မြန်မာ့နွေဦး

ဗားကရာလမ်းက ဘုန်းကြီးကျောင်းမှာ ဗုံးသီးနဲ့သေနတ် တွေ့တယ်ဆိုပြီး စစ်တပ်က သတင်းဖြန့်

မဲခေါင် 26 Jan - 2023
မဲခေါင်၊ ဇန်နဝါရီ ၂၆ ရန်ကုန်တိုင်း၊ စမ်းချောင်းမြို့နယ်၊ လင်းလွန်းတောင်ရပ်ကွက်၊ ဗားကရာလမ်းရှိ အနောက်ဥယျာဉ်တိုက် ဘုန်းကြီးကျောင်း အတွင်း ဗုံးသီးတွေနဲ့ သေနတ် ရှာဖွေ့တွေ့ရှိခဲ့တယ်လို့ စစ်တပ်ပိုင် မီဒီယာ အချို့မှာ ဝါဒဖြန့် သတင်း ဖြန့်ဝေထားတယ်လို့ သိရပါတယ်။

မဲခေါင်၊ ဇန်နဝါရီ ၂၆

ရန်ကုန်တိုင်း၊ စမ်းချောင်းမြို့နယ်၊ လင်းလွန်းတောင်ရပ်ကွက်၊ ဗားကရာလမ်းရှိ အနောက်ဥယျာဉ်တိုက် ဘုန်းကြီးကျောင်း အတွင်း ဗုံးသီးတွေနဲ့ သေနတ် ရှာဖွေ့တွေ့ရှိခဲ့တယ်လို့ စစ်တပ်ပိုင် မီဒီယာ အချို့မှာ ဝါဒဖြန့် သတင်း ဖြန့်ဝေထားတယ်လို့ သိရပါတယ်။

ဇန်နဝါရီ ၂၅ ရက် ည ၈ နာရီခွဲက ဘုန်းကြီးကျောင်း အတွင်းရှိ အမှိုက်ကန်ထဲမှ စက္ကူပုံး အတွင်း ၄၀ မမ ဗုံးသီး ၁၇ လုံးနဲ့ ကျောင်းရှေ့ ပန်းခြံ အတွင်း AK-47 သေနတ် တစ်လက် သိမ်းဆည်းရမိခဲ့တယ်လို့ စစ်တပ်က သတင်းထုတ်ပြန်ထားပါတယ်။

“ မနေ့ ညက ၆ နာရီကျော် အချိန်က ရဲကား တစ်စီး ထွေအုပ်ရုံးကနေ ဗားဂရာလမ်း အတိုင်း မြေနီကုန်းဘက် တက်သွားတယ်။ ည ၈ နာရီ ၅၀ မိနစ်ကျော် လွှတ်တော်ကနေ ဗဟိုလမ်း အတိုင်း ရှမ်းလမ်း မီးပွိုင့်ကနေ ဗားဂရာလမ်း အတိုင်း ဂျောက်ထဲ ဆင်းသွားတယ်။ အဲ့လိုသာ ဘုန်းကြီးကျောင်းမှာ မိကြည့်ပါလား။ တစ်ရပ်ကွက်လုံး တစ်ညလုံး အိပ်ရမယ် ထင်လို့လား။ တစ်အိမ်တက်ဆင်း ဧည့်စာရင်း အကြောင်းပြပြီး ဝင်စစ်နေမှာ။ PDF တွေကလည်း အဲ့လို နေရာမျိုး ထားမလားဗျာ” လို့ ဒေသခံ ပြည်သူ တစ်ဦးက ပြောပါတယ်။

စမ်းချောင်းမြို့နယ်မှာ ဗုံးသီးနဲ့ သေနတ်မိတယ်ဆိုတဲ့ သတင်း ပြည်သူတွေ မကြားမိ သလို အဆိုပါ အချိန်အတွင်း စစ်ကား ရဲကားများ မြို့နယ်အတွင်း ကင်းပတ်တာ မရှိဘူးလို့ ဒေသခံတွေက ပြောပါတယ်။

