မြန်မာ့နွေဦး

စစ်တပ်က ဖမ်းဆီးထားတဲ့ မန္တလေး သံဃသမဂ္ဂက ဆရာတော် ၂ ပါး အဆက်အသွယ်ပြတ်နေ

မဲခေါင် 20 Jan - 2023
မဲခေါင်၊ ဇန်နဝါရီ ၂၀ မန္တလေးမြို့မှာ စစ်ကောင်စီက ဖမ်းဆီးသွားတဲ့ သံဃသမဂ္ဂ-မန္တလေး ဦးဆောင် ဆရာတော် ၂ ပါးရဲ့ သတင်း မကြားရတော့ဘဲ အဆက်အသွယ် ပြတ်နေတယ်လို့ သံဃသမဂ္ဂ (မန္တလေး) က မ‌နေ့က ထုတ်ပြန်ပါတယ်။

မဲခေါင်၊ ဇန်နဝါရီ ၂၀

မန္တလေးမြို့မှာ စစ်ကောင်စီက ဖမ်းဆီးသွားတဲ့ သံဃသမဂ္ဂ-မန္တလေး ဦးဆောင် ဆရာတော် ၂ ပါးရဲ့ သတင်း မကြားရတော့ဘဲ အဆက်အသွယ် ပြတ်နေတယ်လို့ သံဃသမဂ္ဂ (မန္တလေး) က မ‌နေ့က ထုတ်ပြန်ပါတယ်။

ဆရာတော် ၂ ပါး ဖမ်းဆီးခံရချိန်မှာစပြီး ဒီကနေ့အထိ ဘာသတင်း စကားမှ လုံးဝ မကြားသိရဘဲ အသက်အန္တရာယ် စိုးရိမ်တဲ့ အကြောင်း သံဃသမဂ္ဂ (မန္တလေး) က ထုတ်ပြန်ထားတာပါ။

ဖမ်းဆီးခံ ဆရာတော်တွေထဲက သံဃသမဂ္ဂ (မန္တလေး) ဦးဆောင် ဆရာတော် အရှင်စန္ဒိမာ ကတော့ ပြီးခဲ့တဲ့နှစ် ဖေဖော်ဝါရီလ ကတည်းက မြို့တွင်း တနေရာမှာ ဖမ်းဆီးခံရပြီး အဆက်သွယ်ပြတ်နေတာ ၁၀ လခန့်ရှိပြီးလို့ သိရပါတယ်။

အလားတူ သံဃသမဂ္ဂ (မန္တလေး) အဖွဲ့က အရှင်အာစာရ ကိုလည်း ကုသိုလ်တော်ဘုရား အနီးမှာ စစ်ကောင်စီတပ်တွေက ဒီလ ၃ ရက်နေ့ က ဖမ်းဆီးခဲ့တာလို့ သိရပါတယ်။

စစ်တပ်က ဖမ်းဆီး ခေါ်ဆောင်သွားတဲ့ အချိန်အထိ အရှင်စန္ဒိမာနဲ့ အရှင်အာစာရ ၂ ပါးစလုံး ကျန်းမာရေး အထူး ကောင်းမွန်လျက်ရှိပြီး ဒဏ်ရာ အနာတရ ကင်းစင်သူတွေ ဖြစ်တယ်လို့ သံဃသမဂ္ဂ (မန္တလေး) က အသိပေးထားပါတယ်။

အဲဒီဆရာတော် ၂ ပါးရဲ့ အန္တရာယ် တစုံတရာ ဖြစ်ပေါ်ခဲ့ပါက မတရားသဖြင့် ဖမ်းဆီးခဲ့တဲ့ စစ်တပ်ရဲ့ တာဝန်သာ ဖြစ်တယ်လို့ သံဃသမဂ္ဂ(မန္တလေး) က ထုတ်ပြန်ထားပါတယ်။

