မဲခေါင်၊ ဇန်နဝါရီ ၁၆
စစ်ကိုင်းတိုင်း၊ မြောင်မြို့နယ်မှာ ဇန်နဝါရီလ ၁၄ ရက်က မဲစာရင်း လာကောက်တဲ့ စစ်ကောင်စီ လက်အောက်ခံ အထွေထွေ အုပ်ချုပ်ရေး ဦးစီးဌာနက ဝန်ထမ်းတွေကို ဖမ်းဆီးရမိတယ်လို့ အမျိုးသား ညီညွတ်ရေး အစိုးရ၊ ပြည်ထဲရေးဝန်ကြီးဌာနက မနေ့က ထုတ်ပြန်ပါတယ်။
စစ်ကောင်စီက ပြုလုပ်မယ့် တရားမဝင် ရွေးကောက်ပွဲ အတွက် မဲစာရင်း လာကောက်တဲ့ စစ်ကောင်စီ လက်အောက်ခံ အမျိုးသမီး ဝန်ထမ်း ၃ ဦး၊ အမျိုးသား ဝန်ထမ်း တစ်ဦး၊ စုစုပေါင်း ၄ ဦးကို စစ်ကိုင်းခရိုင် တပ်ရင်း (၅) MRA က ဖမ်းဆီးရမိခဲ့တာပါ။
ဖမ်းဆီးရမိသူတွေကို စစ်ကိုင်းခရိုင် ပြည်သူ့အုပ်ချုပ်ရေးအဖွဲ့က အကြမ်းဖက်မှု တိုက်ဖျက်ရေး ဥပဒေနဲ့အညီ အပြစ်ပေး အရေးယူနိုင်ဖို့ အတွက် ဆောင်ရွက်နေတယ်လို့ ပြည်ထဲရေးဝန်ကြီးဌာနက ထုတ်ပြန်ထားပါတယ်။
MK-003
