မြန်မာ့နွေဦး

မဲဝိုင်စခန်းကို KNLA နဲ့ PDF ပူးပေါင်းတပ်‌တွေ တိုက်ခိုက်မှု စစ်တပ်ဘက်မှ ၉ ဦးသေဆုံး

မဲခေါင် 13 Jan - 2023
မဲခေါင်၊ ဇန်ဝါရီ ၁၃ ကရင်ပြည်နယ်၊ ဖာပွန်ခရိုင်၊ တပ်မဟာ (၅) နယ်မြေအတွင်းရှိ စစ်ကောင်စီတပ်ရဲ့ မဲဝိုင်စခန်းကို KNLA နဲ့ PDF ပူးပေါင်းတပ်‌တွေ တိုက်ခိုက်ရာ စစ်တပ်ဘက်မှ ၉ ဦး သေဆုံးထားတယ်လို့ တောင်ပိုင်းစစ်ဒေသ သတင်းနှင့် ပြန်ကြားရေးအဖွဲ့က ဒီကနေ့ ထုတ်ပြန်ပါတယ်။

မဲခေါင်၊ ဇန်ဝါရီ ၁၃

ကရင်ပြည်နယ်၊ ဖာပွန်ခရိုင်၊ တပ်မဟာ (၅) နယ်မြေအတွင်းရှိ စစ်ကောင်စီတပ်ရဲ့ မဲဝိုင်စခန်းကို KNLA နဲ့ PDF ပူးပေါင်းတပ်‌တွေ တိုက်ခိုက်ရာ စစ်တပ်ဘက်မှ ၉ ဦး သေဆုံးထားတယ်လို့ တောင်ပိုင်းစစ်ဒေသ သတင်းနှင့် ပြန်ကြားရေးအဖွဲ့က ဒီကနေ့ ထုတ်ပြန်ပါတယ်။

စစ်ကောင်စီရဲ့ မဲဝိုင်စခန်းကို KNLA နဲ့ မဟာမိတ် ပူးပေါင်းတပ်ဖွဲ့တွေ နေ့စဉ် တိုက်ခိုက်နေရာ စစ်တပ်ဘက်မှ ထိခိုက်သေဆုံးမှု များပြားတာကြောင့် လေကြောင်း အသုံးပြုပြီး အရပ်သားတွေ နေထိုင်တဲ့ နေရာတွေကို တိုက်ခိုက်လျက်ရှိတယ်လို့ ဆိုပါတယ်။

မဲဝိုင်စခန်းကို ဒီဇင်ဘာလဆန်း ကတည်းက FFD အဖွဲ့တွေက ဒရုန်းနဲ့ နေ့တိုင်း ဗုံးကြဲနေတာ ဖြစ်ပြီး တစ်လ အတွင်း ဗုံးအလုံးပေါင်း ၁၀၀၀ ကျော် ကြဲချခဲ့တယ်လို့ သိရပါတယ်။

ဇန်နဝါရီလ ၄ ရက်နေ့နဲ့ ၇ ရက်နေ့တွေမှာ စခန်းထဲအထိ ဝင်တိုက်ခဲ့ရာ တပ်ခွဲမှူး တစ်ဦး၊ အရာခံဗိုလ်တစ်ဦး အပါအဝင် ၉ ဦးသေဆုံးခဲ့တယ်လို့ သိရပါတယ်။

အရုဏ်တက်ချိန် ဖြစ်တဲ့အတွက် အလင်းရောင် ကောင်းစွာ မရတာကြောင့် အတည်ပြုထားတဲ့ ၉ ဦးထက်မနည်း သေဆုံးနိုင်ပြီး လက်နက်တွေလည်း သိမ်းမိထားတယ်လို့ သိရပါတယ်။

အဲဒီ စခန်းသိမ်း တိုက်ခိုက်မှုမှာ KNU/KNLA ရဲ့ဦးဆောင်မှုနဲ့ FFD ၊ BPLA နဲ့ PDF တပ်ဖွဲ့ဝင်တွေ ပါဝင် တိုက်ခိုက်ခဲ့ပြီး စစ်ကောင်စီတပ်ဘက်မှ တိုက်လေယာဉ် ၈ စင်းအထိ အသုံးပြုကာ ခုခံခဲ့တာကြောင့် အပြီးသတ် မသိမ်းနိုင်သေးတာလို့လည်း သိရပါတယ်။

မဲဝိုင်စခန်းသိမ်း ဖြစ်စဉ်အတွင်း စစ်ကောင်စီတပ်ဘက်မှ လေယာဉ်နဲ့ ပစ်ခတ်တိုက်ခိုက်ရာ အရပ်သား ပြည်သူ ၆ ဦး သေဆုံးပြီး မထော စစ်ကောင်စီ တပ်စခန်းကလည်း ၁၂၂ မမနဲ့ အကြိမ် ၂၀ ကျော် ပစ်ခတ်ခဲ့ရာ ပြည်သူ ၂ ဦး သေဆုံးခဲ့တယ်လို့ ဆိုပါတယ်။

