မြန်မာ့နွေဦး

စစ်ကောင်စီရဲ့ မီးရှို့စစ်ကြောင်း ခင်ဦးနယ်ထဲဝင်လာလို့ ကျေးရွာတွေက ဒေသခံ ၅,၀၀၀ ကျော် ထွက်ပြေးရ

မဲခေါင် 17 Jan - 2023
မဲခေါင်၊ ဇန်နဝါရီ ၁၇ စစ်ကိုင်းတိုင်း၊ ရေဦးမြို့နယ်နဲ့ ဒီပဲယင်းမြို့နယ်ကို မီးပတ်ရှို့နေတဲ့ စစ်ကောင်စီ စစ်ကြောင်းဟာ ခင်ဦးမြို့နယ်ထဲ ဝင်ရောက်လာတာကြောင့် ကျေးရွာတွေနေ ဒေသခံ ၅,၀၀၀ ကျော် အိုးအိမ်စွန့်ခွာ ထွက်ပြေးနေရတယ်လို့ Khin U Special Force Organization – KSO တာဝန်ရှိသူက မဲခေါင်သတင်းကို ပြောပါတယ်။

မဲခေါင်၊ ဇန်နဝါရီ ၁၇

စစ်ကိုင်းတိုင်း၊ ရေဦးမြို့နယ်နဲ့ ဒီပဲယင်းမြို့နယ်ကို မီးပတ်ရှို့နေတဲ့ စစ်ကောင်စီ စစ်ကြောင်းဟာ ခင်ဦးမြို့နယ်ထဲ ဝင်ရောက်လာတာကြောင့် ကျေးရွာတွေနေ ဒေသခံ ၅,၀၀၀ ကျော် အိုးအိမ်စွန့်ခွာ ထွက်ပြေးနေရတယ်လို့ Khin U Special Force Organization – KSO တာဝန်ရှိသူက မဲခေါင်သတင်းကို ပြောပါတယ်။

မော်လိုက် အခြေစိုက် ခမရ (၃၆၄) နဲ့ မှော်ဘီ-ထူးကြီး အခြေစိုက် ခလရ (၇၀၁) ပူးပေါင်း စစ်ကြောင်းဟာ မနေ့က စပြီး ခင်ဦးမြို့နယ်မှာ လှည့်လည် မွှေနှောက် နေတာကြောင့် သရက်ပင်စု၊ အင်တိုင်းလေး၊ ရှားတော၊ မန်ကျည်းအုပ် စတဲ့ ကျေးရွာနေ ဒေသခံတွေ ထွက်ပြေး တိမ်းရှောင် နေရတာ ဖြစ်ပါတယ်။

“မနေ့က မနက်ခင်း ၈ ရီလောက် ကတည်းက သူတို့ တပ် ၂ ခုပေါင်းပြီးတော့ ခင်ဦးမြို့နယ် အနောက်ခြမ်း ကျေးရွာတွေကို ဝင်ရောက်ခဲ့တယ်။ ဝင်ရောက်ခဲ့တဲ့ အတွက် ဒေသခံတွေ အများစုက ထွက်ပြေး တိမ်းရှောင် ခဲ့ရတယ်ပေါ့။ သူတို့က ညနေခင်း ၄ နာရီလောက်မှ ထွက်သွားတယ်။ မနေ့က ပြန်ဆုတ်သွားတဲ့ စစ်ကြောင်းက အခုလောလောဆယ် ရေဦးမြို့ကနေ ထွက်ဖို့ပြင်နေတယ်လို့ သိရတဲ့အတွက် မနေ့က ထွက်ပြေးရတဲ့ ရွာတွေရော တခြားသော ကျေးရွာတွေရော အခု အထိတ်တလန့် ဖြစ်ပြီးတော့ ထွက်ပြေးနေရတယ်” လို့ KSO တာဝန်ရှိသူက ပြောပါတယ်။

မနေ့က ခင်ဦးမြို့နယ်ထဲ ဝင်ရောက်လာတဲ့ စစ်ကြောင်းဟာ အင်တိုင်းလေးမြောက်ရွာမှာ လက်နက်ငယ်နဲ့ ပစ်ခတ်ခဲ့တာကြောင့် ဒေသခံ အမျိုးသား တစ်ဦး ထိခိုက်ဒဏ်ရာ ရရှိခဲ့ပြီး သရက်ပင်စုရွာက နေအိမ် ၃ လုံးနဲ့ လျှပ်စစ် ထရန်စဖော်မာ တစ်လုံးကို မီးရှို့ဖျက်ဆီး သွားတယ်လို့ သိရပါတယ်။

