မဲခေါင် ၊ နိုဝင်ဘာ ၁၉
တိုက်ပွဲဖြစ်ပွားနေတဲ့ ရှမ်းပြည်နယ်မြောက်ပိုင်းမှာ အရေးပေါ် လူသားချင်းစာနာထောက်ထားတဲ့ အကူအညီတွေပေးဖို့ ဖိတ်ခေါ်တယ်လို့ လူသားချင်းစာနာထောက်ထားမှုနဲ့ အရေးပေါ်ကူညီထောက်ပံ့ရေးကော်မတီ (ရှမ်းမြောက်)က ထုတ်ပြန်ပါတယ်။
စစ်ဘေးရှောင်ပြည်သူလူထုတွေကို ဘေးကင်းလုံခြုံတဲ့နေရာသို့ ပြောင်းရွှေ့နိုင်စေရေး၊ လိုအပ်တဲ့ စားနပ်ရိက္ခာများ၊ အမိုးအကာများ၊ အမျိုးသမီးအသုံးဆောင်ပစ္စည်းများ ကူညီပံ့ပိုးနိုင်ရေး နဲ့ လိုအပ်တဲ့ အခြေခံ ဆေးဝါးများ စီမံပံ့ပိုးနိုင်ရေးအတွက် အရေးပေါ်အကူအညီများစွာ လိုအပ်နေတယ်လို့ အဲ့ဒီကော်မတီက ဆိုပါတယ်။
ဒါကြောင့် အဲ့ဒီလိုအပ်နေတဲ့ အရေးပေါ်အကူအညီ နဲ့ အခြေခံလိုအပ်ချက်များအတွက် လူသားချင်းစာနာထောက်ထားမှု ဆိုင်ရာ အကူအညီများကို ပြည်တွင်း၊ ပြည်ပရှိ လူသားချင်းစာနာထောက်ထားတဲ့ စေတနာရှင်၊ အလှူရှင်များမှ တတ်နိုင်သမျှဝိုင်းဝန်း ကူညီဖေးမဆောင်ရွက်ပေးကြဖို့ကိုလည်းထုတ်ပြန်ချက်မှာဖော်ပြထားပါတယ်။
ဒါကြောင့် စစ်ဘေးရှောင်ပြည်သူများကို ကူညီချင်ရင် လူသားချင်းစာနာထောက်ထားမှုနဲ့ အရေးပေါ်ကူညီထောက်ပံ့ရေးကော်မတီ (ရှမ်းမြောက်) ရဲ့ Signal ဖုန်းနံပါတ်တွေဖြစ်တဲ့ +95 9 425 914 987 (Signal)၊ +95 9 258 880 523 (Signal) +95 9 442 888 100 တို့ကို ဆက်သွယ်ကူညီနိုင်ပါတယ်။
ရှမ်းပြည်နယ်မြောက်ပိုင်းမှာ လတ်တလော ဖြစ်ပွားနေတဲ့ စစ်ဘေးဒဏ်ကြောင့် ထွက်ပြေးတိမ်းရှောင် နေရတဲ့ ပြည်သူလူထုများရဲ့ အရေးပေါ်လိုအပ်ချက်များ ပံ့ပိုးကူညီလုပ်ဆောင်နိုင်ရန်အတွက် တအာင်း အရပ်ဖက်အဖွဲ့အစည်းများ၊ တအာင်းလူထုအခြေပြုအဖွဲ့အစည်းများ၊ တအာင်းသံဃာတော် များမှ စုပေါင်းကာ လူသားချင်းစာနာထောက်ထားမှုနဲ့ အရေးပေါ်ကူညီထောက်ပံ့ရေးကော်မတီ (ရှမ်းမြောက်) ကို ဦးဆောင်ကော်မတီဝင် (၂၁) ဦးနဲ့ နိုဝင်ဘာလ ၁၆ ရက်နေ့မှာ စတင်ဖွဲ့စည်းလိုက်တယ်လို့ အဲ့ဒီကော်မတီရဲ့ထုတ်ပြန်ချက်မှာဖော်ပြထားပါတယ်။
ရှမ်းပြည်နယ်မြောက်ပိုင်းမှာ ၂၀၂၃ ခုနှစ် အောက်တိုဘာလ ၂၇ ရက်နေ့မှ စတင်ပြီး နေရာဒေသ အနှံ့အပြားမှာ တိုင်းရင်းသားတော်လှန်ရေးအဖွဲ့အစည်းများနဲ့ စစ်ကောင်စီတပ်ဖွဲ့တို့အကြား နေ့စဉ်ရက်ဆက် ဖြစ်ပွားနေတဲ့ တိုက်ပွဲများကြောင့် စစ်ဘေးရှောင်ပြည်သူလူထုများ သောင်းချီအထိ နေ့စဉ်ဦးရေ တိုးပွားများလာနေပါတယ်။
CJ-002
#MeKongNews
#ရှမ်းမြောက်
#လူသားချင်းစာနာကူညီအဖွဲ့
