မဲခေါင်၊ မတ် ၂၀
ပြည်သူတွေကို ဖမ်းဆီး သတ်ဖြတ်နေတဲ့ စစ်ကောင်စီကို ဖားယားနေတဲ့ အနုအပညာရှင် အမည်ခံတွေနဲ့ ကုန်ပစ္စည်း ကြော်ငြာတာတွေ မလုပ်ဖို့ ရှမ်းပြည်နယ် မြောက်ပိုင်းက စီးပွားရေး လုပ်ငန်းရှင်တွေကို မူဆယ်ဗျူဟာ- Tactic of MUSE က မနေ့က သတိပေးလိုက်ပါတယ်။
စစ်ကောင်စီနဲ့ ပတ်သက်နေတဲ့ ကုန်ပစ္စည်းတွေကို လက်လီ လက်ကား ဖြန့်ဖြူးတာ၊ မှောင်ခို ရောင်းတာတွေကို ရပ်တန်းက ရပ်ဖို့၊ ကိုယ်ပိုင် စီးပွားရေး လုပ်ငန်းတွေက ထွက်တဲ့ ကုန်ပစ္စည်းတွေကို ပြည်သူကို မကြည့်ဘဲ စစ်တပ်ကို ဖားနေတဲ့ အနုအပညာရှင် အမည်ခံတွေနဲ့ ကြော်ငြာတာတွေ မလုပ်ဖို့နဲ့ လုပ်လက်စ ဖြစ်နေပါက ရပ်တန့်ဖို့ မူဆယ်ဗျူဟာက မနေ့ညပိုင်းမှာ ပြောပါတယ်။
ထုတ်ပြန်ချက်ကို မလိုက်နာဘဲ ဆက်လုပ်နေမယ်ဆိုရင် ဖြစ်လာမဲ့ အကျိုးဆက်က မိမိတို့ရဲ့ လောဘကြောင့်သာ ဖြစ်ပြီး နောက်ထပ် သတိပေးနေမှာ မဟုတ်ဘူးလို့ မူဆယ်ဗျူဟာ-Tactic of MUSE ရဲ့ ထုတ်ပြန်ချက်မှာ ဖော်ပြထားပါတယ်။
ပြီးခဲ့တဲ့ ဖေဖော်ဝါရီ လဆန်းပိုင်းက မူဆယ်မြို့တော်ခန်းမ လက်ပစ်ဗုံး ပစ်မှု၊ လ.ဝ.က ရုံး ဗုံးခွဲမှုတွေကို လုပ်ခဲ့ကြောင်း မူဆယ်ဗျူဟာက အသိပေးထားပါတယ်။
MK-007
