မြန်မာ့နွေဦး

လက်နက်ကြီးနဲ့ပစ်တဲ့ စစ်ကောင်စီတပ်ဖွဲ့ကို မြောင်ကာကွယ်ရေး အင်အားစုတွေ ပူးပေါင်းတိုက်ခိုက်

မဲခေါင် 21 Jan - 2023
မဲခေါင်၊ ဇန်နဝါရီ ၂၁ မြောင်မြို့နယ်၊ ကျောက်ရစ်စခန်းက ထွက်လာတဲ့ စစ်ကောင်စီတပ်ဖွဲ့က နနွင်းရွာဘက်မှ လက်နက်ကြီးနဲ့ ပစ်ခတ်ရာ ဆူးလေကုန်းရွာ ဘုန်းကြီးကျောင်း အတွင်း ကျရောက် ပေါက်ကွဲကာ ဘုန်ကြီးတစ်ပါးနဲ့ စစ်ဘေးရှောင် ပြည်သူ ၃ ဦး ဒဏ်ရာရရှိခဲ့တယ်လို့ မြောင်မြို့နယ် ကာကွယ်ရေး မဟာမိတ်တပ်ဖွဲ့က ဆိုပါတယ်။

မဲခေါင်၊ ဇန်နဝါရီ ၂၁

မြောင်မြို့နယ်၊ ကျောက်ရစ်စခန်းက ထွက်လာတဲ့ စစ်ကောင်စီတပ်ဖွဲ့က နနွင်းရွာဘက်မှ လက်နက်ကြီးနဲ့ ပစ်ခတ်ရာ ဆူးလေကုန်းရွာ ဘုန်းကြီးကျောင်း အတွင်း ကျရောက် ပေါက်ကွဲကာ ဘုန်ကြီးတစ်ပါးနဲ့ စစ်ဘေးရှောင် ပြည်သူ ၃ ဦး ဒဏ်ရာရရှိခဲ့တယ်လို့ မြောင်မြို့နယ် ကာကွယ်ရေး မဟာမိတ်တပ်ဖွဲ့က ဆိုပါတယ်။

မြောင်နယ် ကျောက်ရစ်စခန်းမှ မနေ့က မနက် ၇ နာရီခန့်မှာ စစ်ဗိုလ်ရဲ့ မိန်းမ မီးဖွားဖို့ အင်အား ၆၀ ဝန်းကျင်နဲ့ ရေစကြိုသို့ ပို့ဆောင်ဖို့ ထွက်ခွာလာပြီး မြောင်နယ် နနွင်းကိုင်းရွာ ဆိပ်ကမ်းမှာ ရေစကြိုမှ လာကြိုတဲ့ စစ်ကောင်စီ စက်လှေတွေထံ လူနာကို ပို့ဆောင်အပြီး နနွင်းရွာဘက်မှ လက်နက်ကြီးနဲ့ ပစ်ခတ်ခဲ့တာပါ။

လက်နက်ကြီးကြောင့် အမျိုးသမီး တစ်ဦး ဦးခေါင်း ထိမှန်ပြီး အမျိုးသား တစ်ဦး ခြေထောက်ကျိုးသွားကာ ဖြတ်ရမယ့် အခြေအနေ ဖြစ်နေပြီး နွား ၃ ကောင်ပါ ဒဏ်ရာရကာ ၂ ကောင် သေဆုံးသွားတယ်လို့ ကိုနွေဦး-မြောင်ရဲ့ လူမှုကွန်ရက် စာမျက်နှာမှာ ဖော်ပြထားပါတယ်။

အဲဒီလို အကြောင်းမဲ့ ပစ်ခတ်ရာ ပြည်သူတွေ ထိခိုက်နစ်နာမှုရှိလို့ မြောင်၊ မြင်းခြံ၊ ရေစကြိုနဲ့ မြင်းမူ ကာကွယ်ရေး အဖွဲ့တွေ မခံမရပ်နိုင်ဖြစ်ကာ အစီအစဉ် မရှိဘဲ အားလုံး ရောက်လာကြတယ်လို့ ဆိုပါတယ်။

အဲဒီအချိန်မှာ စစ်ကောင်စီစစ်ကြောင်းဟာ ကျောက်ရစ်သို့ အပြန် သနပ်ကုန်းရွာ တောင်ဘက် ကုက္ကိုလ်ပင်အောက် ထိုင်နေကြစဉ် CDSOM အနောက်ပိုင်း 001 အဖွဲ့နဲ့ မဟာမိတ်တွေမှ ရှေ့ထွက်မိုင်း ၂ ချောင်းနဲ့ ပစ်ခတ်ခဲ့ရာ တစ်ဦး သေဆုံးပြီး ၄ ဦး အပြင်းအထန် ဒဏ်ရရကာ ထမ်းစင်နဲ့ ထုတ်ရတာကို မြင်တွေ့ရတယ်လို့ ဆိုပါတယ်။

