မြန်မာ့နွေဦး

သာကေတမှာ ကုန်စုံဆိုင် အနုကြမ်းစီးခံရ၊ ဆိုင်ရှင်အမျိုးသမီးကို ဓားနဲ့ထိုးသတ်သွား

မဲခေါင် 21 Nov - 2022
ရန်ကုန်တိုင်း၊ သာကေတမြို့နယ် ၄/တောင်ရပ်ကွက်၊ အောင်မေတ္တာလမ်းမှာ ဖွင့်လှစ်ထားတဲ့ ကုန်စုံဆိုင် ယနေ့ မနက်ပိုင်းက အနုကြမ်းစီး လုယက်ခံရမှု ဖြစ်ပွားခဲ့ပြီး လုယက်သူများက ဆိုင်ရှင်အမျိုးသမီးကို ဓားနဲ့ ထိုးသတ်သွားပါတယ်။ ယနေ့၊ နိုဝင်ဘာ ၂၁ ရက် မနက် ၇ နာရီဝန်းကျင်က နေအိမ်မှာ ဖွင့်လှစ်ထားတဲ့ ချောရတနာ ကုန်စုံဆိုင်အတွင်းသို့ အမျိုးသား ၃ ဦး ဝင်ရောက်လာပြီး ဈေးရောင်းနေတဲ့ မိသားစုဝင် ၄ ဦးကို ဓားထောက် လု ယက်ခဲ့တာ ဖြစ်တယ်လို့ ရပ်ကွက်နေ ပြည်သူတစ်ဦးက ပြောပါတယ်။ “ ဈေးဝယ်မယ့် ပုံစံလုပ်ပြီး ဝင်လာကြတာ။ ဆိုင်ကလည်း အမျိုးသမီးတွေကြီးပဲ ဆိုတော့ ပြန်မလုပ်ရဲကြဘူး။ အဲ့ဒါတောင်ပစ္စည်းလည်း

ရန်ကုန်တိုင်း၊ သာကေတမြို့နယ် ၄/တောင်ရပ်ကွက်၊ အောင်မေတ္တာလမ်းမှာ ဖွင့်လှစ်ထားတဲ့ ကုန်စုံဆိုင် ယနေ့ မနက်ပိုင်းက အနုကြမ်းစီး လုယက်ခံရမှု ဖြစ်ပွားခဲ့ပြီး လုယက်သူများက ဆိုင်ရှင်အမျိုးသမီးကို ဓားနဲ့ ထိုးသတ်သွားပါတယ်။

ယနေ့၊ နိုဝင်ဘာ ၂၁ ရက် မနက် ၇ နာရီဝန်းကျင်က နေအိမ်မှာ ဖွင့်လှစ်ထားတဲ့ ချောရတနာ ကုန်စုံဆိုင်အတွင်းသို့ အမျိုးသား ၃ ဦး ဝင်ရောက်လာပြီး ဈေးရောင်းနေတဲ့ မိသားစုဝင် ၄ ဦးကို ဓားထောက် လု ယက်ခဲ့တာ ဖြစ်တယ်လို့ ရပ်ကွက်နေ ပြည်သူတစ်ဦးက ပြောပါတယ်။

“ ဈေးဝယ်မယ့် ပုံစံလုပ်ပြီး ဝင်လာကြတာ။ ဆိုင်ကလည်း အမျိုးသမီးတွေကြီးပဲ ဆိုတော့ ပြန်မလုပ်ရဲကြဘူး။ အဲ့ဒါတောင်ပစ္စည်းလည်း ယူတယ်။ လူကိုလည်း ဓားနဲ့ထိုးသတ်သွားတာ။ ဆေးရုံပို့ပေမယ့် ရထားတဲ့ ဒဏ်ရာနဲ့ ဆေးရုံရောက်တော့ ဆုံးတာပါပဲ”  လို့ သူကပြောပါတယ်။

လုယက်လူသတ်ခဲ့တဲ့ အမျိုးသား ၃ ယောက်ဟာ ဆိုင်အတွင်း ဈေးရောင်းနေတဲ့ အမျိုးသမီး ၂ ဦး ဝတ်ဆင်ထားတဲ့ ဆွဲကြိုး၊ နားကပ်များကို ချွတ်ယူခဲ့ပြီး ဆိုင်ရှင်ဖြစ်သူ ဒေါ်ချောချော လည်ပင်းနဲ့ ရင်ဘက်တို့ကို ဓားနဲ့ထိုးခဲ့တာ ဖြစ်တယ်လို့ ရပ်ကွက်နေ ပြည်သူတစ်ဦးက ပြောပါတယ်။

