မြန်မာ့နွေဦး

စစ်ကောင်စီ ကျင်းပဖို့ ကြိုးစားနေတဲ့ တရားမဝင် ရွေးကောက်ပွဲမှာ အချောင်နေရာလိုချင်တဲ့ ပါတီတွေ ပြည်သူပေးတဲ့ ပြစ်ဒဏ်ခံရမယ်

မဲခေါင် 5 Jan - 2023
စစ်ကောင်စီက ကျင်းပဖို့ ကြိုးစားနေတဲ့ တရားမဝင် ရွေးကောက်ပွဲမှာ အချောင် နေရာလိုချင်တဲ့ ပါတီတွေ အနေနဲ့ ပြည်သူကပေးတဲ့ ပြစ်ဒဏ်ခံရမယ်လို့ အထွေထွေသပိတ် ပေါင်းစပ်ညှိနှိုင်းရေး အင်အားစု -GSCB မှ မနေ့က ထုတ်ပြန်ပါတယ်။

စစ်အုပ်စုက ကျင်းပဖို့ ကြိုးစားနေတဲ့ “တရားမဝင် အယောင်ပြ ရွေးကောက်ပွဲ” မှာ မိမိကိုယ်တိုင်ကပါ အလိုတူ အလိုပါ အခွင့်ရေးရမယ် အထင်နဲ့ နိုင်ငံရေး နေရာကို အချောင် ရယူလိုစိတ်နဲ့ဖြစ်စေ၊ အကြပ်ကိုင်စေခိုင်းတယ် ဆိုတဲ့ အကြောင်းပြချက်တွေနဲ့ ဖြစ်စေ အကြမ်းဖက် စစ်အုပ်စုနဲ့ ပူးပေါင်း လက်တွဲမယ့် နိုင်ငံရေး အစုအဖွဲ့တွေ၊ တိုင်းရင်းသား လက်နက်ကိုင် အဖွဲ့အစည်းတွေနဲ့ ပါတီတွေကို ပြတ်သားစွာ ပြောကြားလိုတာက ဒီအစုအဖွဲ့နဲ့ တဦးချင်း တယောက်ချင်းစီရဲ့ လုပ်ရပ်တွေဟာ သမိုင်းမှတ်တမ်း ဝင်နေမှာ ဖြစ်တယ်လို့ GSCB က ဆိုပါတယ်။

ပြည်သူတရပ်လုံးနှင့် နိုင်ငံတကာ အင်အားစုများမှ မျက်မြင်သက်သေအဖြစ်နှင့် နောင်တချိန်တွင် ပြည်သူပေးသည့် နိုင်ငံရေး ပြစ်ဒဏ်ကို မလွှဲမသွေ ရင်ဆိုင်ရမည်ဖြစ်ကြောင်း ဤနေရာမှ သတိပေးလိုသည် 

လို့ GSCB က သတိပေးပါတယ်။

အိမ်နီးချင်း နိုင်ငံတွေ ဖြစ်တဲ့ တရုတ်၊ ထိုင်းနဲ့ အိန္ဒိယနိုင်ငံ အပါအဝင် အာဆီယံနဲ့ နိုင်ငံတကာ အင်အားစုတွေ အနေနဲ့ “ရွေးကောက်ပွဲ ဆိုသည်မှာ ဒီမိုကရေစီစနစ်၏ အခြေခံ အကျဆုံး ကိစ္စရပ်ဖြစ်သည်ဆိုကာ” အကြမ်းဖက် စစ်အုပ်စုက ပြုလုပ်မယ့် “တရားမဝင် အယောင်ပြ ရွေးကောက်ပွဲ” ကို တကယ့် အစစ်အမှန် သဖွယ် မသတ်မှတ်မိဖို့ လိုအပ်တယ်လို့ ထုတ်ပြန်ချက်မှာ ဖော်ပြထားပါတယ်။

ဒါဟာ နိုင်ငံတကာ အင်အားစုတွေကို နားရွက်တံတွေး ဆွတ်မယ့် အကွက်သာ ဖြစ်ပြီး မြန်မာ့နိုင်ငံရေး အတွက် ဘယ်လိုနည်းနဲ့မှ အဖြေဖြစ်လာမှာ မဟုတ်တာကြောင့် ပြတ်ပြတ်သားသား ဆန့်ကျင်ပြီး မြန်မာပြည်သူလူထုနဲ့ တသားတည်း ရပ်တည်ပေးကြပါဖို့လည်း တိုက်တွန်း တောင်းဆို ထားပါတယ်။