မန္တလေးမြို့မှာ စစ်အုပ်စုက အာဏသိမ်းမှု ဆန့်ကျင်သူတွေကို မတရား ဖမ်းဆီးပြီး နန်းတွင်း စစ်ကြောရေးကို အရင်ဆုံး ပို့ဆောင်လေ့ ရှိတယ်လို့ သိရပါတယ်။

စစ်အာဏာသိမ်းပြီး ကတည်းက သပိတ်လှုပ်ရှားမှုတွေ အားကောင်းခဲ့တဲ့ မန္တလေးမြို့မှာတော့ သပိတ် စစ်ကြောင်းတွေကို ကားတိုက်ဖြိုခွင်းတာ၊ သံဃာ‌တော်တွေကို လူဝတ်လဲ ဖမ်းဆီးတာတွေနဲ့ သပိတ်မှာ ပါဝင်တဲ့ လူငယ်တွေကို ဖမ်းဆီးတာတွေကို စစ်တပ်က ဆက်တိုက် ဆိုသလို လုပ်ခဲ့ပါတယ်။

သံဃာသမဂ္ဂ (မန္တလေး) က ဦးဆောင် ဆရာတော်တွေလည်း မကြာခဏ အဖမ်းခံရလေ့ရှိပြီး စစ်တပ်ဘက်က နှိပ်စက်တာတွေ ရှိခဲ့တယ်လို့လည်း သိရပါတယ်။

MK-003

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)

Mekong News

Mekong News

About Author

မဲခေါင်သတင်းဌာနမှ အကြီးတန်းတာဝန်ခံ အွန်လိုင်းအယ်ဒီတာတစ်ယောက် ဖြစ်သည်။ သတင်းမီဒီယာကျင့်ဝတ်၊ လူသားကျင့်ဝတ်တို့ကို လိုက်နာပြီး သတင်းများကို တင်ဆက်သွားမည် ဖြစ်သည်။

Related News

မြန်မာ့နွေဦး

စစ်ကောင်စီခန့်ရှမ်းပြည်နယ်စစ်ဝန်ကြီးချုပ် (သို့) မိုဆိုလူသတ်သမား

အာဏာသိမ်း ၂ နှစ်ပြည့်နေ့ ဖေဖော်ဝါရီလ ၁ ရက်နေ့မှာ စစ်ခေါင်းဆောင် မင်းအောင်လှိုင်က ရှမ်းပြည်နယ်နဲ့ ကရင်နီပြည်ကို တာဝန်ယူ ကိုင်တွယ်ခဲ့တဲ့
မြန်မာ့နွေဦး

ဖက်ဒရယ်နဲ့ ဒီမိုကရေစီလိုလားတဲ့ အင်အားစုတွေနဲ့လက်တွဲဖို့ SSPP ဆုံးဖြတ်

မဲခေါင်၊ ဖေဖော်ဝါရီ ၃ ဖက်ဒရယ်နဲ့ ဒီမိုကရေစီ လိုလားတဲ့ အင်အားစုတွေနဲ့ လက်တွဲသွားမယ်လို့ ရှမ်းတော်လှန်ရေး အင်အားစု ဖြစ်တဲ့ ရှမ်းပြည်တိုးတက်ရေးပါတီ-SSPP
မြန်မာ့နွေဦး

ဟုမ္မလင်းမှာ ရဟတ်ယာဉ်တစ်စီးကို PDF ပစ်ချ

မဲခေါင်၊ ဖေဖော်ဝါရီ ၃ စစ်ကိုင်းတိုင်း၊ ဟုမ္မလင်းမြို့နယ်၊ ရွှေပြည်အေးမြို့သစ်အနီးမှာ ဖြစ်ပွားခဲ့တဲ့ တိုက်ပွဲအတွင်း စစ်တပ်ရဲ့ ရဟတ်ယာဉ်တစ်စီးကို ပြည်သူ့ကာကွယ်ရေးတပ်တွေက ပစ်ချနိုင်ခဲ့တယ်လို့ NUG က ဒီကနေ့ ထုတ်ပြန်ပါတယ်။
မြန်မာ့နွေဦး

