မဲခေါင်၊ ဇန်နဝါရီ ၁၈
ဒီပဲယင်းမြို့နယ်မှာ ၂ လအတွင်း အိမ်ခြေ ၃,၅၀၀ ကျော်၊ ဘုန်းကြီးကျောင်း ၅ ကျောင်း အပါအဝင် ကျေးရွာ ၃၆ ရွာနဲ့ ရပ်ကွက် ၂ ခုကို စစ်တပ်က မီးရှို့ဖျက်ဆီး ခဲ့တယ်လို့ ဒီပဲယင်း ညီနောင်များအဖွဲ့မှ သိရပါတယ်။
စစ်ကိုင်းတိုင်း၊ ဒီပဲယင်းမြို့နယ်အတွင်း ဒီဇင်ဘာနဲ့ ဇန်နဝါရီလအတွင်း ကျေး ရွာ ၃၆ ရွာနဲ့ စိုင်ပြင်မြို့ရှိ ရပ်ကွက် ၂ ခု မီးရှို့ဖျက်ဆီး ခံရတယ်လို့ ဒီပဲယင်း မြို့နယ်ညီနောင်များအဖွဲ့က ထုတ်ပြန်ထားတာပါ။
စစ်တပ်က ပြည်သူ နေအိမ်ပေါင်း ၃,၅၁၁ အိမ်၊ ဈေးဆိုင်ခန်း ၂၄ ခန်း၊ ဆန်စက် ၃ လုံး၊ ဘုန်းကြီးကျောင်း ၅ ကျောင်း မီးရှို့ဖျက်ဆီးခဲ့တယ်လို့ သိရပါတယ်။
စစ်တပ်က ပျော်ဘွယ်ရွာမှာ ၂၃ အိမ်၊ မဲအိုးကျေးရွာမှာ ၈၄ အိမ်၊ ညောင်ကြီး ကုန်းရွာမှာ ၆၅ အိမ်၊ လက်ယက်ကုန်းရွာမှာ ၁၉၉ အိမ်၊ မူးခံတွင်းရွာမှာ ၁၆၆ အိမ်၊ ညောင်လှရွာမှာ ၂၀၃ အိမ်၊ ကံကုန်းရွာမှာ ၁၄ အိမ်၊ ဝဲကြီးရွာမှာ ၈၅ အိမ်၊ သပြေသာရွာမှာ ၂၅ အိမ်၊ ရုံးသာရွာမှာ ၃၁ အိမ်၊ နများရွာမှာ ၃၁၈ အိမ်၊ ယဉ်ကျေးရွာမှာ ၁၆ အိမ်၊ မူးရိုးကုန်းရွာမှာ ၉၈ အိမ်၊ ဘန့်ဘွေးရွာမှာ ၂၀ အိမ်၊ အင်ပင်ရွာမှာ ၂၅၀ အိမ်၊ ကုန်းတဲရွာမှာ ၇၅ အိမ်၊ ကုန်းကြီးရွာမှာ ၁၃ အိမ်၊ ပေါက်ရင်းရွာမှာ ၁၀ အိမ်၊ ချောင်းပေါက်ရွာမှာ ၃၂ အိမ်၊ အေးသာယာ -ပျံကျကျေးရွာမှာ နေအိမ် ၄၇၃ အိမ်၊ ကြည်ကျေးရွာမှာ နေအိမ် ၂၅၄အိမ်နဲ့ ဆန်စက်တစ်လုံး၊ ဘုရားထွက်ကျေးရွာမှာ နေအိမ် ၂၄၃ အိမ်၊ မန်ကျည်းအုပ်ရွာမှာ အိမ်ခြေ ၂၇ အိမ်၊ မန်ကျည်းစောက်ရွာမှာ အိမ်ခြေ ၉၄ အိမ်၊ မင်းတဲကုန်းရွာမှာ အိမ်ခြေ ၁၈၈ အိမ်၊ ကံပြားရွာမှာ တစ်အိမ်၊ သိမ်ဘာရွာမှာ ၄၈ အိမ်၊ ပန်းပုရွာမှာ ၁၇ အိမ်၊ ထောက်ရှာရွာမှာ တစ်အိမ်၊ ယင်းတွေ ကျေးရွာမှာ အိမ်ခြေ ၅၂ အိမ်၊ ဆပ်ပြာကျင်းကျေးရွာမှာ ၈၅ အိမ်၊ ဘုတ်ရွာမှာ ၁၈၀ အိမ်၊ ကုန်းရိုးကျေးရွာ ၆ အိမ်၊ ဝန်းရံကျေးရွာမှာ ၆ အိမ်၊ အင်တိုင်း လေးကျေးရွာမှာ ၃၆ အိမ်၊ ချောင်းနားကျေးရွာမှာ ၁၁ အိမ်၊ အင်းတန်းကျေး ရွာမှာ ၃၄ အိမ်၊ စိုင်ပြင်မြို့ အမှတ် (၃) နဲ့ အမှတ် (၅) ရက်ကွက်မှာ နေအိမ် ၂၈ အိမ်၊ ဆိုင်ခန်း ၂၄ ခန်း မီးရှို့ ဖျက်ဆီးခဲ့တာလို့ ဆိုပါတယ်။
စစ်တပ်က ပြည်သူတွေရဲ့ နေအိမ်တွေသာမက ညောင်လှရွာရှိ ကံဦးဘုန်းကြီးကျောင်း၊ ယဉ်ကျေးရွာရှိ ယဉ်ကျေးတောကျောင်း၊ မူးရိုးကုန်းရွာရှိ ရန်ကွင်းကြီးကျောင်း၊ ညောင်ကြီးကုန်းရွာရှိ ညောင်ကြီးကုန်းကျောင်း၊ ကံပြားရွာရှိ ဘုန်းကြီးကျောင်း တွေကိုလည်း မီးရှို့ ဖျက်ဆီးခဲ့တယ်လို့ သိရပါတယ်။
ပြီးခဲ့တဲ့ တစ်နှစ်လုံး စစ်ကိုင်းတိုင်းက ကျေးရွာတွေကို စစ်တပ်က မီးရှို့ဖျက်ဆီးခဲ့ပြီး လက်ရှိအချိန်အထိ ဒေသခံ ပြည်သူတွေ အနေနဲ့ နေအိမ်တွေ ပြန်လည် တည်ဆောက်နိုင်တာ မရှိဘဲ တောတောင်တွေထဲမှာ ထွက်ပြေးတိမ်းရှောင် နေရတာ ဖြစ်ပါတယ်။
၂၀၂၂ ခုနှစ် နှစ်ကုန်အထိ Data for Myanmar ရဲ့ ကောက်ယူခဲ့တဲ့ အချက်အလက်တွေအရ ဒီပဲယင်းမြို့နယ်မှာ အိမ်ခြေ ၄,၅၀၀ နီးပါး မီးရှို့ခံခဲ့ရပြီး မြန်မာ တစ်နိုင်ငံလုံးမှာ အများဆုံး မီးရှို့ခံခဲ့ရတာ ဖြစ်တယ်လို့ သိရပါတယ်။
MK-003
