မြန်မာ့နွေဦး

ရေဦးမှာ နှစ်တစ်ရာကျော်သက်တမ်းရှိ ဘာသာရေးအဆောက်အဦတွေကို စစ်တပ်မီးရှို့

မဲခေါင် 16 Jan - 2023
ရေဦးမြို့နယ်ထဲက နှစ်ပေါင်း ၁၀၀ကျော်သက်တမ်းရှိ ခရစ်ယာန်ဘုရားကျောင်းနဲ့ ဘုန်းတော်ကြီးကျောင်း‌တွေကို ဘုရားကျောင်းတက်တဲ့နေ့မှာ စစ်ကောင်စီတပ်က မီးရှို့ဖျက်ဆီးခဲ့တယ်လို့ ဒေသခံတွေဆီကနေ သိရပါတယ်။

မဲခေါင်၊ဇန်နဝါရီ ၁၆

ရေဦးမြို့နယ်ထဲက နှစ်ပေါင်း ၁၀၀ကျော်သက်တမ်းရှိ ခရစ်ယာန်ဘုရားကျောင်းနဲ့ ဘုန်းတော်ကြီးကျောင်း‌တွေကို ဘုရားကျောင်းတက်တဲ့နေ့မှာ စစ်ကောင်စီတပ်က မီးရှို့ဖျက်ဆီးခဲ့တယ်လို့ ဒေသခံတွေဆီကနေ သိရပါတယ်။

စစ်ကိုင်းတိုင်း၊ ရွှေဘိုခရိုင်၊ ရေဦးမြို့နယ် ၊ ချမ်းသာကျေးရွာကို ဇန်နဝါရီ ၁၄ရက် ညကတည်းက  စစ်တပ်က မီးတင်ရှို့ခဲ့တာဖြစ်ပြီး စစ်ကောင်စီတပ်တွေဟာ ဘုရားကျောင်းမှာ ညအိပ်ကာ နောက်နေ့ တနင်္ဂနွေနေ့ နံနက်ပိုင်းမှာ ခရစ်ယာန်ဘုရားကျောင်းကိုပါ မီးတင်ရှို့ခဲ့တာပါ။

၁၈၉၄က တည်ဆောက်ခဲ့ပြီး နှစ်ပေါင်း ၁၂၉ နှစ် နီးပါးရှိ သမိုင်းဝင် “ ကောင်းကင်ဘုံသို့ပင့်ဆောင်ခြင်းခံရသော မယ်တော်သခင်မဘုရားကျောင်း” ခရစ်ယာန် ကက်သလစ်သာသနာ ဗိမာန်တော် ဘုရားရှိခိုးကျောင်းတော်ကြီးနဲ့ ဘုရားကျောင်းခေါင်းလောင်းစင်ကြီး အပါအဝင် ဘုရားကျောင်းဝင်းအတွင်းရှိ မကြာသေးခင်က အသစ်မွမ်းမံပြန်လည်တည်ဆောက်ထားတဲ့ Fr. ဘုန်းတော်ကြီးကျောင်းတိုက်၊ သမိုင်းဝင် ရာပြည့် Sr.သီလရှင်ကျောင်းတိုက်တွေကို စစ်ကောင်စီတပ်က မီးရှို့ဖျက်ဆီးသွားခဲ့တယ်လို့ People’s Defense Comrade အဖွဲ့က မနေ့ညက အသိပေးထားပါတယ်။

“ ဒီနေ့ဒီလိုအချိန် မွန်မြတ်သော တနင်္ဂနွေနေ့မှာ ဘုရားကျောင်းကြီးက သာယာနာပျော်ဖွယ် ခေါင်းလောင်းသံတွေကြားရမယ့်အချိန်  ဘုရားရှိခိုးကျောင်းကို အတူတူတက်ကြရမယ့်အချိန် နေ့မျိုးမှာ  ဘာသာဝင်တစ်ယောက်ချင်းစီတိုင်းရဲ့ ရင်ဘတ်ထဲကို မီးလောင်တိုက်သွင်းခံခဲ့ရပါတယ်” လို့ People’s Defense Comrade အဖွဲ့က အသိပေးထားပါတယ်။

