မြန်မာ့နွေဦး

စစ်တပ်အာဏာသိမ်းပြီးနောက် အင်းလေးကန် ထိန်းသိမ်းသူ မရှိတော့

မဲခေါင် 20 Jan - 2023
မဲခေါင်၊ ဇန်နဝါရီ ၂၀ စစ်တပ်က နိုင်ငံတော် အာဏာကို မတရား သိမ်းယူပြီးနောက် ရှမ်းပြည်နယ် တောင်ပိုင်းရဲ့ အထင်ကရ တစ်ခု ဖြစ်တဲ့ ညောင်ရွှေမြို့နယ်ရှိ အင်းလေးကန် ထိန်းသိမ်းရေး လုပ်ငန်းတွေ အားနည်းလာပြီး လုပ်ကိုင်သူ မရှိတော့တဲ့ အခြေအနေ ဖြစ်နေတယ်လို့ သဘာဝ ပတ်ဝန်းကျင် ထိန်းသိမ်းရေး အဖွဲ့တွေထံက သိရပါတယ်။

မဲခေါင်၊ ဇန်နဝါရီ ၂၀

စစ်တပ်က နိုင်ငံတော် အာဏာကို မတရား သိမ်းယူပြီးနောက် ရှမ်းပြည်နယ် တောင်ပိုင်းရဲ့ အထင်ကရ တစ်ခု ဖြစ်တဲ့ ညောင်ရွှေမြို့နယ်ရှိ အင်းလေးကန် ထိန်းသိမ်းရေး လုပ်ငန်းတွေ အားနည်းလာပြီး လုပ်ကိုင်သူ မရှိတော့တဲ့ အခြေအနေ ဖြစ်နေတယ်လို့ သဘာဝ ပတ်ဝန်းကျင် ထိန်းသိမ်းရေး အဖွဲ့တွေထံက သိရပါတယ်။

ကမ္ဘာကျော် အင်းလေးကန်ကို အရင် အစိုးရ လက်ထက်က နှစ်စဉ် ဒါမှမဟုတ် လစဉ် ဗေဒါနဲ့ တိုးချဲ့ရေခြံတွေ ရှင်းလင်းဖယ်ရှားတာ၊ နွေရာသီ ကာလမှာ နှုန်းဆယ်ယူတာတွေ လုပ်ခဲ့ပေမယ့် စစ်တပ်ကတော့ ဘာမှ မလုပ်တော့ဘဲ မျက်ကွယ်ပြုထားတယ်လို့ ဆိုပါတယ်။

“ နှုန်းဆယ်စက်တွေဆို သိန်းပေါင်း သောင်းနဲ့ချီပြီး အကုန်ခံ ဝယ်ထားတာ။ အခုလို ဘာမှမလုပ်တော့ နှမျောစရာတွေ ဖြစ်ကုန်တာပေါ့။ ဒီတိုင်းသာ ဆက်သွားမယ်ဆို အင်းလေးကန်က တဖြည်းဖြည်း စိုးရိမ်စရာ ကောင်းလာပြီ။ ဗေဒါတွေဆိုလည်း လုံးဝမှ မဆယ်တော့တာ” လို့ အင်းလေး အခြေစိုက် သဘာဝ ပတ်ဝန်းကျင် ထိန်းသိမ်းရေး အဖွဲ့ဝင် တစ်ဦးက ပြောပါတယ်။

NLD အစိုးရ လက်ထက်က ဗေဒါနဲ့ တိုးချဲ့ရေခြံတွေ ရှင်းလင်း ဖယ်ရှားတာ၊ နွေရာသီ ကာလမှာ နှုန်းဆယ်ယူ တာတွေကို အစိုးရ ရန်ပုံငွေ၊ ဘဏ္ဍာငွေ အပြင် အလှူရှင်တွေ ဝိုင်းဝန်း လှူဒါန်းတာတွေနဲ့ ဒေသတွင်း အရပ်ဘက် အဖွဲ့အစည်းတွေ၊ ဒေသခံတွေ ပူးပေါင်း လုပ်ဆောင်ခဲ့တာ ဖြစ်တယ်လို့ သိရပါတယ်။

