မြန်မာ့နွေဦး

စစ်ကောင်စီရဲ့ ကာကွယ်ရေးဝန်ကြီးဌာနက ကျန်းမာရေးထက် အဆ ၃၅၀ ကျော်ပိုများတဲ့ ဘတ်ဂျက် ထပ်မံသုံးစွဲခွင့်ရ

မဲခေါင် 31 Dec - 2022
စစ်ကောင်စီရဲ့ ကာကွယ်ရေးဝန်ကြီးဌာန ကျန်းမာရေးဝန်ကြီးဌာနထက် အဆ ၃၅၀ ကျော်များတဲ့ ဘတ်ဂျက် ကျပ် ၄၅၀ ဘီလီယံခန့် ထပ်မံ သုံးစွဲခွင့်ရမယ့် “၂၀၂၂-၂၀၂၃ ဘဏ္ဍာရေးနှစ် ပြည်ထောင်စု၏ နောက်ထပ် ဘဏ္ဍာငွေ ခွဲဝေသုံးစွဲရေး ဥပဒေ” ကို စစ်ကောင်စီက ဒီဇင်ဘာလ ၁၈ ရက်နေ့ ရက်စွဲနဲ့ ပြဌာန်းလိုက်ပါတယ်။

အဲဒီ ဥပဒေ အရ ၂၀၂၂-၂၀၂၃ ဘဏ္ဍာရေးနှစ် အတွက် ဘတ်ဂျက် ကျပ် ၃,၇၀၀ ဘီလီယံကျော် သုံးစွဲခွင့် ရထားတဲ့ ကာကွယ်ရေးဝန်ကြီးဌာနဟာ ငွေကျပ် ၄၄၀ ဘီလီယံကျော် ထပ်မံ ရရှိမှာ ဖြစ်ပြီး ကျပ်ဘီလီယံ ၈၀၀ ကျော် သုံးစွဲခွင့် ရရှိထားတဲ့ ကျန်းမာရေး ဝန်ကြီးဌာနကတော့ ကျပ် ၁ ဒသမ ၂ ဘီလီယံ ဝန်းကျင်သာ ထပ်မံ ရရှိမှာ ဖြစ်လို့ အဆ ၃၅၀ ကျော် ကွာဟနေပါတယ်။

ဒီပြဋ္ဌာန်းချက်ဟာ လက်ရှိ ဘဏ္ဍာရေးနှစ်မှာ သက်ရောက်မှာဖြစ်ပြီး စစ်ကောင်စီ လက်အောက်ခံ ပြည်ထောင်စု ဝန်ကြီးဌာနတွေနဲ့ ဦးစီးဌာန ၃၁ ခု အတွက် ငွေကျပ် ၁,၁၀၀ ဘီလီယံကျော် ထပ်မံ ချထားပေးရာမှာ စီမံကိန်းနှင့် ဘဏ္ဍာရေးဝန်ကြီးဌာနက ငွေကျပ် ၃၃၀ ဘီလီယံကျော်နဲ့ ဒုတိယအများဆုံး ထပ်တိုး ရရှိထားပါတယ်။

လက်ရှိ ဘဏ္ဍာရေးနှစ် ပညာရေးဝန်ကြီးဌာန အတွက် ဘတ်ဂျက် ကျပ်၂,၁၀၀ ဘီလီယံကျော်သာ သတ်မှတ်ထားလို့ NLD အစိုးရ လက်ထက် ဘတ်ဂျက်ထက် ကျပ် ဘီလီယံ ၇၀၀ လျှော့နည်းပြီး ထပ်တိုး ဘတ်ဂျက်အဖြစ် ကျပ် ၉၇ ဘီလီယံကျော်သာ သတ်မှတ်ထားပါတယ်။