“မြေပြင်မှာ သူယှဉ်ကိုယ်ယှဉ် ပစ်ရင်တော့ သိမ်းနိုင်တာကြာပြီ။ လေယာဉ်တွေ လာပစ်တာကြောင့် တစ်ဝက်လောက်ပဲ သိမ်းပြီး ပြန်ဆုတ်ခဲ့ရတယ်။ ဒါပေမယ့် ကျွန်တော်တို့ဘက်က Drone တွေနဲ့ တစ်နေ့ ဗုံးအလုံး ၃၀ လောက်ကြဲနေတော့ စခန်းထဲက တပ်ခွဲမှူး အဆင့်ရှိတဲ့ သူက ဒဏ်ရာအပြင်းအထန်ရပြီး ဘာမှ မတုံ့ပြန်နိုင်ဘူး။ စခန်းဝင်စီးတော့ ဒီကောင်အရက်ထိုင်သောက်ပြီး သေမယ့်အချိန် စောင့်နေတာနဲ့ ပစ်သတ်ပြီး သူ့ပစ္စတိုပါ ယူလာခဲ့တယ်။ စခန်းမသိမ်းခင် ၁ ပတ်လောက်အလိုမှာ သူတို့ကို လက်နက်ချ ပူးပေါင်းအညံ့ခံဖို့ Drone နဲ့စာတွေချသေးတယ်။ ဘာမှထူးမလာတော့ သူ့စရိတ်နဲ့သူသွားပြီပေါ့” လို့ စစ်ဆင်ရေးမှာ ပါဝင်ခဲ့တဲ့ တပ်ဖွဲ့ဝင်တဦးက ပြောပါတယ်။

တိုက်ပွဲမှာ KNLA ပူးပေါင်းအဖွဲ့ဘက်မှ ၆ ဦးကျဆုံးပြီး ၂၀ ဝန်းကျင် ဒဏ်ရာရရှိခဲ့ကာ မဲဝိုင်စခန်းဟာ စစ်ကောင်စီရဲ့ အရေးပါတဲ့ ခြေကုပ်စခန်း ဖြစ်ပြီး အင်အား ၈၀ ဝန်းကျင်ခန့် ရှိတယ်လို့ သိရပါတယ်။

အခုနှစ် နှစ်ဆန်းပိုင်းမှ စပြီး မဲဝိုင်စခန်းမှာ တိုက်ပွဲ ပြင်းထန်လျက်ရှိပြီး စစ်ကောင်စီဘက်ကလည်း လေယာဉ်တွေ လက်နက်ကြီးတွေ အသုံးပြုပြီး ခုခံနေကာ တိုက်ပွဲတွေ အလွန်ပြင်းထန်နေတယ်လို့ သိရပါတယ်။

MK-003

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)

Mekong News

Mekong News

About Author

မဲခေါင်သတင်းဌာနမှ အကြီးတန်းတာဝန်ခံ အွန်လိုင်းအယ်ဒီတာတစ်ယောက် ဖြစ်သည်။ သတင်းမီဒီယာကျင့်ဝတ်၊ လူသားကျင့်ဝတ်တို့ကို လိုက်နာပြီး သတင်းများကို တင်ဆက်သွားမည် ဖြစ်သည်။

Related News

မြန်မာ့နွေဦး

စစ်အုပ်ချုပ်ရေး ကြေညာထားတဲ့ မြို့နယ် ၃၇ ခုက ပြည်သူတွေ မထိခိုက်ဖို့ NUG မှာ တာဝန်ရှိတယ်လို့ ပြည်ထောင်စု ဝန်ကြီးချုပ် သတိပေး

မဲခေါင်၊ ဇန်နဝါရီ ၇ စစ်တပ်က စစ်အုပ်ချုပ်ရေး ကြေညာထားတဲ့ မြို့နယ် ၃၇ ခုက ပြည်သူတွေ မထိခိုက်စေဖို့ NUG
မြန်မာ့နွေဦး

ရှမ်းပြည်အမျိုးသားနေ့ ၇၆ နှစ်ပြည့် အခမ်းအနားကို SSPP/SSA ဌာနချုပ်မှာ ကျင်းပ

မဲခေါင်၊ ဖေဖော်ဝါရီ ၇ ရှမ်းပြည်အမျိုးသားနေ့ ၇၆ နှစ်ပြည့် အခမ်းအနားကို SSPP/SSA ဌာနချုပ် ဝမ်ဟိုင်းမှာ ဖေဖော်ဝါရီ ၇
မြန်မာ့နွေဦး

အာဏာသိမ်းကာလ စစ်ရေးပဋိပက္ခများအတွင်း ကရင်နီနှင့် ရှမ်းတောင်တွင် စစ်ဘေးရှောင် ၁၂၈ ဦး အပါအဝင် အရပ်သား ၄၀၀ ကျော် သေဆုံး