စစ်အုပ်စုဟာ မတရား အာဏာလုကာ ပြည်သူလူထုကို ဖိနှိပ်သတ်ဖြတ်လျက် အုပ်ချုပ်ဖို့ ကြိုးစားလာတာဟာ ၂ နှစ်တိတိ ပြည့်ဖို့ ရက်ပိုင်းသာ လိုတော့ပြီး ၂ နှစ်တာ တော်လှန်ရေး ခရီးကြမ်းကြီးအတွင်း နည်းပေါင်းစုံနဲ့ ကြံ့ကြံ့ခံ ပါဝင်တွန်းကန် တော်လှန်နေကြတဲ့ ပြည်သူအပေါင်းကို အထွေထွေသပိတ် ပေါင်းစပ်ညှိနှိုင်းရေး အင်အားစု-GSCB က မှတ်တမ်းတင် လေးစား ဂုဏ်ပြုတယ်လို့လည်း ဖော်ပြထားပါတယ်။

စစ်အုပ်စု အနေနဲ့ မြန်မာနိုင်ငံကို နိုင်ငံရေး နည်းလမ်းနဲ့ အဖြေရှာပေးကာ ဖွံ့ဖြိုးတိုးတက် စေလိုတဲ့ စိတ်ဆန္ဒ စိုးစဉ်းမျှ မရှိတာက သူတို့ ကျူးလွန်နေတဲ့ လူမျိုးတုန်း သတ်ဖြတ်မှုတွေ၊ စစ်ရာဇဝတ်မှုတွေ၊ ရွာလုံးကျွတ် မီးရှို့မှုတွေ၊ ရက်စက်စွာ ဖိနှိပ်သတ်ဖြတ်မှုတွေနဲ့ နိုင်ငံအနှံ့ ဖြစ်ပေါ်လျက် ရှိနေတဲ့ ပြည်တွင်းစစ်မီးတွေက သက်သေပင် ဖြစ်တယ်လို့လည်း ဆိုပါတယ်။

တရားမဝင် အကြမ်းဖက် စစ်အုပ်စုမှ ပြုလုပ်မယ့် “တရားမဝင် အယောင်ပြရွေးကောက်ပွဲ” ဟာ နိုင်ငံရေးအရ လုံးဝ လက်ခံနိုင်စရာ မရှိတာက ဒီအကြောင်းအရာတွေက သက်သေခံလျက်ရှိတယ်လို့လည်း ဖော်ပြတယ်။

ပြည်သူလူထု တရပ်လုံးနဲ့ တော်လှန်ရေး အင်အားစု‌တွေ ဆင်နွှဲနေတဲ့ တော်လှန်ရေးကြီးဟာ အကြမ်းဖက် စစ်အုပ်စု ကျင်းပဖို့ ကြိုးစားနေတဲ့ “တရားမဝင် အယောင်ပြရွေးကောက်ပွဲ” ဘယ်လိုပုံစံနဲ့ ကျင်းပတာဖြစ်စေ၊ ဘယ်လို ရလာဒ်တွေ ထွက်ထွက် မိမိတို့ လိုချင်တဲ့ ပန်းတိုင် မရောက်မချင်း အရှိန်အဟုန် ကောင်းကောင်းနဲ့ မဆုတ်မနစ် ဆန့်ကျင်တိုက်ပွဲနေကြမှာ ဖြစ်တယ်လို့ GSCB က ပြောပါတယ်။

နွေဦးတော်လှန်ရေး စတင်ခဲ့တဲ့ အချိန်မှစပြီး ပြည်သူ တရပ်လုံးက ဒီနေ့အချိန်ထိ လှုပ်ရှားမှု ပေါင်းစုံ၊ လူအား၊ ငွေအားနဲ့ ကဏ္ဍပေါင်းစုံမှာ ကျရာနေရာမှ ပုံစံမျိုးစုံနဲ့ ပူးပေါင်း ပါဝင်နေခဲ့တာက နွေဦးတော်လှန်ရေး ဆက်လက် ဆင်နွှဲနိုင်နေတာရဲ့ အဓိက အကြောင်းအရင်းတွေထဲမှ တခုဖြစ်ပြီး စစ်အုပ်စုနဲ့ မပူးပေါင်းရေး ဘူးသပိတ်၊ လူမှုရေး ပြစ်ဒဏ်ခတ်တာ‌တွေကို ဆက်လက်လုပ်ဆောင်နေဖို့ လိုအပ်တယ်လို့လည်း ဆိုပါတယ်။

