မြန်မာ့နွေဦး

စစ်ကောင်စီက စီဒီအမ်ဆရာဝန်တွေကို ပိုပြီးအညှိုးတကြီး ပစ်မှတ်ထား ဒုက္ခပေးလာ

မဲခေါင် 14 Jan - 2023
မဲခေါင်၊ ဇန်နဝါရီ ၁၄ ၂၀၂၁ ဖေဖော်ဝါရီလက စစ်အာဏာသိမ်းမှုကို ညီညီညွတ်ညွတ်ဆန့်ကျင်ပြီး CDM လုပ်ခဲ့ကြတဲ့ ဆရာဝန်တွေနဲ့ ဆေးဘက်ဆိုင်ရာ အလုပ်သမားတွေကို စစ်ကောင်စီက ပိုပြီးအညှိုးတကြီးနဲ့ ပစ်မှတ်ထားဖမ်းဆီးနေတယ်လို့ ကျန်းမာရေးစီဒီအမ်လုပ်သားတွေက အခိုင်အမာပြောဆိုနေကြပါတယ်။

မဲခေါင်၊ ဇန်နဝါရီ ၁၄

၂၀၂၁ ဖေဖော်ဝါရီလက စစ်အာဏာသိမ်းမှုကို ညီညီညွတ်ညွတ်ဆန့်ကျင်ပြီး CDM လုပ်ခဲ့ကြတဲ့ ဆရာဝန်တွေနဲ့ ဆေးဘက်ဆိုင်ရာ အလုပ်သမားတွေကို စစ်ကောင်စီက ပိုပြီးအညှိုးတကြီးနဲ့ ပစ်မှတ်ထားဖမ်းဆီးနေတယ်လို့ ကျန်းမာရေးစီဒီအမ်လုပ်သားတွေက အခိုင်အမာပြောဆိုနေကြပါတယ်။

ပြည်သူ့အစိုးရကို ဖမ်းဆီးပြီး စစ်အာဏာသိမ်းမှုကို လက်မခံလို့ ဆရာဝန်၊ သူနာပြု၊ ဆေးဘက်ဆိုင်ရာကျွမ်းကျင် သူတွေ၊ ကျန်းမာရေးဝန်ထမ်းတွေ စုစုပေါင်း ၆၀၀၀၀ ဟာ စီဒီအမ်လုပ်ပြီး စစ်ကောင်စီ ယန္တရား မလည်ပတ်ဖို့ ဆန့်ကျင်ဆန္ဒပြခဲ့ကြပါတယ်။

ဒီနေ့ အတင်းအကျပ် အလုပ်ပြန်လုပ်ခိုင်းမှုနဲ့ အကြောင်းအမျိုးမျိုးကြောင့် ပြန်လည် တာဝန်ထမ်းနေတဲ့ ဆေးဘက်ဆိုင်ရာ ဝန်ထမ်းတွေ ရှိပေမယ့် ဒီနေ့အထိ စီဒီအမ်လုပ်ထားဆဲက ၄၅၀၀၀ ရှိတယ်လို့ CDM ဆေးဘက်ဆိုင်ရာ ကွန်ရက် သတင်းရင်းမြစ်အရ သိရပါတယ်။

အာဏာသိမ်းပြီးကတည်းက စစ်ကောင်စီဟာ ဆရာဝန်နဲ့ ဆေးဘက်ဆိုင်ရာ ပရော်ဖက်ရှင်နယ်တွေကို ဖမ်းဆီးခဲ့တာ ၃၅၅ ယောက်ရှိပြီး CDM လုပ်လို့ ဆရာဝန်လိုင်စင်သိမ်းခဲ့တာ ၅၅၇ ယောက်ရှိပါတယ်။

ဆန္ဒပြမှုတွေကနေစပြီး ဆေးဘက်ဆိုင်ရာပရော်ဖက်ရှင်နယ်တွေ စစ်တပ်ရဲ့ ရက်စက်မှုကြောင့် သေဆုံးရတာ ၈၃ ယောက်ရှိပြီး ဒဏ်ရာ ရသူပေါင်း ၇၈၉ ယောက်ရှိတယ်လို့ စီဒီအမ်ဆေးဘက်ဆိုင်ရာကွန်ရက် အဖွဲ့က ကြေညာထားတယ်။

RFA ရဲ့ သတင်းတွေအရ ပြီးခဲ့တဲ့ ဒီဇင်ဘာလတစ်လတည်းမှာ ဆေးဘက်ဆိုင်ရာ ပညာရှင် အနည်းဆုံး ၁၅ ယောက် ထပ်မံဖမ်းဆီးခံရတယ်လို့ သိရပါတယ်။

