မြန်မာ့နွေဦး

စစ်အာဏာရှင် တိုက်ဖျက်ရေး အဆုံးထိပါဝင်မယ်လို့ နယ်ခြားစောင့်တပ် ကလလတ အဖွဲ့ ကြေညာ

မဲခေါင် 21 Jan - 2023
မဲခေါင်၊ ဇန်နဝါရီ ၂၁ စစ်ကောင်စီရဲ့ နယ်ခြားစောင့်တပ် တပိုင်းဖြစ်တဲ့ ကရင်နီပြည် လူမျိုးပေါင်းစုံ ပြည်သူ့လွတ်မြောက်ရေးတပ်ဦး-ကလလတ အနေနဲ့ စစ်အာဏာရှင်စနစ် တိုက်ဖျက်ရေးမှာ အဆုံးထိ ပါဝင်သွားမယ်လို့ ကရင်နီ တပ်မတော်-KA၊ ကရင်နီ အမျိုးသား ကာကွယ်ရေးတပ်-KNDF တို့နဲ့ အတူ မနေ့က ပူးတွဲ ကြေညာချက် ထုတ်ပြန်ခဲ့ပါတယ်။

မဲခေါင်၊ ဇန်နဝါရီ ၂၁

စစ်ကောင်စီရဲ့ နယ်ခြားစောင့်တပ် တပိုင်းဖြစ်တဲ့ ကရင်နီပြည် လူမျိုးပေါင်းစုံ ပြည်သူ့လွတ်မြောက်ရေးတပ်ဦး-ကလလတ အနေနဲ့ စစ်အာဏာရှင်စနစ် တိုက်ဖျက်ရေးမှာ အဆုံးထိ ပါဝင်သွားမယ်လို့ ကရင်နီ တပ်မတော်-KA၊ ကရင်နီ အမျိုးသား ကာကွယ်ရေးတပ်-KNDF တို့နဲ့ အတူ မနေ့က ပူးတွဲ ကြေညာချက် ထုတ်ပြန်ခဲ့ပါတယ်။

ဒီဇင်ဘာလ အတွင်းက ဘောလခဲမြို့နယ်၊ ရွာသစ်မြို့နယ်ခွဲ၊ ဟွေအောကျေးရွာ အနီးမှာ ပစ်ခတ်မှု ဖြစ်ပွားခဲ့တဲ့ ဖြစ်ရပ်နဲ့ ပတ်သက်ပြီး KNPLF -ကလလတ၊ KA နဲ့ KNDF အကြား အဖြစ်မှန် ပေါ်ပေါက်ရေး ကော်မတီဖွဲ့ပြီး ဆောင်ရွက်ခဲ့တဲ့ အပေါ် လူထုကို အသိပေး ရှင်းပြခဲ့တာပါ။

အဲဒီ ကြေညာချက်မှာ စစ်အာဏာရှင် စနစ်တိုက်ဖျက်ရေး ဆက်လက် ဆောင်ရွက်မယ့် အခြေအနေကို ဖော်ပြခဲ့တာ ဖြစ်ပါတယ်။

ဟွေအောရွာ ဖြစ်စဉ်မှာ KNDF/KA ရဲ့ တိုက်ခိုက်မှုကြောင့် စစ်ကောင်စီရဲ့ နယ်ခြားစောင့်တပ် တပိုင်း ဖြစ်တဲ့ KNPLF ရဲဘော် ၁၀ ဦးနဲ့ ကားသမား ၂ ဦး သေဆုံးခဲ့ပါတယ်။

ပစ်ခတ်မှုနဲ့ ပတ်သက်ပြီး သက်ဆိုင်ရာ အဖွဲ့အစည်းတွေရဲ့ အမြင့်ဆုံး အာဏာရှိ ထိပ်တန်းအဆင့် ခေါင်းဆောင်တွေရဲ့ ညွှန်ကြားချက်အရ သတင်းအချက်အလက် အမှန်အကန်ရရှိရေး၊ စိစစ်မှတ်တမ်း ရယူတာနဲ့ အဖြစ်မှန် ပေါ်ပေါက်ရေးတို့ အတွက် ကော်မတီ ဖွဲ့စည်း ဆောင်ရွက်ခဲ့ရာမှာ တစ်လကျော်အတွင်း ပြီးစီး အောင်မြင်ခဲ့ပြီး သက်ဆိုင်ရာ အဖွဲ့အစည်း အသီးသီးရဲ့ ထိပ်သီး ခေါင်းဆောင်တွေထံ အစီရင်ခံ ပေးပို့ခဲ့ပြီး ဖြစ်တယ်လို့ ထုတ်ပြန်ထားပါတယ်။

