မြန်မာ့နွေဦး

သရက်-ကံမ ကားလမ်းဘေးမှာ “ စစ်ခွေးနိဂုံး ၂၀၂၃” ဘန်နာချိတ်ဆွဲပြီး အဝေးထိန်းမိုင်းနဲ့ဖောက်ခွဲ တိုက်ခိုက်

မဲခေါင် 28 Dec - 2022
မကွေးတိုင်း၊ သရက်မြို့၊ တောင်မင်းတည်းရပ်ကွက် အနီးရှိ သရက်-ကံမ ကားလမ်းဘေးမှာ “စစ်ခွေးနိဂုံး ၂၀၂၃" စာသားပါ ဘန်နာကို ချိတ်ဆွဲပြီး အဝေးထိန်းမိုင်းနဲ့ ဖောက်ခွဲ တိုက်ခိုက်ခဲ့ရာ စစ်ကောင်စီတပ်သား ၃ ဦး ထိခိုက်ခဲ့တယ်လို့ Eagle Force က ဒီကနေ့ ထုတ်ပြန်ပါတယ်။

မနေ့က ည ၈ နာရီ ၅၀ မိနစ်က သရက်-ကံမ ကားလမ်းဘေးမှာ “ စစ်ခွေး နိဂုံး ၂၀၂၃” စာသားပါ တော်လှန်ရေး ဘန်နာ ချိတ်ဆွဲပြီး ကနဦး အဝေးထိန်းမိုင်း တစ်လုံးကို အသံပေး ဖောက်ခွဲခဲ့တယ်လို့ သိရပါတယ်။

ည ၉ နာရီ ၁၀ မိနစ်မှာ မိုင်းသံကြားရာသို့ စစ်သားနဲ့ ရဲသားအချို့ ရောက်ရှိလာပြီး သေနတ်တွေနဲ့ ရမ်းသန်း ပစ်ခတ်နေစဉ် အဝေးထိန်းမိုင်း နောက်တစ်လုံး ထပ်မံဖောက်ခွဲ တိုက်ခိုက်ခဲ့တာလို့ Eagle Force သတင်းနဲ့ပြန်ကြားရေး တာဝန်ခံ ကိုမြတ်က ပြောပါတယ်။

ကျွန်တော်တို့ အရပ်သတင်းပေးရဲ့ ပြောတဲ့ သတင်းအရ ၃ ယောက် ထိခိုက်တယ်လို့ သိရပါတယ်။ သူတို့ သတင်းအရတော့ လူအထိအခိုက် မရှိဘူးလို့ သိရပါတယ်။ သူတို့ဘက်က အထိအခိုက် အကျအဆုံး ရှိရင် သတင်းဖုံးတာမျိုး လုပ်တာတွေတော့ ရှိပါတယ်။ သတင်း အတိအကျတော့ အတည်မပြုနိုင်သေးဘူး ခင်ဗျာ 

လို့ သူက ပြောပါတယ်။

အဲဒီ တိုက်ခိုက်မှုကို သရက်၊ ကံမ၊ မင်းတုန်း ပူးပေါင်း ပကဖ- Eagle Force တပ်ဖွဲ့က ပြုလုပ်ခဲ့တာပါ။

ပြီးခဲ့တဲ့ ဒီဇင်ဘာ ၁၅ ရက် မနက် ၇ နာရီက သရက်ခရိုင်၊ မင်းတုန်းမြို့နယ်၊ လက်ပွကျေးရွာမှာ နေထိုင်တဲ့ စစ်ကောင်စီ သတင်းပေး ဆိုသူ ဦးစိုးငြိမ်းကို ပစ်ခတ် ရှင်းလင်းခဲ့ပါသေးတယ်။

အဲဒီ ဦးစိုးငြိမ်း သေဆုံးမှုကို လာရောက်စစ်ဆေးတဲ့ စစ်ကောင်စီ တပ်ဖွဲ့ဝင် ၁၀ ဦးပါ ယာဉ်ကို ဒီဇင်ဘာ ၁၅ ရက် ညပိုင်းမှာ မိုင်းဆွဲ တိုက်ခိုက်ခဲ့ရာ စစ်ကောင်စီတပ်ဘက်က ထိခိုက်၊ သေဆုံးမှုတွေ ရှိခဲ့တယ်လို့လည်း သိရပါတယ်။

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)

Mekong News

Mekong News

About Author

မဲခေါင်သတင်းဌာနမှ အကြီးတန်းတာဝန်ခံ အွန်လိုင်းအယ်ဒီတာတစ်ယောက် ဖြစ်သည်။ သတင်းမီဒီယာကျင့်ဝတ်၊ လူသားကျင့်ဝတ်တို့ကို လိုက်နာပြီး သတင်းများကို တင်ဆက်သွားမည် ဖြစ်သည်။

Related News

မြန်မာ့နွေဦး

စစ်ကောင်စီခန့်ရှမ်းပြည်နယ်စစ်ဝန်ကြီးချုပ် (သို့) မိုဆိုလူသတ်သမား

အာဏာသိမ်း ၂ နှစ်ပြည့်နေ့ ဖေဖော်ဝါရီလ ၁ ရက်နေ့မှာ စစ်ခေါင်းဆောင် မင်းအောင်လှိုင်က ရှမ်းပြည်နယ်နဲ့ ကရင်နီပြည်ကို တာဝန်ယူ ကိုင်တွယ်ခဲ့တဲ့
မြန်မာ့နွေဦး

