မြန်မာ့နွေဦး

ချင်းတွင်းမြစ်ကြောင်းမှာ ဖြစ်ပွားတဲ့ ၁၂ ရက်ကြာတိုက်ပွဲအတွင်း စစ်ကောင်စီတပ်သား ၇၀ နီးပါးသေဆုံး

မဲခေါင် 3 Jan - 2023
စစ်ကိုင်းတိုင်း၊ ကနီနယ် ချင်းတွင်းမြစ်ကြောင်း တလျှောက် မြေပြင်ကရော ရေကြောင်းကပါ ဆန်တက်လာတဲ့ စစ်တပ်နဲ့ ဒေသကာကွယ်ရေးတပ်တွေ ၁၂ ရက်ကြာ တိုက်ပွဲ ဖြစ်ပွားခဲ့ရာ စစ်သား ၇၀ နီးပါး သေဆုံးတယ်လို့ Chindwin Tiger Force တပ်ဖွဲ့မှ မနေ့က ထုတ်ပြန်ပါတယ်။

ဒီဇင်ဘာ ၁၈ ရက်နေ့ ညနေပိုင်းက စပြီး ချင်းတွင်းမြစ်ကြောင်း အတိုင်း ဆန်တက်လာတဲ့ စစ်တပ်ဟာ မြစ်ဘေးက ကျေးရွာတွေကို စီးနင်းဝင်မွှေ သောင်းကျန်းခဲ့တာ ဖြစ်ပြီး ဒီဇင်ဘာ ၁၉ ရက်၊ ၂၁ ရက်၊ ၂၃ ရက်နဲ့ ၂၅ ရက်မှာ တိုက်ပွဲ တစ်ကြိမ်စီ ဖြစ်ပွားပြီး ၂၈ ရက်မှာ ၂ ကြိမ်၊ စုစုပေါင်း တိုက်ပွဲ ၆ ကြိမ် ဖြစ်ပွားခဲ့တာလို့ သိရပါတယ်။

ချင်းတွင်းမြစ်ကြောင်း အတိုင်း ဆန်တက်လာတဲ့ စစ်တပ် ရိက္ခာတင် ဖလပ်ခွံတွေကို လိုက်ပါ စောင့်ရှောက်တဲ့ စစ်တပ် အင်အား ၁၀၀ ကျော်နဲ့ ၁၂ ရက်ကြာ တိုက်ပွဲ ဖြစ်ပွားခဲ့ရာ စစ်တပ် စစ်ကြောင်းဘက်မှ အထိနာခဲ့တယ် လို့ နဂါးညီနောင် အထူးတပ်ဖွဲ့က ထုတ်ပြန်ထားပါတယ်။

ဒီတိုက်ပွဲကာလ ၁၂ ရက်အတွင်းမှာ တိုက်ပွဲ ၆ ကြိမ်ဖြစ်ခဲ့ပြီး စစ်ကောင်စီဘက်မှ အင်အား ၇၀ အထက်ကို သုတ်သင် ရှင်းလင်းနိုင်ခဲ့ပြီး ဒဏ်ရာရသူတွေ ရှိခဲ့တယ်လို့ သိရပါတယ်။

၁၂ ရက်ကြာ တိုက်ပွဲမှာ စစ်တပ် စစ်ကြောင်း အထိနာခဲ့လို့ လေကြောင်း ပစ်ကူသုံးပြီး တိုက်ခိုက်ခဲ့တယ် လို့လည်း Chindwin Tiger Force တပ်ဖွဲ့မှ ထုတ်ပြန်ထားပါတယ်။

အဲဒီတိုက်ပွဲတွေမှာ နဂါးညီနောင် အထူးတပ်ဖွဲ့ ရဲဘော် ၃ ဦးနဲ့ မဟာမိတ်တပ် ရဲဘော် ၂ ဦး နိုင်ငံ့ အတွက် မြင့်မြတ်စွာ အသက်ပေးလှူခဲ့ကြပြီး ဒဏ်ရာရ ရဲဘော် ၁၀ ဦးကတော့ အသက်အန္တရာယ် မစိုးရိမ်ရဘူးလို့ ကာကွယ်ရေးတပ်ဖွဲ့တွေက ထုတ်ပြန်ထားပါတယ်။