အဲဒီနောက် ကာကွယ်ရေးအဖွဲ့တွေနဲ့ တိုက်ပွဲ ဖြစ်ပွားခဲ့ကြရာ တိုက်ပွဲ ၁ နာရီကျော် ဖြစ်ခဲ့ပြီး စစ်ကောင်စီဘက်မှ သေဆုံး ထိခိုက်မှု များနိုင်တယ်လို့ ဆိုပါတယ်။

ဒါ့အပြင် မြင်းခြံခရိုင် တပ်ရင်း (၃) မှ ပစ်လွှတ်တဲ့ လက်လုပ် ရှော့ဒုံး တွေကြောင့်လည်း ထိခိုက်မှု ရှိနိုင်တယ်လို့ သိရပါတယ်။

တိုက်ပွဲဖြစ်ပွားနေစဉ် ကျောက်ရစ်စခန်းသို့ အီနာဂါဗုံး ၂ ကြိမ် ချလိုက်နိုင်တာကြောင့် အဲဒီ စခန်းမှာလည်း ထိခိုက် သေဆုံးမှု ရှိနိုင်တယ်လို့ ဆိုပါတယ်။

ဒီတိုက်ခိုက်မှုတွေမှာ စစ်ကိုင်းခရိုင် တပ်ရင်း (၁)၊ တပ်ရင်း (၂)၊ တပ်ရင်း (၄)၊ CDSOM (မြောင်မြို့နယ် ပြည်သူ့ ကာကွယ်ရေးနှင့် လုံခြုံရေးအဖွဲ့)၊ မြင်းခြံခရိုင် တပ်ရင်း (၁)၊ တပ်ရင်း (၂)၊ တပ်ရင်း (၃)၊ CRF မြင်းမူ၊ LACR -အလယ်ပိုင်းဒေသ လွတ်မြောက်ရေးတပ်၊ ကျေးရွာတပ်ပေါင်းစု၊ Shwe Ao Revolution Force -CDSOM၊ Justic Revolution Force -CDSOM၊GGG -CDSOM၊ AMPDF -CDSOM အောင်မြေ ပြည်သူ့ကာကွယ်ရေးအဖွဲ့၊ CDSOM အနောက်ပိုင်း 005 တို့ ပူးပေါင်းပါဝင် ခဲ့တယ်လို့ သိရပါတယ်။

MK-003

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)

Mekong News

Mekong News

About Author

မဲခေါင်သတင်းဌာနမှ အကြီးတန်းတာဝန်ခံ အွန်လိုင်းအယ်ဒီတာတစ်ယောက် ဖြစ်သည်။ သတင်းမီဒီယာကျင့်ဝတ်၊ လူသားကျင့်ဝတ်တို့ကို လိုက်နာပြီး သတင်းများကို တင်ဆက်သွားမည် ဖြစ်သည်။

Related News

မြန်မာ့နွေဦး

ဟုမ္မလင်းမှာ ရဟတ်ယာဉ်တစ်စီးကို PDF ပစ်ချ

မဲခေါင်၊ ဖေဖော်ဝါရီ ၃ စစ်ကိုင်းတိုင်း၊ ဟုမ္မလင်းမြို့နယ်၊ ရွှေပြည်အေးမြို့သစ်အနီးမှာ ဖြစ်ပွားခဲ့တဲ့ တိုက်ပွဲအတွင်း စစ်တပ်ရဲ့ ရဟတ်ယာဉ်တစ်စီးကို ပြည်သူ့ကာကွယ်ရေးတပ်တွေက ပစ်ချနိုင်ခဲ့တယ်လို့
မြန်မာ့နွေဦး

မန္တလေးမြို့တော်ဝန် ဒေါက်တာရဲလွင်ကို စစ်ကောင်စီက ထောင်ဒဏ် ၂ နှစ်ထပ်ချ

မဲခေါင်၊ ဖေဖော်ဝါရီ ၃ မန္တလေးမြို့တော်ဝန် ဒေါက်တာရဲလွင်ကို နိုင်ငံဘဏ္ဍာငွေ အလွဲသုံးမှုနဲ့ စစ်ကောင်စီက ဒီကနေ့ ထောင်ဒဏ် ၂ နှစ်
မြန်မာ့နွေဦး

Spring Bliss နွေဦးစံရိပ်မွန် အိမ်ရာတွေ စတင်ရောင်းချပေးတော့မယ်

မဲခေါင်၊ ဖေဖော်ဝါရီ ၃ Spring Bliss 1-2-3 (နွေဦးစံရိပ်မွန် ၁၊၂၊၃ အိမ်ရာတွေကို ဖေဖေါ်ဝါရီလ ၁၁ ရက်နေ့က စတင် ရောင်းချပေးသွားမှာဖြစ်တယ်လို့ သိရပါတယ်။
မြန်မာ့နွေဦး

