောင်းကို အဆင့် ၄ မှာ နုတ်ထွက်ခဲ့တဲ့ အချိန်ကတည်းက ပညာရေးကိစ္စ ဆက်လုပ်ဖို့ အခွင့်အရေး မရှိတဲ့သူပါ။ အဲဒီအချိန်ကစပြီး ကျောင်း၊ ကောလိပ်တက်ခွင့် ရမယ်လို့ တစ်ခါမှ မစဉ်းစားဖူးဘူး။ မမျှော်လင့်ဘဲ ကျွန်တော့်ဘဝမှာ အကြီးမားဆုံး အရာတွေထဲက တစ်ခုကို အောင်မြင်ခဲ့တယ်” လို့ အဲဒီကျောင်းမှာ တက်ရောက်အောင်မြင်ခဲ့တဲ့ ကျောင်းသားတစ်ဦးက ပြောပါတယ်။

Shan Community College မှာ သင်ကြားပေးတဲ့ ဘာသာရပ် ၃၀ ရှိပြီး တက်ရောက် အောင်မြင်ပါက ချိတ်ဆက်ထားတဲ့ တက္ကသိုလ်မှာ ၂ နှစ်ဆက်လက် တက်ရောက်ပြီး B.A Degree ရရှိမှာ ဖြစ်တယ်လို့ သိရပါတယ်။

ကျောင်းဝင်ခွင့်ကို တစ်နှစ် ၂ ကြိမ်ခေါ်ယူပြီး ဖေဖော်ဝါရီလမှ တစ်ကြိမ် ဇွန်လမှ တစ်ကြိမ် ကျောင်းသား လက်ခံပေးပြီး ဘွဲ့ရတဲ့ ကျောင်းသား၊ ကျောင်းသူတွေဟာ ထိုင်းနိုင်ငံ ချင်းရိုင်းတက္ကသိုလ်ရှိ Chiang Rai Rajaphat University မှာ တက်ရောက်ခွင့်ရမှာ ဖြစ်တယ်လို့ သိရပါတယ်။

MK-010

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)

Mekong News

Mekong News

About Author

မဲခေါင်သတင်းဌာနမှ အကြီးတန်းတာဝန်ခံ အွန်လိုင်းအယ်ဒီတာတစ်ယောက် ဖြစ်သည်။ သတင်းမီဒီယာကျင့်ဝတ်၊ လူသားကျင့်ဝတ်တို့ကို လိုက်နာပြီး သတင်းများကို တင်ဆက်သွားမည် ဖြစ်သည်။

Related News

မြန်မာ့နွေဦး

စစ်ကောင်စီခန့်ရှမ်းပြည်နယ်စစ်ဝန်ကြီးချုပ် (သို့) မိုဆိုလူသတ်သမား

အာဏာသိမ်း ၂ နှစ်ပြည့်နေ့ ဖေဖော်ဝါရီလ ၁ ရက်နေ့မှာ စစ်ခေါင်းဆောင် မင်းအောင်လှိုင်က ရှမ်းပြည်နယ်နဲ့ ကရင်နီပြည်ကို တာဝန်ယူ ကိုင်တွယ်ခဲ့တဲ့
မြန်မာ့နွေဦး

ဖက်ဒရယ်နဲ့ ဒီမိုကရေစီလိုလားတဲ့ အင်အားစုတွေနဲ့လက်တွဲဖို့ SSPP ဆုံးဖြတ်

မဲခေါင်၊ ဖေဖော်ဝါရီ ၃ ဖက်ဒရယ်နဲ့ ဒီမိုကရေစီ လိုလားတဲ့ အင်အားစုတွေနဲ့ လက်တွဲသွားမယ်လို့ ရှမ်းတော်လှန်ရေး အင်အားစု ဖြစ်တဲ့ ရှမ်းပြည်တိုးတက်ရေးပါတီ-SSPP
မြန်မာ့နွေဦး

ဟုမ္မလင်းမှာ ရဟတ်ယာဉ်တစ်စီးကို PDF ပစ်ချ

မဲခေါင်၊ ဖေဖော်ဝါရီ ၃ စစ်ကိုင်းတိုင်း၊ ဟုမ္မလင်းမြို့နယ်၊ ရွှေပြည်အေးမြို့သစ်အနီးမှာ ဖြစ်ပွားခဲ့တဲ့ တိုက်ပွဲအတွင်း စစ်တပ်ရဲ့ ရဟတ်ယာဉ်တစ်စီးကို ပြည်သူ့ကာကွယ်ရေးတပ်တွေက ပစ်ချနိုင်ခဲ့တယ်လို့ NUG က ဒီကနေ့ ထုတ်ပြန်ပါတယ်။
မြန်မာ့နွေဦး

