ရွှေညာမြေ ပြည်သူ့ကာကွယ်ရေးအဖွဲ့ အနေနဲ့ ပြည်သူတွေကို အကြမ်းဖက်နှိပ်စက်တာ၊ သတ်ဖြတ်တာ၊ ပြန်ပေးဆွဲတာ၊ ဓားပြတိုက်တာတွေ လုံးဝ လုပ်ဆောင်တာ မရှိဘဲ အကြမ်းဖက်မှုတွေကို PDF များ လုပ်သယောင် စစ်တပ်က ဝါဒဖြန့်နေတယ်လို့ ဒီကနေ့ ထုတ်ပြန် ပြောဆိုလိုက်ပါတယ်။
အကြမ်းဖက် စစ်တပ် အနေနဲ့ ဖမ်းဆီးနိုင်ခြင်း မရှိတဲ့အတွက် PDF ကို ပုံမှားရိုက် ဝါဒဖြန့်တာတွေ ပြုလုပ်နေတာကြောင့် အခုလို ထုတ်ပြန်လိုက်ရတာပါ” လို့ Shwe Nyar Myae PDF မှ တာဝန်ရှိသူ တစ်ဦးက မဲခေါင်သတင်းဌာန ကို ဖြေကြားပါတယ်။
အကြမ်းဖက်စစ်တပ်ဘက်က PDF တွေကို စွပ်စွဲပြောဆိုမှုတွေ ရှိလာတဲ့အတွက် ပြည်သူလူထု အထင်မမှားစေဖို့ ထုတ်ပြန်လိုက်တာလို့ သူက ဆက်လက် ပြောဆိုပါတယ်။
အမျိုးသားညီညွတ်ရေး အစိုးရ၊ ကာကွယ်ရေးဝန်ကြီးဌာနရဲ့ လမ်းညွှန်ချက်၊ စည်းကမ်းချက်တွေနဲ့ အညီ ရပ်တည်နေတဲ့ Local အဖွဲ့အစည်းဖြစ်ကာ ပြည်သူ့ကာကွယ်ရေးအဖွဲ့ PDF ဆိုသည့် ဝေါဟာရအတိုင်း ပြည်သူလူထုရဲ့ အသက်အိုးအိမ်စည်းစိမ်ကို ကာကွယ်စောင့်ရှောက်မယ့်အပြင် စစ်အာဏာရှင်ကို အမြစ်ပြုတ်သည့်အထိ တိုက်ထုတ်သွားမှာ ဖြစ်တယ်လို့ ထုတ်ပြန်ချက်မှာ ဖော်ပြထားပါတယ်။