အခုလို သတင်းလွှင့်တာဟာ စမ်းချောင်းမြို့နယ် အတွင်း စစ်ဆေးမှုတွေ တင်းကျပ်ဖို့ ရည်ရွယ်တယ်လို့ ဒေသခံတွေက သုံးသပ်ပါတယ်။

မနေ့ည ၉ နာရီခွဲကျော်က ဗားဂရာလမ်းမပေါ်ရှိ ဥယျာဉ်တိုက် ကျောင်းအပေါက်ဝမှာ စစ်ကား ၃ စီးနဲ့ ရဲမီးတန်းကား တစ်စီး ရပ်ထားပြီး လမ်းသွားလမ်းလာတွေကို စစ်သား အယောက် ၂၀ ခန့်က ဘယ်ညာပိတ်ကာ စစ်ဆေးမှုတွေ ပြုလုပ်ကာ ည ၁၀ နာရီကျော်မှာ ပြန်လည်ထွက်ခွာသွားရာ ဖမ်းဆီးခံရသူ မရှိခဲ့ဘူးလို့ မျက် မြင်တွေ့သူ တစ်ဦးက ပြောပါတယ်။

MK-005
#MeKongNews

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)

Mekong News

Mekong News

About Author

မဲခေါင်သတင်းဌာနမှ အကြီးတန်းတာဝန်ခံ အွန်လိုင်းအယ်ဒီတာတစ်ယောက် ဖြစ်သည်။ သတင်းမီဒီယာကျင့်ဝတ်၊ လူသားကျင့်ဝတ်တို့ကို လိုက်နာပြီး သတင်းများကို တင်ဆက်သွားမည် ဖြစ်သည်။

Related News

မြန်မာ့နွေဦး

စစ်ကောင်စီခန့်ရှမ်းပြည်နယ်စစ်ဝန်ကြီးချုပ် (သို့) မိုဆိုလူသတ်သမား

အာဏာသိမ်း ၂ နှစ်ပြည့်နေ့ ဖေဖော်ဝါရီလ ၁ ရက်နေ့မှာ စစ်ခေါင်းဆောင် မင်းအောင်လှိုင်က ရှမ်းပြည်နယ်နဲ့ ကရင်နီပြည်ကို တာဝန်ယူ ကိုင်တွယ်ခဲ့တဲ့
မြန်မာ့နွေဦး

ဖက်ဒရယ်နဲ့ ဒီမိုကရေစီလိုလားတဲ့ အင်အားစုတွေနဲ့လက်တွဲဖို့ SSPP ဆုံးဖြတ်

မဲခေါင်၊ ဖေဖော်ဝါရီ ၃ ဖက်ဒရယ်နဲ့ ဒီမိုကရေစီ လိုလားတဲ့ အင်အားစုတွေနဲ့ လက်တွဲသွားမယ်လို့ ရှမ်းတော်လှန်ရေး အင်အားစု ဖြစ်တဲ့ ရှမ်းပြည်တိုးတက်ရေးပါတီ-SSPP
မြန်မာ့နွေဦး

ဟုမ္မလင်းမှာ ရဟတ်ယာဉ်တစ်စီးကို PDF ပစ်ချ

မဲခေါင်၊ ဖေဖော်ဝါရီ ၃ စစ်ကိုင်းတိုင်း၊ ဟုမ္မလင်းမြို့နယ်၊ ရွှေပြည်အေးမြို့သစ်အနီးမှာ ဖြစ်ပွားခဲ့တဲ့ တိုက်ပွဲအတွင်း စစ်တပ်ရဲ့ ရဟတ်ယာဉ်တစ်စီးကို ပြည်သူ့ကာကွယ်ရေးတပ်တွေက ပစ်ချနိုင်ခဲ့တယ်လို့ NUG က ဒီကနေ့ ထုတ်ပြန်ပါတယ်။
မြန်မာ့နွေဦး