လက်ရှိမှာတော့ စစ်တပ် စစ်ကြောင်းဟာ ကနီနယ်ကနေ အထက်ဘက် ဆက်လက် ဆန်တက်နေတယ်လို့ ကနီနယ်က ကျေးရွာတွေ အပါအဝင် မြစ်ကမ်းဘေးရွာတွေက ဒေသခံပြည်သူတွေ ထွက်ပြေးနေရပါတယ်။

ဒီတိုက်ပွဲတွေကို Chindwin Tiger-PDF ၊ နဂါးညီနောင် အထူးတပ်ဖွဲ့၊ KLG- တပ်မဟာ၊ Alpha Special Force၊ Truth Of Force၊ Triple Two၊ ချင်းတွင်းဂဠုန်ရာဇာ၊ Yinmarbin Local PDF၊ Yoma Fighter PDF၊ ဗိုလ်မုတ်ဆိတ်-တပ်ခွဲ၊ ရတနာပုံတော်လှန်ရေးတပ်ဖွဲ့၊ ဗျတ္တညီနောင်၊ ချိုမိုင်မိုင်၊ B 21 PDF၊ ချင်းတွင်းတိုက်ဂါး-LPDF၊ ထန်းထပင်-LPDF စတဲ့ ဒေသကာကွယ်ရေး မဟာမိတ်တပ်တွေ ပူးပေါင်း တိုက်ခိုက်ခဲ့တာပါ။

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)

Mekong News

Mekong News

About Author

မဲခေါင်သတင်းဌာနမှ အကြီးတန်းတာဝန်ခံ အွန်လိုင်းအယ်ဒီတာတစ်ယောက် ဖြစ်သည်။ သတင်းမီဒီယာကျင့်ဝတ်၊ လူသားကျင့်ဝတ်တို့ကို လိုက်နာပြီး သတင်းများကို တင်ဆက်သွားမည် ဖြစ်သည်။

Related News

မြန်မာ့နွေဦး

စစ်ကောင်စီခန့်ရှမ်းပြည်နယ်စစ်ဝန်ကြီးချုပ် (သို့) မိုဆိုလူသတ်သမား

အာဏာသိမ်း ၂ နှစ်ပြည့်နေ့ ဖေဖော်ဝါရီလ ၁ ရက်နေ့မှာ စစ်ခေါင်းဆောင် မင်းအောင်လှိုင်က ရှမ်းပြည်နယ်နဲ့ ကရင်နီပြည်ကို တာဝန်ယူ ကိုင်တွယ်ခဲ့တဲ့
မြန်မာ့နွေဦး

ဖက်ဒရယ်နဲ့ ဒီမိုကရေစီလိုလားတဲ့ အင်အားစုတွေနဲ့လက်တွဲဖို့ SSPP ဆုံးဖြတ်

မဲခေါင်၊ ဖေဖော်ဝါရီ ၃ ဖက်ဒရယ်နဲ့ ဒီမိုကရေစီ လိုလားတဲ့ အင်အားစုတွေနဲ့ လက်တွဲသွားမယ်လို့ ရှမ်းတော်လှန်ရေး အင်အားစု ဖြစ်တဲ့ ရှမ်းပြည်တိုးတက်ရေးပါတီ-SSPP
မြန်မာ့နွေဦး