ဒါ့အပြင် စစ်ကောင်စီရဲ့ စီမံအုပ်ချုပ်ရေး ကောင်စီရုံး၊ ပြည်ထောင်စု တရားလွှတ်တော်ချုပ်ရုံး၊ နိုင်ငံတော် ဖွဲ့စည်းပုံ အခြေခံ ဥပဒေဆိုင်ရာ ခုံရုံး၊ ပြည်ထောင်စု ရွေးကောက်ပွဲ ကော်မရှင်ရုံး၊ ပြည်ထောင်စု စာရင်းစစ်ချုပ်ရုံးနဲ့ ပြည်ထောင်စု ရာထူးဝန်အဖွဲ့တို့အတွက် စုစုပေါင်း ကျပ် ၄ ဘီလီယံကျော် ထပ်တိုး သုံးစွဲခွင့်ပြုထားပါတယ်။

နိုင်ငံတဝှမ်း တော်လှန်မှုတွေနဲ့ ရင်ဆိုင်နေရတဲ့ စစ်ကောင်စီ အနေနဲ့ ရုရှနိုင်ငံမှာ တိုက်လေယာဉ်တွေ အပါအဝင် စစ်လက်နက်တွေ အများအပြား ဝယ်ယူနေတာကြောင့် ဒေါ်လာ လိုအပ်ချက် မြင့်တက်ပြီး ငွေကြေးဖောင်းပွမှုနှုန်း မြင့်တက်နေတာကြောင့် ကာကွယ်ရေးဝန်ကြီးဌာနကို အခုလို ဘတ်ဂျက် ထပ်မံ တိုမြှင့် သုံးစွဲခွင့် ပေးတာလို့ ဝေဖန်မှုတွေ ရှိနေပါတယ်။

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)

Mekong News

Mekong News

About Author

မဲခေါင်သတင်းဌာနမှ အကြီးတန်းတာဝန်ခံ အွန်လိုင်းအယ်ဒီတာတစ်ယောက် ဖြစ်သည်။ သတင်းမီဒီယာကျင့်ဝတ်၊ လူသားကျင့်ဝတ်တို့ကို လိုက်နာပြီး သတင်းများကို တင်ဆက်သွားမည် ဖြစ်သည်။

Related News

မြန်မာ့နွေဦး

မန္တလေးမြို့တော်ဝန် ဒေါက်တာရဲလွင်ကို စစ်ကောင်စီက ထောင်ဒဏ် ၂ နှစ်ထပ်ချ

မဲခေါင်၊ ဖေဖော်ဝါရီ ၃ မန္တလေးမြို့တော်ဝန် ဒေါက်တာရဲလွင်ကို နိုင်ငံဘဏ္ဍာငွေ အလွဲသုံးမှုနဲ့ စစ်ကောင်စီက ဒီကနေ့ ထောင်ဒဏ် ၂ နှစ်
မြန်မာ့နွေဦး

Spring Bliss နွေဦးစံရိပ်မွန် အိမ်ရာတွေ စတင်ရောင်းချပေးတော့မယ်

မဲခေါင်၊ ဖေဖော်ဝါရီ ၃ Spring Bliss 1-2-3 (နွေဦးစံရိပ်မွန် ၁၊၂၊၃ အိမ်ရာတွေကို ဖေဖေါ်ဝါရီလ ၁၁ ရက်နေ့က
မြန်မာ့နွေဦး

NUG ယာယီသမ္မတရဲ့ လူမှုကွန်ရက်စာမျက်နှာ တိုက်ခိုက်ခံရ

မဲခေါင်၊ ဖေဖော်ဝါရီ ၃ အမျိုးသား ညီညွတ်ရေး အစိုးရ၊ ယာယီ သမ္မတဒူဝါလရှီးလ ရဲ့ လူမှုကွန်ရက်-Facebook စာမျက်နှာ တိုက်ခိုက်ခံခဲ့ရတယ်လို့ သမ္မတရုံးက ထုတ်ပြန်ပါတယ်။
မြန်မာ့နွေဦး

ကောလင်းမှာ စစ်တပ်စစ်ကြောင်းထိုးမှုကြောင့် ကျေးရွာ ၃၈ ရွာမှ ပြည်သူ ၄၀,၀၀၀ နီးပါး စစ်ဘေးရှောင်နေရပြီး ကျည်ထိမှန်ကာ ပြည်သူတစ်ဦး သေဆုံး