မန္တလေးမြို့တော်ဝန် ဒေါက်တာရဲလွင်ကို စစ်ကောင်စီက ထောင်ဒဏ် ၂ နှစ်ထပ်ချ

မဲခေါင်၊ ဖေဖော်ဝါရီ ၃ မန္တလေးမြို့တော်ဝန် ဒေါက်တာရဲလွင်ကို နိုင်ငံဘဏ္ဍာငွေ အလွဲသုံးမှုနဲ့ စစ်ကောင်စီက ဒီကနေ့ ထောင်ဒဏ် ၂ နှစ် ထပ်ချလိုက်တယ်လို့ နီးစပ်တဲ့ အသိုင်းအဝိုင်းမှ သိရပါတယ်။
မြန်မာ့နွေဦး

Spring Bliss နွေဦးစံရိပ်မွန် အိမ်ရာတွေ စတင်ရောင်းချပေးတော့မယ်

မဲခေါင်၊ ဖေဖော်ဝါရီ ၃ Spring Bliss 1-2-3 (နွေဦးစံရိပ်မွန် ၁၊၂၊၃ အိမ်ရာတွေကို ဖေဖေါ်ဝါရီလ ၁၁ ရက်နေ့က စတင် ရောင်းချပေးသွားမှာဖြစ်တယ်လို့ သိရပါတယ်။
မြန်မာ့နွေဦး

NUG ယာယီသမ္မတရဲ့ လူမှုကွန်ရက်စာမျက်နှာ တိုက်ခိုက်ခံရ

မဲခေါင်၊ ဖေဖော်ဝါရီ ၃ အမျိုးသား ညီညွတ်ရေး အစိုးရ၊ ယာယီ သမ္မတဒူဝါလရှီးလ ရဲ့ လူမှုကွန်ရက်-Facebook စာမျက်နှာ တိုက်ခိုက်ခံခဲ့ရတယ်လို့ သမ္မတရုံးက ထုတ်ပြန်ပါတယ်။
မြန်မာ့နွေဦး

ကောလင်းမှာ စစ်တပ်စစ်ကြောင်းထိုးမှုကြောင့် ကျေးရွာ ၃၈ ရွာမှ ပြည်သူ ၄၀,၀၀၀ နီးပါး စစ်ဘေးရှောင်နေရပြီး ကျည်ထိမှန်ကာ ပြည်သူတစ်ဦး သေဆုံး

မဲခေါင်၊ ဖေဖော်ဝါရီ ၃ စစ်ကိုင်းတိုင်း၊ ကောလင်းမြို့နယ်မှာ စစ်ကောင်စီ စစ်ကြောင်းထိုး ဝင်ရောက်မှုကြောင့် ကျေးရွာ ၃၈ ရွာမှ ဒေသခံ ပြည်သူ ၄၀,၀၀၀ နီးပါး စစ်ဘေးရှောင်နေရပြီး ကျည်ထိမှန်ကာ ပြည်သူ တစ်ဦး သေဆုံးခဲ့တယ်လို့
မြန်မာ့နွေဦး

စစ်တပ်က ရှေ့တန်းတပ်စခန်းသို့ လေကြာင်းက ရိက္ခာပို့စဉ် တိုက်လေယာဉ်‌တွေနဲ့ ဗုံးသီးကြဲချ

မဲခေါင်၊ ဖေဖော်ဝါရီ ၃ ကရင်ပြည်နယ်၊ တပ်မဟာ (၅) နယ်မြေရှိ စစ်ကောင်စီ ရှေ့တန်းတပ်စခန်းဖြစ်တဲ့ ကဟီးကျိုးစခန်းကို ကုန်းကြောင်းနဲ့ စားနပ်ရိက္ခာ သယ်ယူပို့ဆောင်မှု မပြုနိုင်တော့လို့ လေကြောင်းအသုံးပြုကာ စားနပ်ရိက္ခာတွေ လာရောက်ပို့ဆောင်စဉ် တိုက်လေယာဉ်‌တွေနဲ့ ဗုံးသီးကြဲချခဲ့တယ်လို့ သိရပါတယ်။