မန္တလေးမြို့တော်ဝန် ဒေါက်တာရဲလွင်ကို စစ်ကောင်စီက ထောင်ဒဏ် ၂ နှစ်ထပ်ချ

မဲခေါင်၊ ဖေဖော်ဝါရီ ၃ မန္တလေးမြို့တော်ဝန် ဒေါက်တာရဲလွင်ကို နိုင်ငံဘဏ္ဍာငွေ အလွဲသုံးမှုနဲ့ စစ်ကောင်စီက ဒီကနေ့ ထောင်ဒဏ် ၂ နှစ် ထပ်ချလိုက်တယ်လို့ နီးစပ်တဲ့ အသိုင်းအဝိုင်းမှ သိရပါတယ်။
မြန်မာ့နွေဦး

Spring Bliss နွေဦးစံရိပ်မွန် အိမ်ရာတွေ စတင်ရောင်းချပေးတော့မယ်

မဲခေါင်၊ ဖေဖော်ဝါရီ ၃ Spring Bliss 1-2-3 (နွေဦးစံရိပ်မွန် ၁၊၂၊၃ အိမ်ရာတွေကို ဖေဖေါ်ဝါရီလ ၁၁ ရက်နေ့က စတင် ရောင်းချပေးသွားမှာဖြစ်တယ်လို့ သိရပါတယ်။
မြန်မာ့နွေဦး

NUG ယာယီသမ္မတရဲ့ လူမှုကွန်ရက်စာမျက်နှာ တိုက်ခိုက်ခံရ

မဲခေါင်၊ ဖေဖော်ဝါရီ ၃ အမျိုးသား ညီညွတ်ရေး အစိုးရ၊ ယာယီ သမ္မတဒူဝါလရှီးလ ရဲ့ လူမှုကွန်ရက်-Facebook စာမျက်နှာ တိုက်ခိုက်ခံခဲ့ရတယ်လို့ သမ္မတရုံးက ထုတ်ပြန်ပါတယ်။
မြန်မာ့နွေဦး

ကောလင်းမှာ စစ်တပ်စစ်ကြောင်းထိုးမှုကြောင့် ကျေးရွာ ၃၈ ရွာမှ ပြည်သူ ၄၀,၀၀၀ နီးပါး စစ်ဘေးရှောင်နေရပြီး ကျည်ထိမှန်ကာ ပြည်သူတစ်ဦး သေဆုံး

မဲခေါင်၊ ဖေဖော်ဝါရီ ၃ စစ်ကိုင်းတိုင်း၊ ကောလင်းမြို့နယ်မှာ စစ်ကောင်စီ စစ်ကြောင်းထိုး ဝင်ရောက်မှုကြောင့် ကျေးရွာ ၃၈ ရွာမှ ဒေသခံ ပြည်သူ ၄၀,၀၀၀ နီးပါး စစ်ဘေးရှောင်နေရပြီး ကျည်ထိမှန်ကာ ပြည်သူ တစ်ဦး သေဆုံးခဲ့တယ်လို့
မြန်မာ့နွေဦး

စစ်တပ်က ရှေ့တန်းတပ်စခန်းသို့ လေကြာင်းက ရိက္ခာပို့စဉ် တိုက်လေယာဉ်‌တွေနဲ့ ဗုံးသီးကြဲချ

မဲခေါင်၊ ဖေဖော်ဝါရီ ၃ ကရင်ပြည်နယ်၊ တပ်မဟာ (၅) နယ်မြေရှိ စစ်ကောင်စီ ရှေ့တန်းတပ်စခန်းဖြစ်တဲ့ ကဟီးကျိုးစခန်းကို ကုန်းကြောင်းနဲ့ စားနပ်ရိက္ခာ သယ်ယူပို့ဆောင်မှု မပြုနိုင်တော့လို့ လေကြောင်းအသုံးပြုကာ စားနပ်ရိက္ခာတွေ လာရောက်ပို့ဆောင်စဉ် တိုက်လေယာဉ်‌တွေနဲ့ ဗုံးသီးကြဲချခဲ့တယ်လို့ သိရပါတယ်။