အဲဒီ ဖြစ်ရပ်ကြောင့် ညီညွတ်ရေးကို မထိခိုက်စေဘဲ ဆက်လက် ထိန်းသိမ်းထားနိုင်ရေး၊ စစ်အာဏာရှင် တော်လှန်ရေး အရှိန်မြှင့်တင်နိုင်ရေးနဲ့ ပြည်သူလူထုရဲ့ ထောက်ခံ ယိုင်းပင်းမှု မကျဆင်းစေရေးတို့ အတွက် ဖြစ်စဉ်မှာ ပါဝင်ပတ်သက်တဲ့ တပ်ဖွဲ့ဝင်တွေကို သက်ဆိုင်ရာ အဖွဲ့အစည်း အသီးသီးမှ ချမှတ်ထားတဲ့ စစ်စည်းမျဉ်း ဥပဒြေ ပဌာန်းချက်နဲ့အညီ အပြစ်ပေး အရေးယူမှုတွေ အချိန်နဲ့ တပြေးညီ ဆောင်ရွက်မယ်လို့လည်း အသိပေးထားပါတယ်။

ဒါကြောင့် ပြည်သူတွေ အနေနဲ့ စိုးရိမ်မှုတွေ မဖြစ်ကြဖို့၊ ကောလဟလတွေကို မယုံကြဖို့၊ သွေးခွဲသပ်လျိုမှု တွေကို တော်လှန်ရေး အသိနဲ့ အထူးသတိထားကြဖို့၊ ပြည်သူ တစ်ရပ်လုံး အနေနဲ့ တော်လှန်ရေးကို ဆက်လက် ထောက်ခံ အားပေး ကူညီကြဖို့လည်း တိုက်တွန်းထားပါတယ်။

ဒါ့အပြင် လက်နက်ကိုင် တော်လှန်ရေး အင်အားစုတွေ အနေနဲ့ ပြည်သူတွေနဲ့အတူ စစ်အာဏာရှင်စနစ် တိုက်ဖျက်ရေးကို အတူတကွ အဆုံးထိ ဆက်လက်ပါဝင် သွားကြမယ်လို့လည်း KA၊ KNDF နဲ့ KNPLF တို့က ပူးတွဲသဘောထား ထုတ်ပြန်ထားပါတယ်။

MK-003

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)

Mekong News

Mekong News

About Author

မဲခေါင်သတင်းဌာနမှ အကြီးတန်းတာဝန်ခံ အွန်လိုင်းအယ်ဒီတာတစ်ယောက် ဖြစ်သည်။ သတင်းမီဒီယာကျင့်ဝတ်၊ လူသားကျင့်ဝတ်တို့ကို လိုက်နာပြီး သတင်းများကို တင်ဆက်သွားမည် ဖြစ်သည်။

Related News

မြန်မာ့နွေဦး

စစ်ကောင်စီခန့်ရှမ်းပြည်နယ်စစ်ဝန်ကြီးချုပ် (သို့) မိုဆိုလူသတ်သမား

အာဏာသိမ်း ၂ နှစ်ပြည့်နေ့ ဖေဖော်ဝါရီလ ၁ ရက်နေ့မှာ စစ်ခေါင်းဆောင် မင်းအောင်လှိုင်က ရှမ်းပြည်နယ်နဲ့ ကရင်နီပြည်ကို တာဝန်ယူ ကိုင်တွယ်ခဲ့တဲ့
မြန်မာ့နွေဦး

ဖက်ဒရယ်နဲ့ ဒီမိုကရေစီလိုလားတဲ့ အင်အားစုတွေနဲ့လက်တွဲဖို့ SSPP ဆုံးဖြတ်

မဲခေါင်၊ ဖေဖော်ဝါရီ ၃ ဖက်ဒရယ်နဲ့ ဒီမိုကရေစီ လိုလားတဲ့ အင်အားစုတွေနဲ့ လက်တွဲသွားမယ်လို့ ရှမ်းတော်လှန်ရေး အင်အားစု ဖြစ်တဲ့ ရှမ်းပြည်တိုးတက်ရေးပါတီ-SSPP
မြန်မာ့နွေဦး