မဲခေါင်၊ ဖေဖော်ဝါရီ ၃ စစ်ကိုင်းတိုင်း၊ ကောလင်းမြို့နယ်မှာ စစ်ကောင်စီ စစ်ကြောင်းထိုး ဝင်ရောက်မှုကြောင့် ကျေးရွာ ၃၈ ရွာမှ ဒေသခံ ပြည်သူ ၄၀,၀၀၀ နီးပါး စစ်ဘေးရှောင်နေရပြီး ကျည်ထိမှန်ကာ ပြည်သူ တစ်ဦး သေဆုံးခဲ့တယ်လို့
မြန်မာ့နွေဦး

စစ်တပ်က ရှေ့တန်းတပ်စခန်းသို့ လေကြာင်းက ရိက္ခာပို့စဉ် တိုက်လေယာဉ်‌တွေနဲ့ ဗုံးသီးကြဲချ

မဲခေါင်၊ ဖေဖော်ဝါရီ ၃ ကရင်ပြည်နယ်၊ တပ်မဟာ (၅) နယ်မြေရှိ စစ်ကောင်စီ ရှေ့တန်းတပ်စခန်းဖြစ်တဲ့ ကဟီးကျိုးစခန်းကို ကုန်းကြောင်းနဲ့ စားနပ်ရိက္ခာ သယ်ယူပို့ဆောင်မှု မပြုနိုင်တော့လို့ လေကြောင်းအသုံးပြုကာ စားနပ်ရိက္ခာတွေ လာရောက်ပို့ဆောင်စဉ် တိုက်လေယာဉ်‌တွေနဲ့ ဗုံးသီးကြဲချခဲ့တယ်လို့ သိရပါတယ်။
မြန်မာ့နွေဦး

တာချီလိတ်မြို့နယ်လဝကရုံးအနီးဖောက်ခွဲမှုလုပ်ခဲ့တယ်လို့အရှေ့ပိုင်းနဂါးအဖွဲ့အသိပေး

တာချီလိတ်မြို့နယ် လူဝင်မှုကြီးကြပ်ရေးရုံးနဲ့ ဆောက်လုပ်ရေးရုံးအနီးမှာ ပေါက်ကွဲခဲ့တဲ့ ဖောက်ခွဲမှုကို ပြုလုပ်ခဲ့တယ်လို့ အရှေ့ပိုင်းနဂါးအဖွဲ့က ဖေဖော်ဝါရီလ ၂ရက်မှာ အသိပေးထုတ်ပြန်ပါတယ်။
မြန်မာ့နွေဦး

မြန်မာ့အရေး ဂျပန်အစိုးရအနေနဲ့ ဖိအားပေးဆောင်ရွက်ဖို့ ဂျပန်လွှတ်တော်အမတ် ၅၆ ဦး လက်မှတ်ထိုး တောင်းဆို

မဲခေါင်၊ ဖေဖော်ဝါရီ ၂ မြန်မာ့အရေးကို ဂျပန်အစိုးရ အနေနဲ့ ဖိအားပေး ဆောင်ရွက်နိုင်ဖို့ ဂျပန်အထက် လွှတ်တော်နဲ့ အောက်လွှတ်တော် အမတ် ၅၆ ဦးက လက်မှတ်ရေးထိုး တောင်းဆိုထားတဲ့ တောင်းဆိုလွှာ အပါအဝင် ကျန်တောင်းဆိုလွှာတွေကို ဂျပန်
မြန်မာ့နွေဦး

နိုဘယ်ငြိမ်းချမ်းရေးဆု တင်သွင်းစာရင်းမှာ သံအမတ်ကြီး ဦးကျော်မိုးထွန်းနဲ့ NUCC ပါဝင်

မဲခေါင်၊ ဖေဖော်ဝါရီ ၂ ၂၀၂၃ ခုနှစ်အတွက် နိုဘယ် ငြိမ်းချမ်းရေးဆု တင်သွင်းဖို့ စာရင်း ထုတ်ပြန်ရာမှာ ကုလသမဂ္ဂဆိုင်ရာ မြန်မာ သံအမတ်ကြီး ဦးကျော်မိုးထွန်းနဲ့ အမျိုးသား ညီညွတ်ရေး အတိုင်ပင်ခံ ကောင်စီ NUCC တို့