မနေ့က ည ၁၁ နာရီမှာ ဝေါ ပကဖ က နန်းထိုက်အောင်စစ်ဆင်ရေးအဖြစ် သနပ်ပင်မြို့နယ်၊ကျုံပါချောင်းနဲ့ ကုလားတဲစု အကြားမှာ သူ့ကို ပစ်ခတ်ရှင်းလင်းခဲ့တာပါ။
ဦးတင်မောင်ထွန်းဟာ ဝေါမြို့နယ်အတွင်း စစ်ကောင်စီတပ်နဲ့အတူ လိုက်ပါကာ တော်လှန်ရေးရဲဘော်တွေ ဝင်ထွက်သွားလာရာ လမ်းကြောင်းနေရာ တွေကို ကိုယ်တိုင်ကိုယ်ကျ လမ်းပြပေးခဲ့သူ ဖြစ်တယ်လို့လည်း ဆိုပါတယ်။
ဒါ့အပြင် လောင်းကစားဝိုင်းတွေ၊ စစ်တောင်းမြစ်တကြောရှိ ရေလုပ်သား တံငါသည်တွေနဲ့ ပြည်သူလူထုတွေ ထံမှ နည်းမျိုးစုံနဲ့ ဆက်ကြေးကောက်ယူကာ စစ်ကောင်စီထံ ပေးသွင်းနေသူ ဖြစ်တ်လို့ ဆိုပါတယ်။
သူဟာ တော်လှန်ရေး အစုအဖွဲ့တွေရဲ့ အချက်အလက် တွေ၊သွားလာလှုပ်ရှားမှုတွေကို အမြဲတစေေ စာင့်ကြည့်ကာ စစ်ကောင်စီထံ သတင်းပေးပို့တာ၊ ဖမ်းဆီးခြိမ်းခြောက်ခိုင်းတာတွေကို ဆောင်ရွက်လေ့ ရှိတယ်လို့လည်း သိရပါတယ်။
ဒါ့ကြောင့် ဝေါမြို့နယ် ပကဖ က နန်းထိုက်အောင် စစ်ဆင်ရေးအဖြစ် သူတိမ်းရှောင်နေတဲ့ သနပ်ပင်မြို့နယ်အတွင်း ဝင်ရောက်ပြီး ပစ်ခတ်ရှင်းလင်းခဲ့ရာမှာ ပွဲချင်းပြီး သေဆုံးသွားတာပါ။
အဲဒီစစ်ဆင်ရေးမှာ တော်လှန်ရေးရဲဘော်တွေ အထိအခိုက်မရှိဘဲ အောင်မြင်စွာ ဆုတ်ခွာနိုင်ခဲ့တယ်လို့ သိရပါတယ်။
