မြန်မာ့နွေဦး

လူသေဆုံးမှုမရှိတဲ့နည်းလမ်းကိုအခြေခံပြီး နိုင်ငံရေးထွက်ပေါက်ရအောင်လုပ်ရင် အပြန်အလှန်အနေနဲ့ ကြွေးမြီနဲ့ရင်းနှီးမြုပ်နှံမှုကို ပြန်စဉ်းစားပေးမယ်လို့ မင်းအောင်လှိုင်ကို တရုတ်ကမ်းလှမ်း၊ နယ်စပ်ကုန်သွယ်ရေးလမ်းကြောင်းအားလုံးကို ပြန်ဖွင့်ပေးသွားမယ်လို့လည်း ဆို

မဲခေါင် 4 Jan - 2023
အာဏာသိမ်းစစ်ကောင်စီအနေနဲ့ အကြမ်းဖက်တာ၊​ လက်နက်နဲ့ အင်အားသုံးတဲ့ နည်းလမ်းတွေနဲ့ မသုံးဘဲ နိုင်ငံရေးအခြေကျအောင်လုပ်တဲ့နည်းလမ်းကို သုံးဖို့ မြန်မာနိုင်ငံဆိုင်ရာ တရုတ်အထူးကိုယ်စားလှစ်သစ် တုံဆိုင်ချွန်က အာဏာသိမ်းစစ်တပ်နဲ့ တွေ့ဆုံစဉ်မှာ ပြောလိုက်ပါတယ်။

ပြီးခဲ့တဲ့ ဗုဒ္ဓဟူးနေ့၊ ၂၀၂၂ခုနှစ် ဒီဇင်ဘာလ ၂၈ရက်နေ့မှာ နေပြည်တော်ကိုလာတဲ့ သူ့ရဲ့မိတ်ဆက်ခရီးမှာ တုံဆိုင်ချွန်က အခုလို ပြောဆိုလိုက်တာပါ။

မဲခေါင်သတင်းဌာနရဲ့ သတင်းရင်းမြစ်တွေဆီကနေ ရတဲ့ အချက်အလက်တွေအရ တုံဆိုင်ချွန်ဟာ အာဏာသိမ်းစစ်ကောင်စီကို အချက် ၃ချက် အဓိကထားပြောဆိုခဲ့တယ်လို့ သိရပါတယ်။

တရုတ်အနေနဲ့ မြန်မာနိုင်ငံနဲ့ နယ်စပ်ထွက်ပေါက်တွေ၊ ကုန်သွယ်လမ်းကြောင်းအားလုံးကို ပြန်ဖွင့်ပေးဖို့ အာမခံသလို ကြွေးမြီနဲ့ ရင်းနီးမြုပ်နှံမှုတွေကိုလည်း ပြန်စဉ်းစားမှာဖြစ်တဲ့အကြောင်း၊ စစ်ကောင်စီဘက်ကလည်း အပြန်အလှန်အနေနဲ့ လူသေဆုံးမှုမရှိတဲ့ နည်းလမ်းတွေကိုအခြေခံပြီး နိုင်ငံရေးထွက်ပေါက်ရအောင် အားထုတ်ဖို့ တိုက်တွန်းပြောဆိုခဲ့တယ်လို့ သတင်းရင်းမြစ်တစ်ဦးက မဲခေါင်ကိုပြောပါတယ်။

အဓိကကတော့ အကြမ်းမဖက်ဖို့ပေါ့။ တွေ့ဆုံဆွေးနွေးဖို့ပေါ့။ ဒါပေမယ့် ဘယ်သူတွေနဲ့ တွေ့ဆုံဆွေးနွေးပါဆိုတာတော့ တိုက်ရိုက်မပါဘူး

လို့ သူက ပြောပါတယ်။

ဒါ့အပြင် တရုတ်ကိုယ်စားလှယ်သစ်ရဲ့ ပြောဆိုချက်တွေထဲမှာ အမေရိကန်က NDAA ပြဌာန်းလိုက်တဲ့အပေါ်စိုးရိမ်းကြောင်းလည်း ပါဝင်တယ်လို့ အဲဒီသတင်းရင်းမြစ်ကပြောပါတယ်။

အမေရိကန်က တရုတ်ကို အာခံနေတဲ့ထိုင်ဝမ်းကို ကန်ဒေါ်လာ ၂ဘီလီယံ စစ်ရေးချေးငွေပေးပြီး စစ်လက်နက်နည်းပညာတွေရောင်းချဖို့အချက်ပါဝင်တဲ့ NDAA ဥပဒေ အတည်ပြုလိုက်တဲ့အပေါ် တရုတ်နိုင်ငံက ပြင်းပြင်းထန်ထန်ကန့်ကွက်နေတာလည်းဖြစ်ပါတယ်။