ဒါ့အပြင် ရွာသစ်ကုန်းကျေးရွာက ပျူစောထီး အခြေစိုက် စခန်း အနီးမှာရှိတဲ့ စိုက်ပျိုးရေး ဈေးတန်းကို မီးရှို့ ဖျက်ဆီးခဲ့ပြီး ညနေပိုင်းမှာ ရေဦးမြို့နယ် မန်ကျည်းတောဘက်ကို ပြန်လည် ဆုတ်ခွာသွားကာ ဒီနေ့ မနက်မှာတော့ ခင်ဦးမြို့နယ်ထဲ ပြန်လည် ဝင်ရောက်လာတာ ဖြစ်ပါတယ်။

အဲဒီ စစ်ကြောင်းဟာ ဇန်နဝါရီ ၁၅ ရက်နေ့က သရက်ပင်စုကျေးရွာ ပရဟိတ ဘုန်းကြီးကျောင်းမှာ သံဃာတော် တွေကို ဒေသခံတွေရဲ့ အကြောင်း မေးမြန်းရာမှာ မဖြေရင် သတ်ပစ်မယ်လို့ ခြိမ်းခြောက်တာတွေ လုပ်ခဲ့ပြီး သံဃာတွေထံက ဖုန်းတွေ သိမ်းဆည်း သွားတယ်လို့ သိရပါတယ်။

လက်ရှိ မူးမြစ်ကူး တံတားကနေ ခင်ဦးနယ် အနောက်ခြမ်းကို စစ်ကား တစ်စီး အင်အား အပြည့် လာရောက်ကာ အင်းပတ်ရွာအနီးမှာ အင်အား ၂၀ ခန့်ချပြီး ကားကတော့ ရေဦးဘက် ပြန်ထွက်သွားတာကြောင့် စစ်ကြောင်းနဲ့ အနီးတဝိုက် ကျေးရွာနေ ဒေသခံတွေ အနေနဲ့ မြေပြင် သတင်း ရယူပြီး သတိထား ရှောင်တိမ်းကြဖို့ Khin U SpecialForce Organization- KSO အဖွဲ့က ထုတ်ပြန်ထားပါတယ်။

MK-009

ဓာတ်ပုံ – ခင်ဦးမြို့နယ်သတင်းမှန်ပြန်ကြားရေး (ပုံဟောင်း)

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)

Mekong News

Mekong News

About Author

မဲခေါင်သတင်းဌာနမှ အကြီးတန်းတာဝန်ခံ အွန်လိုင်းအယ်ဒီတာတစ်ယောက် ဖြစ်သည်။ သတင်းမီဒီယာကျင့်ဝတ်၊ လူသားကျင့်ဝတ်တို့ကို လိုက်နာပြီး သတင်းများကို တင်ဆက်သွားမည် ဖြစ်သည်။

Related News

မြန်မာ့နွေဦး

စစ်ကောင်စီခန့်ရှမ်းပြည်နယ်စစ်ဝန်ကြီးချုပ် (သို့) မိုဆိုလူသတ်သမား

အာဏာသိမ်း ၂ နှစ်ပြည့်နေ့ ဖေဖော်ဝါရီလ ၁ ရက်နေ့မှာ စစ်ခေါင်းဆောင် မင်းအောင်လှိုင်က ရှမ်းပြည်နယ်နဲ့ ကရင်နီပြည်ကို တာဝန်ယူ ကိုင်တွယ်ခဲ့တဲ့
မြန်မာ့နွေဦး

ဖက်ဒရယ်နဲ့ ဒီမိုကရေစီလိုလားတဲ့ အင်အားစုတွေနဲ့လက်တွဲဖို့ SSPP ဆုံးဖြတ်

မဲခေါင်၊ ဖေဖော်ဝါရီ ၃ ဖက်ဒရယ်နဲ့ ဒီမိုကရေစီ လိုလားတဲ့ အင်အားစုတွေနဲ့ လက်တွဲသွားမယ်လို့ ရှမ်းတော်လှန်ရေး အင်အားစု ဖြစ်တဲ့ ရှမ်းပြည်တိုးတက်ရေးပါတီ-SSPP
မြန်မာ့နွေဦး