CDM ဆေးဘက်ဆိုင်ရာကွန်ရက်က CDM ဆရာဝန် ဒေါက်တာစစ်မင်းနိုင်က “စစ်ကောင်စီဟာ ဆေးဘက်ဆိုင်ရာပညာရှင်တွေကို ဆန့်ကျင်သူမှန်သမျှ ရန်သူတော် တွေအဖြစ်သတ်မှတ်ပြီး ပစ်မှတ်ထားဖမ်းဆီးမှုတွေပိုလုပ်လာတယ်။ ကျွန်တော်တို့က ပြည်သူဆန္ဒကို ဆန့်ကျင်၊ မတရားအာဏာသိမ်းတဲ့ အကြမ်းဖက်အုပ်စုအောက်မှာ ဆက်ပြီးအလုပ်မလုပ်ချင်လို့ စီဒီအမ်လုပ်ခဲ့ကြတာပါ” လို့ ပြောသွားခဲ့တယ်။

NUG အစိုးရလက်အောက်က အမျိုးသားကျန်းမာရေးနှင့်ပညာရေးဝန်ကြီးတာဝန်ယူထားတဲ့ ဒေါက်တာဇော်ဝေစိုး ကလည်း ဆရာဝန်တွေကို ဖမ်းဆီးသတ်ဖြတ်နေတာ မြန်မာနိုင်ငံကို စစ်ကောင်စီက ဖျက်ဆီးပစ်နေတာပဲ၊ တစ်ကိုယ် ကောင်းသမားတွေက အာဏာတည်မြဲဖို့အားလုံးကို ချနင်းတာပဲ၊ လုံး၀ မဖြစ်သင့်တာတွေပါ လို့ ဝေဖန် သွားခဲ့တယ်။

ဒီဇင်ဘာလအတွင်းဖမ်းဆီးခံခဲ့ရတဲ့ဆရာဝန်တွေထဲမှာ မန္တလေးဆေးတက္ကသိုလ်က ဆီးလမ်းကြောင်းနဲ့ ကျောက်ကပ်ခွဲစိတ်ပါရဂူ ဒေါက်တာဝင်းခိုင်ပါဝင်ပြီး သူ့ကိုဆေးခန်းမှာ အရပ်ဝတ်နဲ့လာဖမ်းပြီးနောက် ဆက်စပ်တဲ့ ဆရာဝန်တွေကို ထပ်ရှာဖွေဖမ်းဆီးနေပါတယ်။

ဒါအပြင် မန္တလေးက ပုဂ္ဂလိက ဆေးရုံ ငါးရုံကိုလည်း ပိတ်လိုက်ပါတယ်။ ကလေးပြည်သူ့ဆေးရုံက ဆရာဝန် မြင့်မိုကျော်နဲ့ ဆက်စက်သူတွေကိုလည်း စီဒီအမ်မှာပါဝင် တယ်ဆိုပြီး ဖမ်းဆီးခဲ့ပါတယ်။

MKF – 001
Ref:RFA

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)

Mekong News

Mekong News

About Author

မဲခေါင်သတင်းဌာနမှ အကြီးတန်းတာဝန်ခံ အွန်လိုင်းအယ်ဒီတာတစ်ယောက် ဖြစ်သည်။ သတင်းမီဒီယာကျင့်ဝတ်၊ လူသားကျင့်ဝတ်တို့ကို လိုက်နာပြီး သတင်းများကို တင်ဆက်သွားမည် ဖြစ်သည်။

Related News

မြန်မာ့နွေဦး

စစ်ကောင်စီခန့်ရှမ်းပြည်နယ်စစ်ဝန်ကြီးချုပ် (သို့) မိုဆိုလူသတ်သမား

အာဏာသိမ်း ၂ နှစ်ပြည့်နေ့ ဖေဖော်ဝါရီလ ၁ ရက်နေ့မှာ စစ်ခေါင်းဆောင် မင်းအောင်လှိုင်က ရှမ်းပြည်နယ်နဲ့ ကရင်နီပြည်ကို တာဝန်ယူ ကိုင်တွယ်ခဲ့တဲ့
မြန်မာ့နွေဦး

ဖက်ဒရယ်နဲ့ ဒီမိုကရေစီလိုလားတဲ့ အင်အားစုတွေနဲ့လက်တွဲဖို့ SSPP ဆုံးဖြတ်

မဲခေါင်၊ ဖေဖော်ဝါရီ ၃ ဖက်ဒရယ်နဲ့ ဒီမိုကရေစီ လိုလားတဲ့ အင်အားစုတွေနဲ့ လက်တွဲသွားမယ်လို့ ရှမ်းတော်လှန်ရေး အင်အားစု ဖြစ်တဲ့ ရှမ်းပြည်တိုးတက်ရေးပါတီ-SSPP
မြန်မာ့နွေဦး