မဲခေါင်၊ ဖေဖော်ဝါရီ ၄ စစ်ရေးပဋိပက္ခအပြင်းထန်ဆုံးဒေသတစ်ခုဖြစ်တဲ့ ကရင်နီနဲ့ ရှမ်းပြည်နယ်တောင်ပိုင်းမှာ အာဏာသိမ်း ၂ နှစ်အတွင်း စစ်ရှောင် ၁၂၈ ဦး သေဆုံးခဲ့ရတယ်လို့ တိုးတက်သောကရင်နီပြည်သူ့အင်အားစု PKPF က ထုတ်ပြန်ခဲ့ပါတယ်။
မြန်မာ့နွေဦး

ယူကေ နိုင်ငံခြားရေးဝန်ကြီးနဲ့ NUG နိုင်ငံခြားရေးဝန်ကြီး ဒေါ်ဇင်မာအောင်တို့ တရားဝင်တွေ့ဆုံ

မဲခေါင်၊ ဖေဖော်ဝါရီ ၇ ယူကေ နိုင်ငံခြားရေးဝန်ကြီး James Cleverly နဲ့ အမျိုးသား ညီညွတ်ရေး အစိုးရ၊ နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဒေါ်ဇင်မာအောင်တို့ မနေ့ ညနေ ၃ နာရီခွဲက လန်ဒန်မြို့ UK
မြန်မာ့နွေဦး

နိုင်ငံခြားရေးဝန်ကြီးဒေါ်ဇင်မာအောင်နဲ့ ယူကေနိုင်ငံ Labor Party လွှတ်တော်အမတ် Rushanara Ali တို့ မြန်မာ့အရေး တွေ့ဆုံဆွေးနွေး

မဲခေါင်၊ ဖေဖော်ဝါရီ ၇ ပြည်ထောင်စုသမ္မတ မြန်မာနိုင်ငံတော်၊ အမျိုးသား ညီညွတ်ရေး အစိုးရ၊ နိုင်ငံခြားရေးဝန်ကြီး ဒေါ်ဇင်မာအောင် နဲ့ ယူကေနိုင်ငံ Labor Party မှ လွှတ်တော်အမတ် Rushanara Ali တို့ မနေ့က
မြန်မာ့နွေဦး

TNLA က ဂျာယန်ပြည်သူ့စစ်စခန်းကို စီးနင်းပြီး အဓမ္မစစ်မှုထမ်းဖို့ စေခိုင်းခံရတဲ့ ကလေးတွေအပါအဝင် တအာင်း ၁၂၇ ဦးကို ကယ်ထုတ်

မဲခေါင်၊ ဇန်နဝါရီ ၇ TNLA တပ်ဖွဲ့ အင်အား ၅၀၀ ဟာ ဂျာယန်ပြည်သူ့စစ်စခန်းကို ဝင်ရောက်စီးနင်းပြီး အဓမ္မ စစ်မှုထမ်းဖို့ စေခိုင်းခံရတဲ့ ကလေးတွေ အပါအဝင် တအာင်း-ရူစိင် ၁၂၇ ဦးကို ကယ်ထုတ်ခဲ့တယ်လို့ မနေ့က
မြန်မာ့နွေဦး

လမိုင်းမြို့နယ်ခွဲမှာ ဖမ်းမိတဲ့ ခမရ (၅၄၅) မှ ဗိုလ်ကြီးမြတ်သူ ကို တိုင်းရင်းသား လက်နက်ကိုင်အဖွဲ့ဆီ လွှဲပြောင်း

မဲခေါင်၊ ဖေဖော်ဝါရီ ၆ မွန်ပြည်နယ်၊‌ ရေးမြို့နယ်၊ လမိုင်းမြို့နယ်ခွဲမှာ ဇန်နဝါရီလ ၄ ရက်နေ့က ဖမ်းဆီးရမိတဲ့ ခမရ (၅၄၅) တပ်ရင်းမှ ဗိုလ်ကြီးမြတ်သူ ကို တိုင်းရင်းသား လက်နက်ကိုင်အဖွဲ့ဆီ လွှဲပြောင်း ပေးလိုက်တယ်လို့ YGF-
မြန်မာ့နွေဦး

စစ်အာဏာရှင် အမြတ်ပြတ်ဖို့ တစ်ဖွဲ့တည်း ဦးဆောင်နေလို့မရဘူးလို့ KIO ဥက္ကဋ္ဌ သတိပေး

မဲခေါင်၊ ဇန်နဝါရီ ၆ စစ်အာဏာရှင်စနစ်ကို အမြစ်ပြတ် ချေမှုန်းဖို့ အတွက် တစ်ဖွဲ့တည်းက ဦးဆောင်နေလို့ မရဘူးလို့ KIO ဥက္ကဋ္ဌ ဗိုလ်ချုပ်ကြီးအင်ဘန်လ က သတိပေးလိုက်ပါတယ်။