မဲခေါင်၊ ဇန်နဝါရီ ၂၈
မွန်ပြည်နယ်၊ ဘီးလင်းမြို့နယ်၊ ဇီးဝန်းကျေးရွာ အနီးရှိ အမြောက်တပ် အတွင်း စစ်သားတွေ ဘောလုံးကန် နေစဉ် ဒရုန်းနဲ့ ဗုံးကြဲ တိုက်ခိုက်ခဲ့ရာ ထိခိုက် သေဆုံးမှု အများအပြား ရှိခဲ့တယ်လို့ Hawk Revolutionary Squad –HRS တပ်ဖွဲ့ တာဝန်ရှိသူက ပြောပါတယ်။
မနေ့က ညနေ ၄ နာရီခွဲမှာ ဇီးဝန်းကျေးရွာ အနီးရှိ အမှတ် (၃၁၄) အမြောက်တပ် အတွင်းမှာ စစ်ကောင်စီတပ်သားတွေ စုပြီး ဘောလုံးကန်နေတာကို တပ်တွင်း သတင်းပေးချက်အရ ဒရုန်းနဲ့ ဗုံးသီး ၄ လုံး ကြဲချ တိုက်ခိုက်ရာ စစ်သား အများအပြား ထိခိုက်ဒဏ်ရာရ သေဆုံးနိုင်တယ်လို့ သိရပါတယ်။
“ စကစ ဘက်မှ လက်နက်ကြီးတွေနဲ့ ပြန်လည် ရမ်းသန်း ပစ်ခတ်ခဲ့တာကြောင့် ထပ်ပြီး ည ၇နာရီမှာ ဗုံးသီး ၃ လုံးနဲ့ နောက်တစ်ကြိမ် တိုက်ခိုက်ခဲ့ပါတယ်” လို့ Hawk Revolutionary Squad တပ်ဖွဲ့ တာဝန်ရှိသူက ပြောပါတယ်။
ဒီတိုက်ခိုက်မှုကို Hawk Revolutionary Squad –HRS ၊ KNLA တပ်ရင်း (၂) ၊ တပ်ခွဲ (၃) တို့ပူးပေါင်းပြီး ၆၀ မမ ဗုံးသီးတွေ ကြဲချ တိုက်ခိုက်ခဲ့တာလို့ သိရပါတယ်။
MK-003
#MeKongNews
#ဘီးလင်း
#အမြောက်တပ်
#ဒရုန်း