ဟုမ္မလင်းမှာ ရဟတ်ယာဉ်တစ်စီးကို PDF ပစ်ချ

မဲခေါင်၊ ဖေဖော်ဝါရီ ၃ စစ်ကိုင်းတိုင်း၊ ဟုမ္မလင်းမြို့နယ်၊ ရွှေပြည်အေးမြို့သစ်အနီးမှာ ဖြစ်ပွားခဲ့တဲ့ တိုက်ပွဲအတွင်း စစ်တပ်ရဲ့ ရဟတ်ယာဉ်တစ်စီးကို ပြည်သူ့ကာကွယ်ရေးတပ်တွေက ပစ်ချနိုင်ခဲ့တယ်လို့ NUG က ဒီကနေ့ ထုတ်ပြန်ပါတယ်။
မြန်မာ့နွေဦး

မန္တလေးမြို့တော်ဝန် ဒေါက်တာရဲလွင်ကို စစ်ကောင်စီက ထောင်ဒဏ် ၂ နှစ်ထပ်ချ

မဲခေါင်၊ ဖေဖော်ဝါရီ ၃ မန္တလေးမြို့တော်ဝန် ဒေါက်တာရဲလွင်ကို နိုင်ငံဘဏ္ဍာငွေ အလွဲသုံးမှုနဲ့ စစ်ကောင်စီက ဒီကနေ့ ထောင်ဒဏ် ၂ နှစ် ထပ်ချလိုက်တယ်လို့ နီးစပ်တဲ့ အသိုင်းအဝိုင်းမှ သိရပါတယ်။
မြန်မာ့နွေဦး

Spring Bliss နွေဦးစံရိပ်မွန် အိမ်ရာတွေ စတင်ရောင်းချပေးတော့မယ်

မဲခေါင်၊ ဖေဖော်ဝါရီ ၃ Spring Bliss 1-2-3 (နွေဦးစံရိပ်မွန် ၁၊၂၊၃ အိမ်ရာတွေကို ဖေဖေါ်ဝါရီလ ၁၁ ရက်နေ့က စတင် ရောင်းချပေးသွားမှာဖြစ်တယ်လို့ သိရပါတယ်။
မြန်မာ့နွေဦး

NUG ယာယီသမ္မတရဲ့ လူမှုကွန်ရက်စာမျက်နှာ တိုက်ခိုက်ခံရ

မဲခေါင်၊ ဖေဖော်ဝါရီ ၃ အမျိုးသား ညီညွတ်ရေး အစိုးရ၊ ယာယီ သမ္မတဒူဝါလရှီးလ ရဲ့ လူမှုကွန်ရက်-Facebook စာမျက်နှာ တိုက်ခိုက်ခံခဲ့ရတယ်လို့ သမ္မတရုံးက ထုတ်ပြန်ပါတယ်။
မြန်မာ့နွေဦး

ကောလင်းမှာ စစ်တပ်စစ်ကြောင်းထိုးမှုကြောင့် ကျေးရွာ ၃၈ ရွာမှ ပြည်သူ ၄၀,၀၀၀ နီးပါး စစ်ဘေးရှောင်နေရပြီး ကျည်ထိမှန်ကာ ပြည်သူတစ်ဦး သေဆုံး

မဲခေါင်၊ ဖေဖော်ဝါရီ ၃ စစ်ကိုင်းတိုင်း၊ ကောလင်းမြို့နယ်မှာ စစ်ကောင်စီ စစ်ကြောင်းထိုး ဝင်ရောက်မှုကြောင့် ကျေးရွာ ၃၈ ရွာမှ ဒေသခံ ပြည်သူ ၄၀,၀၀၀ နီးပါး စစ်ဘေးရှောင်နေရပြီး ကျည်ထိမှန်ကာ ပြည်သူ တစ်ဦး သေဆုံးခဲ့တယ်လို့
မြန်မာ့နွေဦး

စစ်တပ်က ရှေ့တန်းတပ်စခန်းသို့ လေကြာင်းက ရိက္ခာပို့စဉ် တိုက်လေယာဉ်‌တွေနဲ့ ဗုံးသီးကြဲချ

မဲခေါင်၊ ဖေဖော်ဝါရီ ၃ ကရင်ပြည်နယ်၊ တပ်မဟာ (၅) နယ်မြေရှိ စစ်ကောင်စီ ရှေ့တန်းတပ်စခန်းဖြစ်တဲ့ ကဟီးကျိုးစခန်းကို ကုန်းကြောင်းနဲ့ စားနပ်ရိက္ခာ သယ်ယူပို့ဆောင်မှု မပြုနိုင်တော့လို့ လေကြောင်းအသုံးပြုကာ စားနပ်ရိက္ခာတွေ လာရောက်ပို့ဆောင်စဉ် တိုက်လေယာဉ်‌တွေနဲ့ ဗုံးသီးကြဲချခဲ့တယ်လို့ သိရပါတယ်။