မြန်မာ့နွေဦး

စစ်ကောင်စီ ကျင်းပမယ့် ရွေးကောက်ပွဲမှာ တာဝန်ထမ်းဆောင်ရမှာကို ပညာရေးဝန်ထမ်းတွေ စိုးရိမ်

မဲခေါင် 5 Jan - 2023
အာဏာသိမ်း စစ်တပ်ဟာ ဒီနှစ် ၂၀၂၃ မှာ ရွေးကောက်ပွဲ ကျင်းပမယ်လို့ ပြောထားပြီး အဲဒီ အတွက် ပြင်ဆင် မှုတွေကို ဆက်တိုက် လုပ်နေတာကြောင့် ရွေးကောက်ပွဲ တာဝန်တွေ ထမ်းဆောင်ရမှာကို ပညာရေး ဝန်ထမ်းတွေ ကြားမှာ စိုးရိမ်မှုတွေ ရှိနေတယ်လို့ ပညာရေး အသိုင်းဝိုင်းမှ သိရပါတယ်။

၂၀၂၀ ရွေးကောက်ပွဲမှာ ပညာရေး ဝန်ထမ်း ဆရာ၊ ဆရာမ တွေဟာ မဲရုံမှူး၊ မဲရုံနဲ့ ကြိုတင်မဲ စတဲ့ ရွေးကောက်ပွဲ တာဝန်တွေကို ရိုးသား ဖြောင့်မတ်စွာ ထမ်းဆောင်ခဲ့ပေမယ့် အာဏာသိမ်း စစ်ကောင်စီကတော့ ပညာရေး ဝန်ထမ်းတွေဟာ ရိုးသားမှု မရှိဘူးလို့ စွပ်စွဲခဲ့ပြီး ဖမ်းဆီး အရေးယူခဲ့တဲ့ ဖြစ်စဉ်တွေလည်း ရှိခဲ့ပါတယ်။

ကျွန်မတို့က Non CDM တွေပါ။ မတတ်သာလို့ လုပ်ငန်းခွင် ပြန်ဝင်လိုက်ရတယ်။ အခုဆို ပညာရေး ဝန်ထမ်းတွေကို မဲရုံးမှူး သင်တန်း ပေးနေတာတွေရှိတယ်။ စားဝတ်နေရေး အတွက် တာဝန်ထမ်းဆောင် နေရသော်လည်း ရွေးကောက်ပွဲ သွားစောင့်ရမှာ ဆိုတော့ မလွဲမရှောင် အသက်အန္တရာယ် လုံခြုံရေး စိုးရိမ်မှု တွေရှိလာပြီ 

လို့ Non CDM ဆရာမတစ်ဉီးကပြောပါတယ်။

ဒီမိုကရေစီ အခွင့်အရေးတွေ မဆုံးရှုံးစေဖို့ တိုင်းရင်းသားဒေသတွေ အပါအဝင် တစ်နိုင်ငံလုံး နေရာ အနှံ့ အကြားအလပ်မရှိ ရွေးကောက်ပွဲ ကျင်းပနိုင်ဖို့ ကြိုးစားနေတယ်လို့ အာဏာသိမ်း စစ်ခေါင်းဆောင်က ဇန်နဝါရီ ၁ ရက် သူ့ရဲ့နှစ်သစ်မိန့်ခွန်းမှာ ပြောဆိုထားပါတယ်။

၂၀၂၀ ရွေးကောက်ပွဲမှာ ကျွန်မတို့ ပညာရေး ဝန်ထမ်းတွေ မဲရုံစောင့်စဉ်က တရားဝင်ပုံစံ အဆင့်ဆင့်ကို မခိုးမဝှက် အကောက်မကြံပဲ မှန်မှန်ကန်ကန် ဆောင်ရွက်ခဲ့တယ်။ ကျွန်မတို့ ဆရာ၊ ဆရာမအားလုံး မဲမ လိမ်မဲမခိုး သလို မည်သည့်ပါတီ ကမျှ မဲလိမ်မဲခိုးခြင်း မရှိတာကို မဲရုံစောင့်တဲ့ ဆရာ၊ ဆရာမတွေ ကိုယ်တိုင် သိရှိတယ် 