လက်ရှိမှာတော့ အရပ်ဘက် အဖွဲ့အစည်း‌တွေနဲ့ ဒေသခံတွေက စစ်ကောင်စီနဲ့ ပူးပေါင်း လုပ်ဆောင်လိုမှု မရှိတဲ့ အပြင် စစ်ကောင်စီကလည်း ဒေသဖွံ့ဖြိုးရေး၊ သဘာဝ ပတ်ဝန်းကျင် ထိန်းသိမ်းရေးထက် အာဏာသိမ်းမှု ဆန့်ကျင်သူတွေကို ဖမ်းဆီး သတ်ဖြတ်ဖို့သာ စိတ်ဝင်စားတာကြောင့် အင်းလေးကန် အခြေအနေဟာ စိုးရိမ်စရာ ကောင်းလာနေတာ ဖြစ်တယ်လို့ ဒေသခံတွေက ပြောပါတယ်။

အင်းလေးကန်မှာ အရင်က ဗေဒါပင်တွေ အနည်းငယ်သာ ရှိခဲ့ပေမယ့် လွန်ခဲ့တဲ့ နှစ် ၃၀ ခန့်မှ စတင်ပြီး တဖြည်းဖြည်း တိုးပွားလာတာကြောင့် NLD အစိုးရ လက်ထက်မှာ နှစ်စဉ် ဖယ်ရှား ရှင်းလင်းတာတွေ ပြုလုပ်ခဲ့ရတယ်လို့လည်း သိရပါတယ်။

MK-008

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)

Mekong News

Mekong News

About Author

မဲခေါင်သတင်းဌာနမှ အကြီးတန်းတာဝန်ခံ အွန်လိုင်းအယ်ဒီတာတစ်ယောက် ဖြစ်သည်။ သတင်းမီဒီယာကျင့်ဝတ်၊ လူသားကျင့်ဝတ်တို့ကို လိုက်နာပြီး သတင်းများကို တင်ဆက်သွားမည် ဖြစ်သည်။

Related News

မြန်မာ့နွေဦး

စစ်ကောင်စီခန့်ရှမ်းပြည်နယ်စစ်ဝန်ကြီးချုပ် (သို့) မိုဆိုလူသတ်သမား

အာဏာသိမ်း ၂ နှစ်ပြည့်နေ့ ဖေဖော်ဝါရီလ ၁ ရက်နေ့မှာ စစ်ခေါင်းဆောင် မင်းအောင်လှိုင်က ရှမ်းပြည်နယ်နဲ့ ကရင်နီပြည်ကို တာဝန်ယူ ကိုင်တွယ်ခဲ့တဲ့
မြန်မာ့နွေဦး

ဖက်ဒရယ်နဲ့ ဒီမိုကရေစီလိုလားတဲ့ အင်အားစုတွေနဲ့လက်တွဲဖို့ SSPP ဆုံးဖြတ်

မဲခေါင်၊ ဖေဖော်ဝါရီ ၃ ဖက်ဒရယ်နဲ့ ဒီမိုကရေစီ လိုလားတဲ့ အင်အားစုတွေနဲ့ လက်တွဲသွားမယ်လို့ ရှမ်းတော်လှန်ရေး အင်အားစု ဖြစ်တဲ့ ရှမ်းပြည်တိုးတက်ရေးပါတီ-SSPP
မြန်မာ့နွေဦး

ဟုမ္မလင်းမှာ ရဟတ်ယာဉ်တစ်စီးကို PDF ပစ်ချ

မဲခေါင်၊ ဖေဖော်ဝါရီ ၃ စစ်ကိုင်းတိုင်း၊ ဟုမ္မလင်းမြို့နယ်၊ ရွှေပြည်အေးမြို့သစ်အနီးမှာ ဖြစ်ပွားခဲ့တဲ့ တိုက်ပွဲအတွင်း စစ်တပ်ရဲ့ ရဟတ်ယာဉ်တစ်စီးကို ပြည်သူ့ကာကွယ်ရေးတပ်တွေက ပစ်ချနိုင်ခဲ့တယ်လို့ NUG က ဒီကနေ့ ထုတ်ပြန်ပါတယ်။
မြန်မာ့နွေဦး