တရုတ်အထူးကိုယ်စားလှယ်သစ်ဟာ နေပြည်တော်ကိုမလာခင်မှာ မြောက်ပိုင်းမဟာမိတ်တိုင်းရင်းသားလက်နက်ကိုင်အဖွဲ့ ၇ဖွဲ့ ပါဝင်တဲ့ FPNCC နဲ့လည်း တရုတ်နိုင်ငံယူနန်ပြည်နယ်မှာ တွေ့ဆုံခဲ့ပါသေးတယ်။

UWSA၊ AA၊ KIA၊ SSPP၊ MNDAA – ကိုးကန့်၊ NDAA – မိုင်းလားနဲ့ TNLA အဖွဲ့တွေပါဝင်တဲ့ FPNCC နဲ့တွေ့ဆုံရာမှာတော့ မိတ်ဆက်တဲ့သဘောသာဖြစ်ပြီး ထူးထူးခြားခြားဆွေးနွေးတာမရှိဘူးလို့ SSPP နဲ့ နီးစပ်သူတစ်ဦးက မဲခေါင်သတင်းဌာနကိုပြောပါတယ်။

တရုတ်နိုင်ငံရဲ့ရပ်တည်ချက်က အများကြီးပြောင်းလဲသွားတာမရှိပါဘူး။ အကြမ်းဖက်မှုတွေရှောင်ဖို့ အားလုံးကို သူတို့ ပွင့်ပွင့်လင်းလင်းတိုက်တွန်းသွားတယ်။ စကစအပါအဝင်ပေါ့ 

လို့ သူက ပြောပါတယ်။

မြောက်ပိုင်းမဟာမိတ် FPNCC ထဲက အဖွဲ့ ၃ဖွဲ့နဲ့ အာဏာသိမ်းစစ်တပ်ခေါင်းဆောင် မင်းအောင်လှိုင်တို့ ဇန်နဝါရီ ၆ ရက်၊ နေပြည်တော်မှာ တွေ့ဆုံဖို့လည်းရှိနေပါတယ်။ ဒါဟာ သူတို့အကြား စစ်တပ်အာဏာသိမ်းပြီးနောက်ပိုင်း ငြိမ်းချမ်းရေးအကြောင်းပြကာ တတိယအကြိမ်တွေ့ဆုံကြမှာလည်းဖြစ်ပါတယ်။

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)

Mekong News

Mekong News

About Author

မဲခေါင်သတင်းဌာနမှ အကြီးတန်းတာဝန်ခံ အွန်လိုင်းအယ်ဒီတာတစ်ယောက် ဖြစ်သည်။ သတင်းမီဒီယာကျင့်ဝတ်၊ လူသားကျင့်ဝတ်တို့ကို လိုက်နာပြီး သတင်းများကို တင်ဆက်သွားမည် ဖြစ်သည်။

Related News

မြန်မာ့နွေဦး

စစ်ကောင်စီခန့်ရှမ်းပြည်နယ်စစ်ဝန်ကြီးချုပ် (သို့) မိုဆိုလူသတ်သမား

အာဏာသိမ်း ၂ နှစ်ပြည့်နေ့ ဖေဖော်ဝါရီလ ၁ ရက်နေ့မှာ စစ်ခေါင်းဆောင် မင်းအောင်လှိုင်က ရှမ်းပြည်နယ်နဲ့ ကရင်နီပြည်ကို တာဝန်ယူ ကိုင်တွယ်ခဲ့တဲ့
မြန်မာ့နွေဦး

ဖက်ဒရယ်နဲ့ ဒီမိုကရေစီလိုလားတဲ့ အင်အားစုတွေနဲ့လက်တွဲဖို့ SSPP ဆုံးဖြတ်

မဲခေါင်၊ ဖေဖော်ဝါရီ ၃ ဖက်ဒရယ်နဲ့ ဒီမိုကရေစီ လိုလားတဲ့ အင်အားစုတွေနဲ့ လက်တွဲသွားမယ်လို့ ရှမ်းတော်လှန်ရေး အင်အားစု ဖြစ်တဲ့ ရှမ်းပြည်တိုးတက်ရေးပါတီ-SSPP
မြန်မာ့နွေဦး