လို့ CDM ဆရာမ တစ်ဉီးက ပြောပါတယ်။

လက်ရှိ စစ်ကောင်စီ ကျင်းပမယ့် ဆိုတဲ့ ရွေးကောက်ပွဲကို ပြည်သူလူထု တရပ်လုံးက ဆန့်ကျင်နေတဲ့ နည်းတူ စစ်ကောင်စီ ကျင်းပမယ့် ရွေးကောက်ပွဲ ကိစ္စရပ်တွေမှာ ပူးပေါင်း ပါဝင်တာတွေ မလုပ်ဖို့ စစ်အာဏာရှင် ဆန့်ကျင်ရေး အင်အားစုတွေက လေးလေးနက်နက် သတိပေးတာ ပါတယ်။

မြန်မာနိင်ငံမှာ ကျင်းပခဲ့တဲ့ ၂၀၁၂ ကြားဖြတ် ရွေးကောက်ပွဲ၊ ၂၀၁၅ အထွေထွေ ရွေးကောက်ပွဲ၊ ၂၀၁၇ ကြားဖြတ် ရွေးကောက်ပွဲနဲ့ ၂၀၂၀ အထွေထွေ ရွေးကောက်ပွဲတွေမှာ ပညာရေး ဝန်ထမ်းတွေဟာ မဲရုံမှူး၊ ဒုမဲရုံမှူး အပါအဝင် ရွေးကောက်ပွဲ တာဝန်တွေ ထမ်းဆောင်ခဲ့တယ်လို့ သိရပါတယ်။

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)

Mekong News

Mekong News

About Author

မဲခေါင်သတင်းဌာနမှ အကြီးတန်းတာဝန်ခံ အွန်လိုင်းအယ်ဒီတာတစ်ယောက် ဖြစ်သည်။ သတင်းမီဒီယာကျင့်ဝတ်၊ လူသားကျင့်ဝတ်တို့ကို လိုက်နာပြီး သတင်းများကို တင်ဆက်သွားမည် ဖြစ်သည်။

Related News

မြန်မာ့နွေဦး

ဟုမ္မလင်းမှာ ရဟတ်ယာဉ်တစ်စီးကို PDF ပစ်ချ

မဲခေါင်၊ ဖေဖော်ဝါရီ ၃ စစ်ကိုင်းတိုင်း၊ ဟုမ္မလင်းမြို့နယ်၊ ရွှေပြည်အေးမြို့သစ်အနီးမှာ ဖြစ်ပွားခဲ့တဲ့ တိုက်ပွဲအတွင်း စစ်တပ်ရဲ့ ရဟတ်ယာဉ်တစ်စီးကို ပြည်သူ့ကာကွယ်ရေးတပ်တွေက ပစ်ချနိုင်ခဲ့တယ်လို့
မြန်မာ့နွေဦး

မန္တလေးမြို့တော်ဝန် ဒေါက်တာရဲလွင်ကို စစ်ကောင်စီက ထောင်ဒဏ် ၂ နှစ်ထပ်ချ

မဲခေါင်၊ ဖေဖော်ဝါရီ ၃ မန္တလေးမြို့တော်ဝန် ဒေါက်တာရဲလွင်ကို နိုင်ငံဘဏ္ဍာငွေ အလွဲသုံးမှုနဲ့ စစ်ကောင်စီက ဒီကနေ့ ထောင်ဒဏ် ၂ နှစ်
မြန်မာ့နွေဦး

Spring Bliss နွေဦးစံရိပ်မွန် အိမ်ရာတွေ စတင်ရောင်းချပေးတော့မယ်

မဲခေါင်၊ ဖေဖော်ဝါရီ ၃ Spring Bliss 1-2-3 (နွေဦးစံရိပ်မွန် ၁၊၂၊၃ အိမ်ရာတွေကို ဖေဖေါ်ဝါရီလ ၁၁ ရက်နေ့က စတင် ရောင်းချပေးသွားမှာဖြစ်တယ်လို့ သိရပါတယ်။
မြန်မာ့နွေဦး

