ဇန်နဝါရီလ ၁ ရက်၊ ည ၁၂ နာရီ ၅ မိနစ်ခန့်က စစ်အင်အား ၆၀ ခန့်ရှိတဲ့ သရက်ကန်ရွာရှိ စစ်ကောင်စီ ပျူစောထီး စခန်းကို ၁၀၀ မမ၊ ၈၀ မမ လက်လုပ် တာဝေးပစ် လက်နက်ကြီး‌ တွေနဲ့ ပစ်ခတ်တိုက်ခိုက်ခဲ့ရာ ၃ ဦး သေဆုံးခဲ့တာလို့ ဝံပုလွေ ပြောက်ကျားတပ်ဖွဲ့ထံမှ သိရပါတယ်။

အဲဒီ စစ်တပ်နဲ့ ပျူစောထီးတွေရဲ့ စခန်းကို တာဝေးပစ် လက်လုပ် လက်နက်ကြီး အချက် ၇၀ ကျော် ပစ်ခတ် တိုက်ခိုက်ခဲ့ရာ နေထိုင်ရာ နေရာအနီး ကျရောက်ပေါက်ကွဲပြီး ၃ ဦး သေဆုံးကာ ပျူတွေ ဈေးဝယ်ထွက်တဲ့ ကားတစ်စီးလည်း ထိမှန် ပျက်စီးခဲ့တယ်လို့ သိရပါတယ်။

သူတို့ဘက်က လက်နက်ကြီး၊ လက်နက်ငယ်တွေနဲ့ ပြန်ပစ်တယ်။ လက်နက်ကြီးက ၅ လုံးလောက် ပြန်ပစ်တယ်။ ၃ ကောင် သေတာတော့ အတွင်းသတင်းအရ အတိအကျ သိရတယ်။ ဒဏ်ရာရတာတော့ အတိအကျ မသိရဘူး

လို့ ဗိုလ်မီးပွားက ပြောပါတယ်။

ဒီတိုက်ခိုက်မှုဟာ မုံရွာမြို့မှာ ကျဆုံးခဲ့တဲ့ ဗိုလ်လရောင် အတွက် လက်စားချေတဲ့ အနေနဲ့ တုန့်ပြန် တိုက်ခိုက်ခဲ့တာလို့လည်း သူကဆိုပါတယ်။

တိုက်ခိုက်မှုကို ဝံပုလွေပြောက်ကျားတပ်ဖွဲ့-မြိုင်မှ ဦးဆောင်ကာ မြိုင်မြို့နယ် ပြည်သူ့ကာကွယ် ရေးတပ်ဖွဲ့ တပ်ခွဲ (၄)၊ Mying Warriors ၊ နွေဦးညီနောင်တပ်ဖွဲ့နဲ့ စင်္ကြာတပ်ဖွဲ့တို့ ပူးပေါင်း တိုက်ခိုက်ခဲ့တာ ဖြစ်ပါတယ်။

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)