မဲခေါင်၊ မတ် ၁၁
ရှမ်းပြည်တောင်ပိုင်း၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ပင်လောင်းမြို့နယ်၊ နမ့်နိန်းကျေးရွာမှာ KNDFပူးပေါင်းတပ်နဲ့ စစ်ကောင်စီ၊ PNO ပူးပေါင်းတပ်တွေ တိုက်ပွဲဆက်လက်ပြင်းထန်နေပြီး စစ်တပ်က လေကြောင်းပါသုံးပြီး တိုက်ခိုက်နေတယ််လို့ ဒေသခံတွေထံကနေ သိရပါတယ်။
ပင်လောင်းမြို့နယ်အတွင်း ပြီးခဲ့တဲ့ ဖေဖော်ဝါရီလ ၂၄ ရက်ကစပြီး တိုက်ပွဲတွေစတင်ဖြစ်ပွားခဲ့တာဖြစ်ပြီး လက်ရှိအချိန်ထိတိုက်ပွဲပြင်းထန်နေတယ်လို့ ဒေသခံတွေကပြောပါတယ်။
စစ်ကောင်စီဘက်က လက်နက်ကြီး၊ လက်နက်ငယ်တွေအပြင် လေကြောင်းနဲ့ပါ တိုက်ခိုက်နေတာကြောင့် နမ့်နိန်းကျေးရွာအတွင်းက ပြည်သူပိုင်နေအိမ် ၅၀ ထက်မနည်းမီးလောင်ဆုံးရှုံးသွားတယ်လို့ သိရပါတယ်။
ဒီလိုတိုက်ပွဲတွေပြင်းထန်နေတာကြောင့် ပင်လောင်းမြို့နယ်အတွင်းက ဒေသခံပြည်သူ ၆၀၀၀ ကျော်နေရပ်စွန့်ခွာထွက်ပြေးနေရတယ်လို့ ဆိုပါတယ်။
မနေ့ကလည်းစစ်ကောင်စီက လက်နက်ကြီးတွေရမ်းသမ်း ပစ်ခတ်ခဲ့တာကြောင့် နမ့်နိန်းဘုန်းကြီးကျောင်းထဲ လက်နက်ကြီးကျည်ကျရောက်ပေါက်ကွဲခဲ့လို့ နမ့်နိန်းကျေးရွာသား ဦးအေးအားဆိုသူ ကျည်စထိမှန်သေဆုံးခဲ့ရပါတယ်။
MK-007