“ သူတို့တွေက ကောင်မလေးတွေ ဓားထောက်ပြီး အိမ်နောက်ဖေး ခေါ်သွားတယ်။ ပြီးတော့မှ ရွှေတွေ ချွတ်ယူတာ။ သေသွားတဲ့ အန်တီက ပြန်ခုခံလို့ သတ်သွားတာလို့ကြားတယ်။ ဈေးရောင်းထားတဲ့ ပိုက်ဆံ ၃ သိန်းလည်း ယူသွားတယ်။ ကျန်တဲ့သူတွေတော့ ထိခိုက်မိတာ မရှိပါဘူး”  လို့ သူကပြောပါတယ်။

ရန်ကုန်တိုင်း အတွင်း နေ့စဉ် အုပ်စုဖွဲ့ လုယက်မှု၊ ခိုးမှု၊ ဓားပြမှုတွေ ဖြစ်ပွားပေမယ့် ကျူးလွန်ခဲ့တဲ့ တရားခံတွေကို စစ်ကောင်စီက ဖမ်းဆီးနိုင်တာ မရှိသေးပါဘူး။

ယခုလ ၂ ရက်နေ့ကလည်း ပန်းဘဲတန်းမြို့နယ်မှာ အမျိုးသား ၃ ဦးက နေအိမ်အတွင်း ဝင်ရောက်ကာ အိမ်ရှင်ဖြစ်သူ အမျိုးသားကို ဓားနဲ့ထိုးပြီး ပိုက်ဆံသိန်း ၂၈၀ ကျော် ဖုန်း ၄ လုံးနဲ့ ကားတို့ကို ယူဆောင်သွားခဲ့ပေမယ့် ပြစ်မှု ကျူးလွန်သူတွေကို ယနေ့ချိန်ထိ ဖမ်းဆီးရမိခြင်း မရှိသေးပါဘူး။

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)

Mekong News

Mekong News

About Author

မဲခေါင်သတင်းဌာနမှ အကြီးတန်းတာဝန်ခံ အွန်လိုင်းအယ်ဒီတာတစ်ယောက် ဖြစ်သည်။ သတင်းမီဒီယာကျင့်ဝတ်၊ လူသားကျင့်ဝတ်တို့ကို လိုက်နာပြီး သတင်းများကို တင်ဆက်သွားမည် ဖြစ်သည်။

Related News

မြန်မာ့နွေဦး

စစ်ကောင်စီခန့်ရှမ်းပြည်နယ်စစ်ဝန်ကြီးချုပ် (သို့) မိုဆိုလူသတ်သမား

အာဏာသိမ်း ၂ နှစ်ပြည့်နေ့ ဖေဖော်ဝါရီလ ၁ ရက်နေ့မှာ စစ်ခေါင်းဆောင် မင်းအောင်လှိုင်က ရှမ်းပြည်နယ်နဲ့ ကရင်နီပြည်ကို တာဝန်ယူ ကိုင်တွယ်ခဲ့တဲ့
မြန်မာ့နွေဦး

ဖက်ဒရယ်နဲ့ ဒီမိုကရေစီလိုလားတဲ့ အင်အားစုတွေနဲ့လက်တွဲဖို့ SSPP ဆုံးဖြတ်

မဲခေါင်၊ ဖေဖော်ဝါရီ ၃ ဖက်ဒရယ်နဲ့ ဒီမိုကရေစီ လိုလားတဲ့ အင်အားစုတွေနဲ့ လက်တွဲသွားမယ်လို့ ရှမ်းတော်လှန်ရေး အင်အားစု ဖြစ်တဲ့ ရှမ်းပြည်တိုးတက်ရေးပါတီ-SSPP
မြန်မာ့နွေဦး

ဟုမ္မလင်းမှာ ရဟတ်ယာဉ်တစ်စီးကို PDF ပစ်ချ

မဲခေါင်၊ ဖေဖော်ဝါရီ ၃ စစ်ကိုင်းတိုင်း၊ ဟုမ္မလင်းမြို့နယ်၊ ရွှေပြည်အေးမြို့သစ်အနီးမှာ ဖြစ်ပွားခဲ့တဲ့ တိုက်ပွဲအတွင်း စစ်တပ်ရဲ့ ရဟတ်ယာဉ်တစ်စီးကို ပြည်သူ့ကာကွယ်ရေးတပ်တွေက ပစ်ချနိုင်ခဲ့တယ်လို့ NUG က ဒီကနေ့ ထုတ်ပြန်ပါတယ်။
မြန်မာ့နွေဦး