ရွာလုံးကျွတ် မီးလောင်ပြာကျခဲ့ပြီး ဘုရားကျောင်းက ခေါင်းလောင်းစင်ပါ ပြိုကျပျက်ဆီးခဲ့တယ်လို့ ဆိုပါတယ်။

ချမ်းသာရွာကို ပြီးခဲ့တဲ့နှစ် ၂၀၂၂ မေလ၊ ဇွန်လနဲ့ ဒီဇင်ဘာအတွင်းကလည်း သုံးကြိမ်တိုင် ဝင်ရောက်ဖျက်ဆီးမီးရှို့ခဲ့ပြီး အခုအကြိမ်ဟာ ၄ကြိမ် မြောက်ဖျက်ဆီးခံရတာဖြစ်ကာ ရွာလုံးကျွတ်နီးပါး မီးလောင်ပြာကျခဲ့တယ်လို့ People’s Defense Comrade အဖွဲ့ရဲ့ ထုတ်ပြန်ချက်မှာ ဖော်ပြထားပါတယ်။

၂၀၂၂ခုနှစ် ဒီဇင်ဘာလ ၁၄ရက်မှာ မော်လိုက်အခြေစိုက် ခမရ(၃၆၄) တပ်နဲ့ မှော်ဘီ ထူးကြီးအခြေစိုက် ခလရ(၇၀၁)တပ်တို့  စစ်ကြောင်း၂ခုပေါင်းပြီး မီးရှို့ဖျက်ဆီးခဲ့တာကြောင့် နေအိမ် ၁၃၅လုံး မီးလောင်ပြာကျခဲ့သလို အခုအကြိမ်ဟာ ၄ကြိမ်မြောက်ဖြစ်ကာ ရွာလုံးကျွတ်ပြာကျခဲ့တာလို့ သိရပါတယ်။

ဒီလိုမီးရှို့ခံရလို့ ရွာလုံးကျွတ်ပြာကျခဲ့ပေမယ့် ဘာသာဝင်တစ်ယောက်ချင်းစီတိုင်းရဲ့ စိတ်ဓာတ်တွေပြာမကျဘူးလို့ People’s Defense Comrade အဖွဲ့ မှ တာဝန်ရှိသူတစ်ဦးက ပြောပါတယ်။

“ ကျွန်တော်တို့အသက်လောက်မက အမြတ်တနိုးတန်ဖိုးထားရတဲ့ သမိုင်းဝင်ရာကျော် ဘုရားရှိခိုးကျောင်းကြီးကို မီးလောင်ဆုံးရှုံးလိုက်ရလို့ ဘာသာဝင်တစ်ယောက်ချင်းစီတိုင်းရဲ့ရင်ဘတ်ထဲမှာ ဝမ်းနည်းပူလောင်နေရတာကလွဲရင်   ကျွန်တော်တို့စိတ်ဓာတ်တွေ ပြာမကျခဲ့ကြပါဘူး” လို့ သူကပြောပါတယ်။

ချမ်းသာကျေးရွာကို မန္တလေးကက်သလစ်သနာရောက်ရှိလာခဲ့တာဟာ နှစ်ပေါင်း ၄၀၀ကျော် ၅၀၀ နီးပါးရှိခဲ့ပြီဖြစ်ကာ ပေါ်တူဂီနွယ်ဘွားတွေပေါက်ဖွားရာ ရှေးဟောင်းသမိုင်းဝင် ရွာကြီးတစ်ရွာဖြစ်ပါတယ်။

ခရစ်ယာန်ဘာသာဝင်အများစုရှိသော်လည်း ဗုဒ္ဓဘာသာဝင်ရပ်ကွက် နှစ်ခုနဲ့ အတူယှဥ်တွဲနေထိုင်ခဲ့ကာ အိမ်ခြေပေါင်း ၈၀၀ ကျော်ရှိတဲ့ ရွာကြီးတစ်ရွာလည်းဖြစ်ပါတယ်။