မန္တလေးမြို့တော်ဝန် ဒေါက်တာရဲလွင်ကို စစ်ကောင်စီက ထောင်ဒဏ် ၂ နှစ်ထပ်ချ

မဲခေါင်၊ ဖေဖော်ဝါရီ ၃ မန္တလေးမြို့တော်ဝန် ဒေါက်တာရဲလွင်ကို နိုင်ငံဘဏ္ဍာငွေ အလွဲသုံးမှုနဲ့ စစ်ကောင်စီက ဒီကနေ့ ထောင်ဒဏ် ၂ နှစ် ထပ်ချလိုက်တယ်လို့ နီးစပ်တဲ့ အသိုင်းအဝိုင်းမှ သိရပါတယ်။
မြန်မာ့နွေဦး

Spring Bliss နွေဦးစံရိပ်မွန် အိမ်ရာတွေ စတင်ရောင်းချပေးတော့မယ်

မဲခေါင်၊ ဖေဖော်ဝါရီ ၃ Spring Bliss 1-2-3 (နွေဦးစံရိပ်မွန် ၁၊၂၊၃ အိမ်ရာတွေကို ဖေဖေါ်ဝါရီလ ၁၁ ရက်နေ့က စတင် ရောင်းချပေးသွားမှာဖြစ်တယ်လို့ သိရပါတယ်။
မြန်မာ့နွေဦး

NUG ယာယီသမ္မတရဲ့ လူမှုကွန်ရက်စာမျက်နှာ တိုက်ခိုက်ခံရ

မဲခေါင်၊ ဖေဖော်ဝါရီ ၃ အမျိုးသား ညီညွတ်ရေး အစိုးရ၊ ယာယီ သမ္မတဒူဝါလရှီးလ ရဲ့ လူမှုကွန်ရက်-Facebook စာမျက်နှာ တိုက်ခိုက်ခံခဲ့ရတယ်လို့ သမ္မတရုံးက ထုတ်ပြန်ပါတယ်။
မြန်မာ့နွေဦး

ကောလင်းမှာ စစ်တပ်စစ်ကြောင်းထိုးမှုကြောင့် ကျေးရွာ ၃၈ ရွာမှ ပြည်သူ ၄၀,၀၀၀ နီးပါး စစ်ဘေးရှောင်နေရပြီး ကျည်ထိမှန်ကာ ပြည်သူတစ်ဦး သေဆုံး

မဲခေါင်၊ ဖေဖော်ဝါရီ ၃ စစ်ကိုင်းတိုင်း၊ ကောလင်းမြို့နယ်မှာ စစ်ကောင်စီ စစ်ကြောင်းထိုး ဝင်ရောက်မှုကြောင့် ကျေးရွာ ၃၈ ရွာမှ ဒေသခံ ပြည်သူ ၄၀,၀၀၀ နီးပါး စစ်ဘေးရှောင်နေရပြီး ကျည်ထိမှန်ကာ ပြည်သူ တစ်ဦး သေဆုံးခဲ့တယ်လို့
မြန်မာ့နွေဦး

စစ်တပ်က ရှေ့တန်းတပ်စခန်းသို့ လေကြာင်းက ရိက္ခာပို့စဉ် တိုက်လေယာဉ်‌တွေနဲ့ ဗုံးသီးကြဲချ

မဲခေါင်၊ ဖေဖော်ဝါရီ ၃ ကရင်ပြည်နယ်၊ တပ်မဟာ (၅) နယ်မြေရှိ စစ်ကောင်စီ ရှေ့တန်းတပ်စခန်းဖြစ်တဲ့ ကဟီးကျိုးစခန်းကို ကုန်းကြောင်းနဲ့ စားနပ်ရိက္ခာ သယ်ယူပို့ဆောင်မှု မပြုနိုင်တော့လို့ လေကြောင်းအသုံးပြုကာ စားနပ်ရိက္ခာတွေ လာရောက်ပို့ဆောင်စဉ် တိုက်လေယာဉ်‌တွေနဲ့ ဗုံးသီးကြဲချခဲ့တယ်လို့ သိရပါတယ်။