NUG ယာယီသမ္မတရဲ့ လူမှုကွန်ရက်စာမျက်နှာ တိုက်ခိုက်ခံရ

မဲခေါင်၊ ဖေဖော်ဝါရီ ၃ အမျိုးသား ညီညွတ်ရေး အစိုးရ၊ ယာယီ သမ္မတဒူဝါလရှီးလ ရဲ့ လူမှုကွန်ရက်-Facebook စာမျက်နှာ တိုက်ခိုက်ခံခဲ့ရတယ်လို့ သမ္မတရုံးက ထုတ်ပြန်ပါတယ်။
မြန်မာ့နွေဦး

ကောလင်းမှာ စစ်တပ်စစ်ကြောင်းထိုးမှုကြောင့် ကျေးရွာ ၃၈ ရွာမှ ပြည်သူ ၄၀,၀၀၀ နီးပါး စစ်ဘေးရှောင်နေရပြီး ကျည်ထိမှန်ကာ ပြည်သူတစ်ဦး သေဆုံး

မဲခေါင်၊ ဖေဖော်ဝါရီ ၃ စစ်ကိုင်းတိုင်း၊ ကောလင်းမြို့နယ်မှာ စစ်ကောင်စီ စစ်ကြောင်းထိုး ဝင်ရောက်မှုကြောင့် ကျေးရွာ ၃၈ ရွာမှ ဒေသခံ ပြည်သူ ၄၀,၀၀၀ နီးပါး စစ်ဘေးရှောင်နေရပြီး ကျည်ထိမှန်ကာ ပြည်သူ တစ်ဦး သေဆုံးခဲ့တယ်လို့
မြန်မာ့နွေဦး

စစ်တပ်က ရှေ့တန်းတပ်စခန်းသို့ လေကြာင်းက ရိက္ခာပို့စဉ် တိုက်လေယာဉ်‌တွေနဲ့ ဗုံးသီးကြဲချ

မဲခေါင်၊ ဖေဖော်ဝါရီ ၃ ကရင်ပြည်နယ်၊ တပ်မဟာ (၅) နယ်မြေရှိ စစ်ကောင်စီ ရှေ့တန်းတပ်စခန်းဖြစ်တဲ့ ကဟီးကျိုးစခန်းကို ကုန်းကြောင်းနဲ့ စားနပ်ရိက္ခာ သယ်ယူပို့ဆောင်မှု မပြုနိုင်တော့လို့ လေကြောင်းအသုံးပြုကာ စားနပ်ရိက္ခာတွေ လာရောက်ပို့ဆောင်စဉ် တိုက်လေယာဉ်‌တွေနဲ့ ဗုံးသီးကြဲချခဲ့တယ်လို့ သိရပါတယ်။
မြန်မာ့နွေဦး

တာချီလိတ်မြို့နယ်လဝကရုံးအနီးဖောက်ခွဲမှုလုပ်ခဲ့တယ်လို့အရှေ့ပိုင်းနဂါးအဖွဲ့အသိပေး

တာချီလိတ်မြို့နယ် လူဝင်မှုကြီးကြပ်ရေးရုံးနဲ့ ဆောက်လုပ်ရေးရုံးအနီးမှာ ပေါက်ကွဲခဲ့တဲ့ ဖောက်ခွဲမှုကို ပြုလုပ်ခဲ့တယ်လို့ အရှေ့ပိုင်းနဂါးအဖွဲ့က ဖေဖော်ဝါရီလ ၂ရက်မှာ အသိပေးထုတ်ပြန်ပါတယ်။
မြန်မာ့နွေဦး

မြန်မာ့အရေး ဂျပန်အစိုးရအနေနဲ့ ဖိအားပေးဆောင်ရွက်ဖို့ ဂျပန်လွှတ်တော်အမတ် ၅၆ ဦး လက်မှတ်ထိုး တောင်းဆို

မဲခေါင်၊ ဖေဖော်ဝါရီ ၂ မြန်မာ့အရေးကို ဂျပန်အစိုးရ အနေနဲ့ ဖိအားပေး ဆောင်ရွက်နိုင်ဖို့ ဂျပန်အထက် လွှတ်တော်နဲ့ အောက်လွှတ်တော် အမတ် ၅၆ ဦးက လက်မှတ်ရေးထိုး တောင်းဆိုထားတဲ့ တောင်းဆိုလွှာ အပါအဝင် ကျန်တောင်းဆိုလွှာတွေကို ဂျပန်