ပုံစာ- မီးရှို့ဖျက်ဆီးခံရတဲ့ ခရစ်ယာန်ဘုရားရှိခိုးကျောင်း၊ ဘုန်းတော်ကြီးကျောင်းအဆောက်အအုံတွေကို တွေ့ရစဉ်

ဓာတ်ပုံ-People’s Defense Comrade

MK-003

#MeKongNews

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)

Mekong News

Mekong News

About Author

မဲခေါင်သတင်းဌာနမှ အကြီးတန်းတာဝန်ခံ အွန်လိုင်းအယ်ဒီတာတစ်ယောက် ဖြစ်သည်။ သတင်းမီဒီယာကျင့်ဝတ်၊ လူသားကျင့်ဝတ်တို့ကို လိုက်နာပြီး သတင်းများကို တင်ဆက်သွားမည် ဖြစ်သည်။

Related News

မြန်မာ့နွေဦး

စစ်ကောင်စီတပ်က စစ်ရှောင်စခန်းတွေနဲ့ ကလေးသူငယ်တွေကို ဦးတည် တိုက်ခိုက်လာတယ်လို့ ကရင်နီလူ့အခွင့်အရေးအဖွဲ့ပြော

မဲခေါင် ၊ ဇွန် ၄ ကရင်နီပြည်နယ်အတွင်း စစ်ကောင်စီတပ်တွေဟာ စစ်ပွဲနဲ့မသက်ဆိုင်ပဲ အားအနည်းဆုံးဖြစ်နေတဲ့ စစ်ဘေးရှောင်စခန်းတွေနဲ့ လူထုတွေနေထိုင်တဲ့ ကျေးရွာတွေ ကလေးသူငယ်တွေကို
မြန်မာ့နွေဦး

လက်နက်မပါဘဲ ထွက်ပြေးလာတဲ့ စစ်ကောင်စီတပ်သား ၃ ဦးကို ဖယ်ခုံ ၁၀၀၆ တပ်ရင်း ကောင်းမွန်စွာထိန်းသိမ်းထား

မဲခေါင်၊ ဇွန် ၄ ရှမ်းပြည်နယ် တောင်ပိုင်း၊ ဖယ်ခုံမြို့နယ်မှာ လက်နက်မပါပဲ ထွက်ပြေးလာတဲ့ လွိုင်လင်လေး အခြေစိုက် ခမရ(၅၃၀)မှ စစ်ကောင်စီတပ်သား
မြန်မာ့နွေဦး

ကြာအင်းဆိပ်ကြီးမြို့ပေါ်တိုက်ပွဲ စစ်ကောင်စီ လေကြောင်းက ဗုံးကြဲတိုက်ခိုက်

မဲခေါင်၊ ဇွန် ၂ ကရင်ပြည်နယ်၊ ကြာအင်းဆိပ်ကြီးမြို့နယ်မှာ ဒီနေ့ ဇွန်လ ၂ ရက်နေ့၊ မနက်ပိုင်းကစပြီး စစ်ကောင်စီတပ်နဲ့ တော်လှန်ရေးပူးပေါင်းတပ် တိုက်ပွဲ ဖြစ်ပွားရာ စစ်ကောင်စီ လေကြောင်းက မြို့ပေါ်ရပ်ကွက်တွေကို ဗုံးကြဲ တိုက်ခိုက်ခဲ့တယ်လို့ ဒေသခံတွေက
မြန်မာ့နွေဦး

မိုင်းလား ဆွေးနွေးပွဲ ပထမရက်မှာ မဟာမိတ် ၃ ဖွဲ့နဲ့ စစ်ကောင်စီ အချက် ၅ ချက် ဆွေးနွေး