ဟုမ္မလင်းမှာ ရဟတ်ယာဉ်တစ်စီးကို PDF ပစ်ချ

မဲခေါင်၊ ဖေဖော်ဝါရီ ၃ စစ်ကိုင်းတိုင်း၊ ဟုမ္မလင်းမြို့နယ်၊ ရွှေပြည်အေးမြို့သစ်အနီးမှာ ဖြစ်ပွားခဲ့တဲ့ တိုက်ပွဲအတွင်း စစ်တပ်ရဲ့ ရဟတ်ယာဉ်တစ်စီးကို ပြည်သူ့ကာကွယ်ရေးတပ်တွေက ပစ်ချနိုင်ခဲ့တယ်လို့ NUG က ဒီကနေ့ ထုတ်ပြန်ပါတယ်။
မြန်မာ့နွေဦး

မန္တလေးမြို့တော်ဝန် ဒေါက်တာရဲလွင်ကို စစ်ကောင်စီက ထောင်ဒဏ် ၂ နှစ်ထပ်ချ

မဲခေါင်၊ ဖေဖော်ဝါရီ ၃ မန္တလေးမြို့တော်ဝန် ဒေါက်တာရဲလွင်ကို နိုင်ငံဘဏ္ဍာငွေ အလွဲသုံးမှုနဲ့ စစ်ကောင်စီက ဒီကနေ့ ထောင်ဒဏ် ၂ နှစ် ထပ်ချလိုက်တယ်လို့ နီးစပ်တဲ့ အသိုင်းအဝိုင်းမှ သိရပါတယ်။
မြန်မာ့နွေဦး

Spring Bliss နွေဦးစံရိပ်မွန် အိမ်ရာတွေ စတင်ရောင်းချပေးတော့မယ်

မဲခေါင်၊ ဖေဖော်ဝါရီ ၃ Spring Bliss 1-2-3 (နွေဦးစံရိပ်မွန် ၁၊၂၊၃ အိမ်ရာတွေကို ဖေဖေါ်ဝါရီလ ၁၁ ရက်နေ့က စတင် ရောင်းချပေးသွားမှာဖြစ်တယ်လို့ သိရပါတယ်။
မြန်မာ့နွေဦး

NUG ယာယီသမ္မတရဲ့ လူမှုကွန်ရက်စာမျက်နှာ တိုက်ခိုက်ခံရ

မဲခေါင်၊ ဖေဖော်ဝါရီ ၃ အမျိုးသား ညီညွတ်ရေး အစိုးရ၊ ယာယီ သမ္မတဒူဝါလရှီးလ ရဲ့ လူမှုကွန်ရက်-Facebook စာမျက်နှာ တိုက်ခိုက်ခံခဲ့ရတယ်လို့ သမ္မတရုံးက ထုတ်ပြန်ပါတယ်။
မြန်မာ့နွေဦး

ကောလင်းမှာ စစ်တပ်စစ်ကြောင်းထိုးမှုကြောင့် ကျေးရွာ ၃၈ ရွာမှ ပြည်သူ ၄၀,၀၀၀ နီးပါး စစ်ဘေးရှောင်နေရပြီး ကျည်ထိမှန်ကာ ပြည်သူတစ်ဦး သေဆုံး

မဲခေါင်၊ ဖေဖော်ဝါရီ ၃ စစ်ကိုင်းတိုင်း၊ ကောလင်းမြို့နယ်မှာ စစ်ကောင်စီ စစ်ကြောင်းထိုး ဝင်ရောက်မှုကြောင့် ကျေးရွာ ၃၈ ရွာမှ ဒေသခံ ပြည်သူ ၄၀,၀၀၀ နီးပါး စစ်ဘေးရှောင်နေရပြီး ကျည်ထိမှန်ကာ ပြည်သူ တစ်ဦး သေဆုံးခဲ့တယ်လို့
မြန်မာ့နွေဦး

စစ်တပ်က ရှေ့တန်းတပ်စခန်းသို့ လေကြာင်းက ရိက္ခာပို့စဉ် တိုက်လေယာဉ်‌တွေနဲ့ ဗုံးသီးကြဲချ

မဲခေါင်၊ ဖေဖော်ဝါရီ ၃ ကရင်ပြည်နယ်၊ တပ်မဟာ (၅) နယ်မြေရှိ စစ်ကောင်စီ ရှေ့တန်းတပ်စခန်းဖြစ်တဲ့ ကဟီးကျိုးစခန်းကို ကုန်းကြောင်းနဲ့ စားနပ်ရိက္ခာ သယ်ယူပို့ဆောင်မှု မပြုနိုင်တော့လို့ လေကြောင်းအသုံးပြုကာ စားနပ်ရိက္ခာတွေ လာရောက်ပို့ဆောင်စဉ် တိုက်လေယာဉ်‌တွေနဲ့ ဗုံးသီးကြဲချခဲ့တယ်လို့ သိရပါတယ်။