NUG ယာယီသမ္မတရဲ့ လူမှုကွန်ရက်စာမျက်နှာ တိုက်ခိုက်ခံရ

မဲခေါင်၊ ဖေဖော်ဝါရီ ၃ အမျိုးသား ညီညွတ်ရေး အစိုးရ၊ ယာယီ သမ္မတဒူဝါလရှီးလ ရဲ့ လူမှုကွန်ရက်-Facebook စာမျက်နှာ တိုက်ခိုက်ခံခဲ့ရတယ်လို့ သမ္မတရုံးက ထုတ်ပြန်ပါတယ်။
မြန်မာ့နွေဦး

ကောလင်းမှာ စစ်တပ်စစ်ကြောင်းထိုးမှုကြောင့် ကျေးရွာ ၃၈ ရွာမှ ပြည်သူ ၄၀,၀၀၀ နီးပါး စစ်ဘေးရှောင်နေရပြီး ကျည်ထိမှန်ကာ ပြည်သူတစ်ဦး သေဆုံး

မဲခေါင်၊ ဖေဖော်ဝါရီ ၃ စစ်ကိုင်းတိုင်း၊ ကောလင်းမြို့နယ်မှာ စစ်ကောင်စီ စစ်ကြောင်းထိုး ဝင်ရောက်မှုကြောင့် ကျေးရွာ ၃၈ ရွာမှ ဒေသခံ ပြည်သူ ၄၀,၀၀၀ နီးပါး စစ်ဘေးရှောင်နေရပြီး ကျည်ထိမှန်ကာ ပြည်သူ တစ်ဦး သေဆုံးခဲ့တယ်လို့
မြန်မာ့နွေဦး

စစ်တပ်က ရှေ့တန်းတပ်စခန်းသို့ လေကြာင်းက ရိက္ခာပို့စဉ် တိုက်လေယာဉ်‌တွေနဲ့ ဗုံးသီးကြဲချ

မဲခေါင်၊ ဖေဖော်ဝါရီ ၃ ကရင်ပြည်နယ်၊ တပ်မဟာ (၅) နယ်မြေရှိ စစ်ကောင်စီ ရှေ့တန်းတပ်စခန်းဖြစ်တဲ့ ကဟီးကျိုးစခန်းကို ကုန်းကြောင်းနဲ့ စားနပ်ရိက္ခာ သယ်ယူပို့ဆောင်မှု မပြုနိုင်တော့လို့ လေကြောင်းအသုံးပြုကာ စားနပ်ရိက္ခာတွေ လာရောက်ပို့ဆောင်စဉ် တိုက်လေယာဉ်‌တွေနဲ့ ဗုံးသီးကြဲချခဲ့တယ်လို့ သိရပါတယ်။
မြန်မာ့နွေဦး

တာချီလိတ်မြို့နယ်လဝကရုံးအနီးဖောက်ခွဲမှုလုပ်ခဲ့တယ်လို့အရှေ့ပိုင်းနဂါးအဖွဲ့အသိပေး

တာချီလိတ်မြို့နယ် လူဝင်မှုကြီးကြပ်ရေးရုံးနဲ့ ဆောက်လုပ်ရေးရုံးအနီးမှာ ပေါက်ကွဲခဲ့တဲ့ ဖောက်ခွဲမှုကို ပြုလုပ်ခဲ့တယ်လို့ အရှေ့ပိုင်းနဂါးအဖွဲ့က ဖေဖော်ဝါရီလ ၂ရက်မှာ အသိပေးထုတ်ပြန်ပါတယ်။
မြန်မာ့နွေဦး

မြန်မာ့အရေး ဂျပန်အစိုးရအနေနဲ့ ဖိအားပေးဆောင်ရွက်ဖို့ ဂျပန်လွှတ်တော်အမတ် ၅၆ ဦး လက်မှတ်ထိုး တောင်းဆို

မဲခေါင်၊ ဖေဖော်ဝါရီ ၂ မြန်မာ့အရေးကို ဂျပန်အစိုးရ အနေနဲ့ ဖိအားပေး ဆောင်ရွက်နိုင်ဖို့ ဂျပန်အထက် လွှတ်တော်နဲ့ အောက်လွှတ်တော် အမတ် ၅၆ ဦးက လက်မှတ်ရေးထိုး တောင်းဆိုထားတဲ့ တောင်းဆိုလွှာ အပါအဝင် ကျန်တောင်းဆိုလွှာတွေကို ဂျပန်