စစ်အုပ်စု ကျင်းပဖို့ ကြိုးစားနေတဲ့ “တရားမဝင် အယောင်ပြ ရွေးကောက်ပွဲ” မှာ အတင်းအဓမ္မ ဖိနှိပ် စေခိုင်းတာ‌တွေ ရှိလာနိုင်တာကြောင့် ပြည်သူလူထု အနေနဲ့ တော်လှန်ရေး အင်အားစုတွေနဲ့ ပူးပေါင်းပြီး နည်းလမ်းပေါင်းစုံ သုံးကာ ဆန့်ကျင်တိုက်ဖျက်ဖို့ လိုအပ်တယ်လို့လည်း GSCB က ထုတ်ပြန်ထားပါတယ်။

အထွေထွေ သပိတ် ပေါင်းစပ်ညှိနှိုင်းရေး အင်အားစု-GSCB ဟာ နိုင်ငံတဝှမ်းရှိ တော်လှန်ရေး ဒေသ သီးသီးမှ သပိတ်အင်အားစုတွေနဲ့ ပေါင်းစည်းစုဖွဲ့ထားရာ အစုအဖွဲ့ပေါင်း ၄၁ ဖွဲ့ ရှိတယ်လို့လည်း သိရပါတယ်။

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)

Mekong News

Mekong News

About Author

မဲခေါင်သတင်းဌာနမှ အကြီးတန်းတာဝန်ခံ အွန်လိုင်းအယ်ဒီတာတစ်ယောက် ဖြစ်သည်။ သတင်းမီဒီယာကျင့်ဝတ်၊ လူသားကျင့်ဝတ်တို့ကို လိုက်နာပြီး သတင်းများကို တင်ဆက်သွားမည် ဖြစ်သည်။

Related News

မြန်မာ့နွေဦး

စစ်အုပ်ချုပ်ရေး ကြေညာထားတဲ့ မြို့နယ် ၃၇ ခုက ပြည်သူတွေ မထိခိုက်ဖို့ NUG မှာ တာဝန်ရှိတယ်လို့ ပြည်ထောင်စု ဝန်ကြီးချုပ် သတိပေး

မဲခေါင်၊ ဇန်နဝါရီ ၇ စစ်တပ်က စစ်အုပ်ချုပ်ရေး ကြေညာထားတဲ့ မြို့နယ် ၃၇ ခုက ပြည်သူတွေ မထိခိုက်စေဖို့ NUG
မြန်မာ့နွေဦး

ရှမ်းပြည်အမျိုးသားနေ့ ၇၆ နှစ်ပြည့် အခမ်းအနားကို SSPP/SSA ဌာနချုပ်မှာ ကျင်းပ

မဲခေါင်၊ ဖေဖော်ဝါရီ ၇ ရှမ်းပြည်အမျိုးသားနေ့ ၇၆ နှစ်ပြည့် အခမ်းအနားကို SSPP/SSA ဌာနချုပ် ဝမ်ဟိုင်းမှာ ဖေဖော်ဝါရီ ၇
မြန်မာ့နွေဦး

အာဏာသိမ်းကာလ စစ်ရေးပဋိပက္ခများအတွင်း ကရင်နီနှင့် ရှမ်းတောင်တွင် စစ်ဘေးရှောင် ၁၂၈ ဦး အပါအဝင် အရပ်သား ၄၀၀ ကျော် သေဆုံး

မဲခေါင်၊ ဖေဖော်ဝါရီ ၄ စစ်ရေးပဋိပက္ခအပြင်းထန်ဆုံးဒေသတစ်ခုဖြစ်တဲ့ ကရင်နီနဲ့ ရှမ်းပြည်နယ်တောင်ပိုင်းမှာ အာဏာသိမ်း ၂ နှစ်အတွင်း စစ်ရှောင် ၁၂၈ ဦး သေဆုံးခဲ့ရတယ်လို့ တိုးတက်သောကရင်နီပြည်သူ့အင်အားစု PKPF က ထုတ်ပြန်ခဲ့ပါတယ်။
မြန်မာ့နွေဦး