မဲခေါင်၊ ဇွန် ၂ ရှမ်းပြည်နယ် အရှေ့ပိုင်း၊ မိုင်းလားမြို့မှာ ညီနောင် မဟာမိတ် ၃ ဖွဲ့ဖြစ်တဲ့ MNDAA၊ TNLA၊ AA နဲ့ စစ်ကောင်စီ တွေ့ဆုံ ဆွေးနွေးတဲ့ ပထမရက်မှာ အချက် ၅
မြန်မာ့နွေဦး

လားရှိုးမြို့မှာ ဆိုင်ကယ်စီးနင်း သွားလာသူတွေကို ဓါးခုတ် လုယက်နေနဲ့ဂိုဏ်း ဆိုင်ကယ် ၂၂ စီးနဲ့အတူ ဖမ်းမိ

မဲခေါင်၊ ဇွန် ၂ ရှမ်းပြည်နယ် မြောက်ပိုင်း၊ လားရှိုးမြို့မှာ ဆိုင်ကယ်စီးနင်း သွားလာသူတွေကို ဆိုင်ကယ်နဲ့ ဘေးချင်းကပ်ကာ ဓါးနဲ့ခုတ်၊ တုတ်နဲ့ ရိုက်ပြီး ဖုန်း၊ ပိုက်ဆံအိတ်နဲ့ ဆိုင်ကယ်တွေ လုယက်ခဲ့တဲ့ အမျိုးသား ၆ ဦးပါ
မြန်မာ့နွေဦး

ကိုးကန့်၊ TNLA ၊ AA မဟာမိတ် ၃ဖွဲ့နဲ့ စစ်ကောင်စီတို့ မိုင်းလားမြို့မှာ မနက်ဖြန် တွေ့ဆုံဆွေးနွေးဖို့ ရှိနေ

မဲခေါင် ၊ မေ ၃၀ ညီနောင်မဟာမိတ် ၃ ဖွဲ့ဖြစ်တဲ့ ရခိုင်အဖွဲ့ AA၊ တအာင်းအဖွဲ့ TNLA ၊ ကိုးကန့်အဖွဲ့ MNDAA နဲ့ စစ်ကောင်စီရဲ့ အမျိုးသားစည်းလုံး ညီညွတ်ရေးနှင့် ငြိမ်းချမ်းရေး ဖော်ဆောင်မှု
မြန်မာ့နွေဦး

ကွန်ဟိန်းမြို့နယ်မှာ ကားမောင်းလာတဲ့ အမျိုးသမီးကို RCSS တပ်ဖွဲ့ တားဆီး ပစ်သတ်လိုက်တယ်လို့ ဒေသခံတွေ စွပ်စွဲ

မဲခေါင်၊ မေ ၃၀ ရှမ်းပြည်နယ် တောင်ပိုင်း၊ ကွန်ဟိန်းမြို့နယ်၊ ဝမ်းစိမ်းနဲ့ ဆိုင်မွန်းကျေးရွာကြားမှာ မေလ ၂၈ ရက်နေ့က ကားမောင်းလာတဲ့ အမျိုးသမီး တစ်ဦး ပစ်သတ်ခံလိုက်ရတယ်လို့ ဒေသခံတွေက ပြောပါတယ်။
မြန်မာ့နွေဦး

စစ်တပ်က ကျောက်ပချုပ်ရွာမှာ ဖမ်းမိတဲ့ PDF ကို အသုံးချပြီး ကရင်နီ PDF တွေကို ထောင်ဖမ်းဖို့ ကြိုးစားနေ

မဲခေါင်၊ မေ ၃၀ သာစည်မြို့နယ်၊ ကျောက်ပချုပ်ကျေးရွာ အခြေစိုက် PDF စခန်းကို စစ်ကောင်စီနဲ့ ပျူစောထီးတွေ ဝင်ရောက် စီးနင်းခဲ့ပြီးနောက် ဖမ်းမိတဲ့ PDF တစ်ဦးကို အသုံးချပြီး ကရင်နီက PDF တွေကို ထောင်ဖမ်းဖို့