မန္တလေးမြို့တော်ဝန် ဒေါက်တာရဲလွင်ကို စစ်ကောင်စီက ထောင်ဒဏ် ၂ နှစ်ထပ်ချ

မဲခေါင်၊ ဖေဖော်ဝါရီ ၃ မန္တလေးမြို့တော်ဝန် ဒေါက်တာရဲလွင်ကို နိုင်ငံဘဏ္ဍာငွေ အလွဲသုံးမှုနဲ့ စစ်ကောင်စီက ဒီကနေ့ ထောင်ဒဏ် ၂ နှစ် ထပ်ချလိုက်တယ်လို့ နီးစပ်တဲ့ အသိုင်းအဝိုင်းမှ သိရပါတယ်။
မြန်မာ့နွေဦး

Spring Bliss နွေဦးစံရိပ်မွန် အိမ်ရာတွေ စတင်ရောင်းချပေးတော့မယ်

မဲခေါင်၊ ဖေဖော်ဝါရီ ၃ Spring Bliss 1-2-3 (နွေဦးစံရိပ်မွန် ၁၊၂၊၃ အိမ်ရာတွေကို ဖေဖေါ်ဝါရီလ ၁၁ ရက်နေ့က စတင် ရောင်းချပေးသွားမှာဖြစ်တယ်လို့ သိရပါတယ်။
မြန်မာ့နွေဦး

NUG ယာယီသမ္မတရဲ့ လူမှုကွန်ရက်စာမျက်နှာ တိုက်ခိုက်ခံရ

မဲခေါင်၊ ဖေဖော်ဝါရီ ၃ အမျိုးသား ညီညွတ်ရေး အစိုးရ၊ ယာယီ သမ္မတဒူဝါလရှီးလ ရဲ့ လူမှုကွန်ရက်-Facebook စာမျက်နှာ တိုက်ခိုက်ခံခဲ့ရတယ်လို့ သမ္မတရုံးက ထုတ်ပြန်ပါတယ်။
မြန်မာ့နွေဦး

ကောလင်းမှာ စစ်တပ်စစ်ကြောင်းထိုးမှုကြောင့် ကျေးရွာ ၃၈ ရွာမှ ပြည်သူ ၄၀,၀၀၀ နီးပါး စစ်ဘေးရှောင်နေရပြီး ကျည်ထိမှန်ကာ ပြည်သူတစ်ဦး သေဆုံး

မဲခေါင်၊ ဖေဖော်ဝါရီ ၃ စစ်ကိုင်းတိုင်း၊ ကောလင်းမြို့နယ်မှာ စစ်ကောင်စီ စစ်ကြောင်းထိုး ဝင်ရောက်မှုကြောင့် ကျေးရွာ ၃၈ ရွာမှ ဒေသခံ ပြည်သူ ၄၀,၀၀၀ နီးပါး စစ်ဘေးရှောင်နေရပြီး ကျည်ထိမှန်ကာ ပြည်သူ တစ်ဦး သေဆုံးခဲ့တယ်လို့
မြန်မာ့နွေဦး

စစ်တပ်က ရှေ့တန်းတပ်စခန်းသို့ လေကြာင်းက ရိက္ခာပို့စဉ် တိုက်လေယာဉ်‌တွေနဲ့ ဗုံးသီးကြဲချ

မဲခေါင်၊ ဖေဖော်ဝါရီ ၃ ကရင်ပြည်နယ်၊ တပ်မဟာ (၅) နယ်မြေရှိ စစ်ကောင်စီ ရှေ့တန်းတပ်စခန်းဖြစ်တဲ့ ကဟီးကျိုးစခန်းကို ကုန်းကြောင်းနဲ့ စားနပ်ရိက္ခာ သယ်ယူပို့ဆောင်မှု မပြုနိုင်တော့လို့ လေကြောင်းအသုံးပြုကာ စားနပ်ရိက္ခာတွေ လာရောက်ပို့ဆောင်စဉ် တိုက်လေယာဉ်‌တွေနဲ့ ဗုံးသီးကြဲချခဲ့တယ်လို့ သိရပါတယ်။