မန္တလေးမြို့တော်ဝန် ဒေါက်တာရဲလွင်ကို စစ်ကောင်စီက ထောင်ဒဏ် ၂ နှစ်ထပ်ချ

မဲခေါင်၊ ဖေဖော်ဝါရီ ၃ မန္တလေးမြို့တော်ဝန် ဒေါက်တာရဲလွင်ကို နိုင်ငံဘဏ္ဍာငွေ အလွဲသုံးမှုနဲ့ စစ်ကောင်စီက ဒီကနေ့ ထောင်ဒဏ် ၂ နှစ် ထပ်ချလိုက်တယ်လို့ နီးစပ်တဲ့ အသိုင်းအဝိုင်းမှ သိရပါတယ်။
မြန်မာ့နွေဦး

Spring Bliss နွေဦးစံရိပ်မွန် အိမ်ရာတွေ စတင်ရောင်းချပေးတော့မယ်

မဲခေါင်၊ ဖေဖော်ဝါရီ ၃ Spring Bliss 1-2-3 (နွေဦးစံရိပ်မွန် ၁၊၂၊၃ အိမ်ရာတွေကို ဖေဖေါ်ဝါရီလ ၁၁ ရက်နေ့က စတင် ရောင်းချပေးသွားမှာဖြစ်တယ်လို့ သိရပါတယ်။
မြန်မာ့နွေဦး

NUG ယာယီသမ္မတရဲ့ လူမှုကွန်ရက်စာမျက်နှာ တိုက်ခိုက်ခံရ

မဲခေါင်၊ ဖေဖော်ဝါရီ ၃ အမျိုးသား ညီညွတ်ရေး အစိုးရ၊ ယာယီ သမ္မတဒူဝါလရှီးလ ရဲ့ လူမှုကွန်ရက်-Facebook စာမျက်နှာ တိုက်ခိုက်ခံခဲ့ရတယ်လို့ သမ္မတရုံးက ထုတ်ပြန်ပါတယ်။
မြန်မာ့နွေဦး

ကောလင်းမှာ စစ်တပ်စစ်ကြောင်းထိုးမှုကြောင့် ကျေးရွာ ၃၈ ရွာမှ ပြည်သူ ၄၀,၀၀၀ နီးပါး စစ်ဘေးရှောင်နေရပြီး ကျည်ထိမှန်ကာ ပြည်သူတစ်ဦး သေဆုံး

မဲခေါင်၊ ဖေဖော်ဝါရီ ၃ စစ်ကိုင်းတိုင်း၊ ကောလင်းမြို့နယ်မှာ စစ်ကောင်စီ စစ်ကြောင်းထိုး ဝင်ရောက်မှုကြောင့် ကျေးရွာ ၃၈ ရွာမှ ဒေသခံ ပြည်သူ ၄၀,၀၀၀ နီးပါး စစ်ဘေးရှောင်နေရပြီး ကျည်ထိမှန်ကာ ပြည်သူ တစ်ဦး သေဆုံးခဲ့တယ်လို့
မြန်မာ့နွေဦး

စစ်တပ်က ရှေ့တန်းတပ်စခန်းသို့ လေကြာင်းက ရိက္ခာပို့စဉ် တိုက်လေယာဉ်‌တွေနဲ့ ဗုံးသီးကြဲချ

မဲခေါင်၊ ဖေဖော်ဝါရီ ၃ ကရင်ပြည်နယ်၊ တပ်မဟာ (၅) နယ်မြေရှိ စစ်ကောင်စီ ရှေ့တန်းတပ်စခန်းဖြစ်တဲ့ ကဟီးကျိုးစခန်းကို ကုန်းကြောင်းနဲ့ စားနပ်ရိက္ခာ သယ်ယူပို့ဆောင်မှု မပြုနိုင်တော့လို့ လေကြောင်းအသုံးပြုကာ စားနပ်ရိက္ခာတွေ လာရောက်ပို့ဆောင်စဉ် တိုက်လေယာဉ်‌တွေနဲ့ ဗုံးသီးကြဲချခဲ့တယ်လို့ သိရပါတယ်။