ယူကေ နိုင်ငံခြားရေးဝန်ကြီးနဲ့ NUG နိုင်ငံခြားရေးဝန်ကြီး ဒေါ်ဇင်မာအောင်တို့ တရားဝင်တွေ့ဆုံ

မဲခေါင်၊ ဖေဖော်ဝါရီ ၇ ယူကေ နိုင်ငံခြားရေးဝန်ကြီး James Cleverly နဲ့ အမျိုးသား ညီညွတ်ရေး အစိုးရ၊ နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဒေါ်ဇင်မာအောင်တို့ မနေ့ ညနေ ၃ နာရီခွဲက လန်ဒန်မြို့ UK
မြန်မာ့နွေဦး

နိုင်ငံခြားရေးဝန်ကြီးဒေါ်ဇင်မာအောင်နဲ့ ယူကေနိုင်ငံ Labor Party လွှတ်တော်အမတ် Rushanara Ali တို့ မြန်မာ့အရေး တွေ့ဆုံဆွေးနွေး

မဲခေါင်၊ ဖေဖော်ဝါရီ ၇ ပြည်ထောင်စုသမ္မတ မြန်မာနိုင်ငံတော်၊ အမျိုးသား ညီညွတ်ရေး အစိုးရ၊ နိုင်ငံခြားရေးဝန်ကြီး ဒေါ်ဇင်မာအောင် နဲ့ ယူကေနိုင်ငံ Labor Party မှ လွှတ်တော်အမတ် Rushanara Ali တို့ မနေ့က
မြန်မာ့နွေဦး

TNLA က ဂျာယန်ပြည်သူ့စစ်စခန်းကို စီးနင်းပြီး အဓမ္မစစ်မှုထမ်းဖို့ စေခိုင်းခံရတဲ့ ကလေးတွေအပါအဝင် တအာင်း ၁၂၇ ဦးကို ကယ်ထုတ်

မဲခေါင်၊ ဇန်နဝါရီ ၇ TNLA တပ်ဖွဲ့ အင်အား ၅၀၀ ဟာ ဂျာယန်ပြည်သူ့စစ်စခန်းကို ဝင်ရောက်စီးနင်းပြီး အဓမ္မ စစ်မှုထမ်းဖို့ စေခိုင်းခံရတဲ့ ကလေးတွေ အပါအဝင် တအာင်း-ရူစိင် ၁၂၇ ဦးကို ကယ်ထုတ်ခဲ့တယ်လို့ မနေ့က
မြန်မာ့နွေဦး

လမိုင်းမြို့နယ်ခွဲမှာ ဖမ်းမိတဲ့ ခမရ (၅၄၅) မှ ဗိုလ်ကြီးမြတ်သူ ကို တိုင်းရင်းသား လက်နက်ကိုင်အဖွဲ့ဆီ လွှဲပြောင်း

မဲခေါင်၊ ဖေဖော်ဝါရီ ၆ မွန်ပြည်နယ်၊‌ ရေးမြို့နယ်၊ လမိုင်းမြို့နယ်ခွဲမှာ ဇန်နဝါရီလ ၄ ရက်နေ့က ဖမ်းဆီးရမိတဲ့ ခမရ (၅၄၅) တပ်ရင်းမှ ဗိုလ်ကြီးမြတ်သူ ကို တိုင်းရင်းသား လက်နက်ကိုင်အဖွဲ့ဆီ လွှဲပြောင်း ပေးလိုက်တယ်လို့ YGF-
မြန်မာ့နွေဦး

စစ်အာဏာရှင် အမြတ်ပြတ်ဖို့ တစ်ဖွဲ့တည်း ဦးဆောင်နေလို့မရဘူးလို့ KIO ဥက္ကဋ္ဌ သတိပေး

မဲခေါင်၊ ဇန်နဝါရီ ၆ စစ်အာဏာရှင်စနစ်ကို အမြစ်ပြတ် ချေမှုန်းဖို့ အတွက် တစ်ဖွဲ့တည်းက ဦးဆောင်နေလို့ မရဘူးလို့ KIO ဥက္ကဋ္ဌ ဗိုလ်ချုပ်ကြီးအင်ဘန်လ က သတိပေးလိုက်ပါတယ်။