ဖက်ဒရယ်နဲ့ ဒီမိုကရေစီလိုလားတဲ့ အင်အားစုတွေနဲ့လက်တွဲဖို့ SSPP ဆုံးဖြတ်

မဲခေါင်၊ ဖေဖော်ဝါရီ ၃ ဖက်ဒရယ်နဲ့ ဒီမိုကရေစီ လိုလားတဲ့ အင်အားစုတွေနဲ့ လက်တွဲသွားမယ်လို့ ရှမ်းတော်လှန်ရေး အင်အားစု ဖြစ်တဲ့ ရှမ်းပြည်တိုးတက်ရေးပါတီ-SSPP
မြန်မာ့နွေဦး

ဟုမ္မလင်းမှာ ရဟတ်ယာဉ်တစ်စီးကို PDF ပစ်ချ

မဲခေါင်၊ ဖေဖော်ဝါရီ ၃ စစ်ကိုင်းတိုင်း၊ ဟုမ္မလင်းမြို့နယ်၊ ရွှေပြည်အေးမြို့သစ်အနီးမှာ ဖြစ်ပွားခဲ့တဲ့ တိုက်ပွဲအတွင်း စစ်တပ်ရဲ့ ရဟတ်ယာဉ်တစ်စီးကို ပြည်သူ့ကာကွယ်ရေးတပ်တွေက ပစ်ချနိုင်ခဲ့တယ်လို့ NUG က ဒီကနေ့ ထုတ်ပြန်ပါတယ်။
မြန်မာ့နွေဦး

မန္တလေးမြို့တော်ဝန် ဒေါက်တာရဲလွင်ကို စစ်ကောင်စီက ထောင်ဒဏ် ၂ နှစ်ထပ်ချ

မဲခေါင်၊ ဖေဖော်ဝါရီ ၃ မန္တလေးမြို့တော်ဝန် ဒေါက်တာရဲလွင်ကို နိုင်ငံဘဏ္ဍာငွေ အလွဲသုံးမှုနဲ့ စစ်ကောင်စီက ဒီကနေ့ ထောင်ဒဏ် ၂ နှစ် ထပ်ချလိုက်တယ်လို့ နီးစပ်တဲ့ အသိုင်းအဝိုင်းမှ သိရပါတယ်။
မြန်မာ့နွေဦး

Spring Bliss နွေဦးစံရိပ်မွန် အိမ်ရာတွေ စတင်ရောင်းချပေးတော့မယ်

မဲခေါင်၊ ဖေဖော်ဝါရီ ၃ Spring Bliss 1-2-3 (နွေဦးစံရိပ်မွန် ၁၊၂၊၃ အိမ်ရာတွေကို ဖေဖေါ်ဝါရီလ ၁၁ ရက်နေ့က စတင် ရောင်းချပေးသွားမှာဖြစ်တယ်လို့ သိရပါတယ်။
မြန်မာ့နွေဦး

NUG ယာယီသမ္မတရဲ့ လူမှုကွန်ရက်စာမျက်နှာ တိုက်ခိုက်ခံရ

မဲခေါင်၊ ဖေဖော်ဝါရီ ၃ အမျိုးသား ညီညွတ်ရေး အစိုးရ၊ ယာယီ သမ္မတဒူဝါလရှီးလ ရဲ့ လူမှုကွန်ရက်-Facebook စာမျက်နှာ တိုက်ခိုက်ခံခဲ့ရတယ်လို့ သမ္မတရုံးက ထုတ်ပြန်ပါတယ်။
မြန်မာ့နွေဦး

ကောလင်းမှာ စစ်တပ်စစ်ကြောင်းထိုးမှုကြောင့် ကျေးရွာ ၃၈ ရွာမှ ပြည်သူ ၄၀,၀၀၀ နီးပါး စစ်ဘေးရှောင်နေရပြီး ကျည်ထိမှန်ကာ ပြည်သူတစ်ဦး သေဆုံး

မဲခေါင်၊ ဖေဖော်ဝါရီ ၃ စစ်ကိုင်းတိုင်း၊ ကောလင်းမြို့နယ်မှာ စစ်ကောင်စီ စစ်ကြောင်းထိုး ဝင်ရောက်မှုကြောင့် ကျေးရွာ ၃၈ ရွာမှ ဒေသခံ ပြည်သူ ၄၀,၀၀၀ နီးပါး စစ်ဘေးရှောင်နေရပြီး ကျည်ထိမှန်ကာ ပြည်သူ တစ်ဦး သေဆုံးခဲ့တယ်လို့
မြန်မာ့နွေဦး

စစ်တပ်က ရှေ့တန်းတပ်စခန်းသို့ လေကြာင်းက ရိက္ခာပို့စဉ် တိုက်လေယာဉ်‌တွေနဲ့ ဗုံးသီးကြဲချ

မဲခေါင်၊ ဖေဖော်ဝါရီ ၃ ကရင်ပြည်နယ်၊ တပ်မဟာ (၅) နယ်မြေရှိ စစ်ကောင်စီ ရှေ့တန်းတပ်စခန်းဖြစ်တဲ့ ကဟီးကျိုးစခန်းကို ကုန်းကြောင်းနဲ့ စားနပ်ရိက္ခာ သယ်ယူပို့ဆောင်မှု မပြုနိုင်တော့လို့ လေကြောင်းအသုံးပြုကာ စားနပ်ရိက္ခာတွေ လာရောက်ပို့ဆောင်စဉ် တိုက်လေယာဉ်‌တွေနဲ့ ဗုံးသီးကြဲချခဲ့တယ်လို့ သိရပါတယ်။