ဟုမ္မလင်းမှာ ရဟတ်ယာဉ်တစ်စီးကို PDF ပစ်ချ

မဲခေါင်၊ ဖေဖော်ဝါရီ ၃ စစ်ကိုင်းတိုင်း၊ ဟုမ္မလင်းမြို့နယ်၊ ရွှေပြည်အေးမြို့သစ်အနီးမှာ ဖြစ်ပွားခဲ့တဲ့ တိုက်ပွဲအတွင်း စစ်တပ်ရဲ့ ရဟတ်ယာဉ်တစ်စီးကို ပြည်သူ့ကာကွယ်ရေးတပ်တွေက ပစ်ချနိုင်ခဲ့တယ်လို့ NUG က ဒီကနေ့ ထုတ်ပြန်ပါတယ်။
မြန်မာ့နွေဦး

မန္တလေးမြို့တော်ဝန် ဒေါက်တာရဲလွင်ကို စစ်ကောင်စီက ထောင်ဒဏ် ၂ နှစ်ထပ်ချ

မဲခေါင်၊ ဖေဖော်ဝါရီ ၃ မန္တလေးမြို့တော်ဝန် ဒေါက်တာရဲလွင်ကို နိုင်ငံဘဏ္ဍာငွေ အလွဲသုံးမှုနဲ့ စစ်ကောင်စီက ဒီကနေ့ ထောင်ဒဏ် ၂ နှစ် ထပ်ချလိုက်တယ်လို့ နီးစပ်တဲ့ အသိုင်းအဝိုင်းမှ သိရပါတယ်။
မြန်မာ့နွေဦး

Spring Bliss နွေဦးစံရိပ်မွန် အိမ်ရာတွေ စတင်ရောင်းချပေးတော့မယ်

မဲခေါင်၊ ဖေဖော်ဝါရီ ၃ Spring Bliss 1-2-3 (နွေဦးစံရိပ်မွန် ၁၊၂၊၃ အိမ်ရာတွေကို ဖေဖေါ်ဝါရီလ ၁၁ ရက်နေ့က စတင် ရောင်းချပေးသွားမှာဖြစ်တယ်လို့ သိရပါတယ်။
မြန်မာ့နွေဦး

NUG ယာယီသမ္မတရဲ့ လူမှုကွန်ရက်စာမျက်နှာ တိုက်ခိုက်ခံရ

မဲခေါင်၊ ဖေဖော်ဝါရီ ၃ အမျိုးသား ညီညွတ်ရေး အစိုးရ၊ ယာယီ သမ္မတဒူဝါလရှီးလ ရဲ့ လူမှုကွန်ရက်-Facebook စာမျက်နှာ တိုက်ခိုက်ခံခဲ့ရတယ်လို့ သမ္မတရုံးက ထုတ်ပြန်ပါတယ်။
မြန်မာ့နွေဦး

ကောလင်းမှာ စစ်တပ်စစ်ကြောင်းထိုးမှုကြောင့် ကျေးရွာ ၃၈ ရွာမှ ပြည်သူ ၄၀,၀၀၀ နီးပါး စစ်ဘေးရှောင်နေရပြီး ကျည်ထိမှန်ကာ ပြည်သူတစ်ဦး သေဆုံး

မဲခေါင်၊ ဖေဖော်ဝါရီ ၃ စစ်ကိုင်းတိုင်း၊ ကောလင်းမြို့နယ်မှာ စစ်ကောင်စီ စစ်ကြောင်းထိုး ဝင်ရောက်မှုကြောင့် ကျေးရွာ ၃၈ ရွာမှ ဒေသခံ ပြည်သူ ၄၀,၀၀၀ နီးပါး စစ်ဘေးရှောင်နေရပြီး ကျည်ထိမှန်ကာ ပြည်သူ တစ်ဦး သေဆုံးခဲ့တယ်လို့
မြန်မာ့နွေဦး

စစ်တပ်က ရှေ့တန်းတပ်စခန်းသို့ လေကြာင်းက ရိက္ခာပို့စဉ် တိုက်လေယာဉ်‌တွေနဲ့ ဗုံးသီးကြဲချ

မဲခေါင်၊ ဖေဖော်ဝါရီ ၃ ကရင်ပြည်နယ်၊ တပ်မဟာ (၅) နယ်မြေရှိ စစ်ကောင်စီ ရှေ့တန်းတပ်စခန်းဖြစ်တဲ့ ကဟီးကျိုးစခန်းကို ကုန်းကြောင်းနဲ့ စားနပ်ရိက္ခာ သယ်ယူပို့ဆောင်မှု မပြုနိုင်တော့လို့ လေကြောင်းအသုံးပြုကာ စားနပ်ရိက္ခာတွေ လာရောက်ပို့ဆောင်စဉ် တိုက်လေယာဉ်‌တွေနဲ့ ဗုံးသီးကြဲချခဲ့တယ်လို့ သိရပါတယ်။