ဟုမ္မလင်းမှာ ရဟတ်ယာဉ်တစ်စီးကို PDF ပစ်ချ

မဲခေါင်၊ ဖေဖော်ဝါရီ ၃ စစ်ကိုင်းတိုင်း၊ ဟုမ္မလင်းမြို့နယ်၊ ရွှေပြည်အေးမြို့သစ်အနီးမှာ ဖြစ်ပွားခဲ့တဲ့ တိုက်ပွဲအတွင်း စစ်တပ်ရဲ့ ရဟတ်ယာဉ်တစ်စီးကို ပြည်သူ့ကာကွယ်ရေးတပ်တွေက ပစ်ချနိုင်ခဲ့တယ်လို့ NUG က ဒီကနေ့ ထုတ်ပြန်ပါတယ်။
မြန်မာ့နွေဦး

မန္တလေးမြို့တော်ဝန် ဒေါက်တာရဲလွင်ကို စစ်ကောင်စီက ထောင်ဒဏ် ၂ နှစ်ထပ်ချ

မဲခေါင်၊ ဖေဖော်ဝါရီ ၃ မန္တလေးမြို့တော်ဝန် ဒေါက်တာရဲလွင်ကို နိုင်ငံဘဏ္ဍာငွေ အလွဲသုံးမှုနဲ့ စစ်ကောင်စီက ဒီကနေ့ ထောင်ဒဏ် ၂ နှစ် ထပ်ချလိုက်တယ်လို့ နီးစပ်တဲ့ အသိုင်းအဝိုင်းမှ သိရပါတယ်။
မြန်မာ့နွေဦး

Spring Bliss နွေဦးစံရိပ်မွန် အိမ်ရာတွေ စတင်ရောင်းချပေးတော့မယ်

မဲခေါင်၊ ဖေဖော်ဝါရီ ၃ Spring Bliss 1-2-3 (နွေဦးစံရိပ်မွန် ၁၊၂၊၃ အိမ်ရာတွေကို ဖေဖေါ်ဝါရီလ ၁၁ ရက်နေ့က စတင် ရောင်းချပေးသွားမှာဖြစ်တယ်လို့ သိရပါတယ်။
မြန်မာ့နွေဦး

NUG ယာယီသမ္မတရဲ့ လူမှုကွန်ရက်စာမျက်နှာ တိုက်ခိုက်ခံရ

မဲခေါင်၊ ဖေဖော်ဝါရီ ၃ အမျိုးသား ညီညွတ်ရေး အစိုးရ၊ ယာယီ သမ္မတဒူဝါလရှီးလ ရဲ့ လူမှုကွန်ရက်-Facebook စာမျက်နှာ တိုက်ခိုက်ခံခဲ့ရတယ်လို့ သမ္မတရုံးက ထုတ်ပြန်ပါတယ်။
မြန်မာ့နွေဦး

ကောလင်းမှာ စစ်တပ်စစ်ကြောင်းထိုးမှုကြောင့် ကျေးရွာ ၃၈ ရွာမှ ပြည်သူ ၄၀,၀၀၀ နီးပါး စစ်ဘေးရှောင်နေရပြီး ကျည်ထိမှန်ကာ ပြည်သူတစ်ဦး သေဆုံး

မဲခေါင်၊ ဖေဖော်ဝါရီ ၃ စစ်ကိုင်းတိုင်း၊ ကောလင်းမြို့နယ်မှာ စစ်ကောင်စီ စစ်ကြောင်းထိုး ဝင်ရောက်မှုကြောင့် ကျေးရွာ ၃၈ ရွာမှ ဒေသခံ ပြည်သူ ၄၀,၀၀၀ နီးပါး စစ်ဘေးရှောင်နေရပြီး ကျည်ထိမှန်ကာ ပြည်သူ တစ်ဦး သေဆုံးခဲ့တယ်လို့
မြန်မာ့နွေဦး

စစ်တပ်က ရှေ့တန်းတပ်စခန်းသို့ လေကြာင်းက ရိက္ခာပို့စဉ် တိုက်လေယာဉ်‌တွေနဲ့ ဗုံးသီးကြဲချ

မဲခေါင်၊ ဖေဖော်ဝါရီ ၃ ကရင်ပြည်နယ်၊ တပ်မဟာ (၅) နယ်မြေရှိ စစ်ကောင်စီ ရှေ့တန်းတပ်စခန်းဖြစ်တဲ့ ကဟီးကျိုးစခန်းကို ကုန်းကြောင်းနဲ့ စားနပ်ရိက္ခာ သယ်ယူပို့ဆောင်မှု မပြုနိုင်တော့လို့ လေကြောင်းအသုံးပြုကာ စားနပ်ရိက္ခာတွေ လာရောက်ပို့ဆောင်စဉ် တိုက်လေယာဉ်‌တွေနဲ့ ဗုံးသီးကြဲချခဲ့တယ်လို့ သိရပါတယ်။