ဆန္ဒပြ တော်လှန် ပြည်သူတွေက “ လူထုတိုက်ပွဲ အရှိန်မြှင့်ကြ ဘုံရန်သူကို ချေမှုန်းကြ” ဆိုတဲ့ စာသားတွေ ကိုင်ဆောင်ကာ အကြမ်းဖက် pစ်အာဏာရှင် အမြစ်ပြတ် ချေမှုန်းရေး ချီတက်ဆန္ဒပြခဲ့ကြတာပါ။
ဒါအပြင် အာဇာနည် တဦးဖြစ်တဲ့ ရဲဘော် ချမ်းမြေ့ကျော် ကျဆုံးခြင်း ၂၁ လ ပြည့်မြောက်တဲ့နေ့ ဖြစ်တဲ့ အတွက် သူ့ရဲ့အုတ်ဂူရှိရာကို ချီတကျ အလေးနီပြုကာ နှင်းဆီပန်းတွေနဲ့ ဂုဏ်ပြုခဲ့ကြပါတယ်။
ကိုချမ်းမြေ့ကျော်ဟာ ၂၀၂၁ ခုနှစ် မတ်လ ၂၇ ရက်က ချင်းတွင်းတံတား အနောက်ဘက်၊ ပုသိမ်မုံရွာလမ်းနဲ့ ယာကြီး- ကလေး လမ်းဆုံ၊ ရွှေတောင်ဦး အနီး စစ်ကောင်စီရဲ့ သပိတ်ဖြိုခွင်းမှုမှာ ကျဆုံးခဲ့တာ ဖြစ်ပါတယ်။
ကျောင်းသား လူငယ်တွေ၊ သပိတ် ကော်မတီဝင်တွေနဲ့ ပြည်သူလူထု ပူးပေါင်းကာ စစ်အာဏာရှင် အလိုမရှိကြောင်း ဆန္ဒပြရင်း ကိုချမ်းမြေ့ကျော် အုတ်ဂူကိုလည်း အလေးပြုခဲ့ကြတာလို့ သိရပါတယ်။
ဒေသခံ တော်လှန် ပြည်သူတွေက နယ်မြေ မငြိမ်သက်မှုကြားထဲက အကြမ်းဖက် စစ်တပ် ကျရှုံးရေး ဆန္ဒပြ သပိတ်ကို နေ့စဉ် ပြုလုပ်နေကြတယ်လို့ သိရပါတယ်။