ဟုမ္မလင်းမှာ ရဟတ်ယာဉ်တစ်စီးကို PDF ပစ်ချ

မဲခေါင်၊ ဖေဖော်ဝါရီ ၃ စစ်ကိုင်းတိုင်း၊ ဟုမ္မလင်းမြို့နယ်၊ ရွှေပြည်အေးမြို့သစ်အနီးမှာ ဖြစ်ပွားခဲ့တဲ့ တိုက်ပွဲအတွင်း စစ်တပ်ရဲ့ ရဟတ်ယာဉ်တစ်စီးကို ပြည်သူ့ကာကွယ်ရေးတပ်တွေက ပစ်ချနိုင်ခဲ့တယ်လို့ NUG က ဒီကနေ့ ထုတ်ပြန်ပါတယ်။
မြန်မာ့နွေဦး

မန္တလေးမြို့တော်ဝန် ဒေါက်တာရဲလွင်ကို စစ်ကောင်စီက ထောင်ဒဏ် ၂ နှစ်ထပ်ချ

မဲခေါင်၊ ဖေဖော်ဝါရီ ၃ မန္တလေးမြို့တော်ဝန် ဒေါက်တာရဲလွင်ကို နိုင်ငံဘဏ္ဍာငွေ အလွဲသုံးမှုနဲ့ စစ်ကောင်စီက ဒီကနေ့ ထောင်ဒဏ် ၂ နှစ် ထပ်ချလိုက်တယ်လို့ နီးစပ်တဲ့ အသိုင်းအဝိုင်းမှ သိရပါတယ်။
မြန်မာ့နွေဦး

Spring Bliss နွေဦးစံရိပ်မွန် အိမ်ရာတွေ စတင်ရောင်းချပေးတော့မယ်

မဲခေါင်၊ ဖေဖော်ဝါရီ ၃ Spring Bliss 1-2-3 (နွေဦးစံရိပ်မွန် ၁၊၂၊၃ အိမ်ရာတွေကို ဖေဖေါ်ဝါရီလ ၁၁ ရက်နေ့က စတင် ရောင်းချပေးသွားမှာဖြစ်တယ်လို့ သိရပါတယ်။
မြန်မာ့နွေဦး

NUG ယာယီသမ္မတရဲ့ လူမှုကွန်ရက်စာမျက်နှာ တိုက်ခိုက်ခံရ

မဲခေါင်၊ ဖေဖော်ဝါရီ ၃ အမျိုးသား ညီညွတ်ရေး အစိုးရ၊ ယာယီ သမ္မတဒူဝါလရှီးလ ရဲ့ လူမှုကွန်ရက်-Facebook စာမျက်နှာ တိုက်ခိုက်ခံခဲ့ရတယ်လို့ သမ္မတရုံးက ထုတ်ပြန်ပါတယ်။
မြန်မာ့နွေဦး

ကောလင်းမှာ စစ်တပ်စစ်ကြောင်းထိုးမှုကြောင့် ကျေးရွာ ၃၈ ရွာမှ ပြည်သူ ၄၀,၀၀၀ နီးပါး စစ်ဘေးရှောင်နေရပြီး ကျည်ထိမှန်ကာ ပြည်သူတစ်ဦး သေဆုံး

မဲခေါင်၊ ဖေဖော်ဝါရီ ၃ စစ်ကိုင်းတိုင်း၊ ကောလင်းမြို့နယ်မှာ စစ်ကောင်စီ စစ်ကြောင်းထိုး ဝင်ရောက်မှုကြောင့် ကျေးရွာ ၃၈ ရွာမှ ဒေသခံ ပြည်သူ ၄၀,၀၀၀ နီးပါး စစ်ဘေးရှောင်နေရပြီး ကျည်ထိမှန်ကာ ပြည်သူ တစ်ဦး သေဆုံးခဲ့တယ်လို့
မြန်မာ့နွေဦး

စစ်တပ်က ရှေ့တန်းတပ်စခန်းသို့ လေကြာင်းက ရိက္ခာပို့စဉ် တိုက်လေယာဉ်‌တွေနဲ့ ဗုံးသီးကြဲချ

မဲခေါင်၊ ဖေဖော်ဝါရီ ၃ ကရင်ပြည်နယ်၊ တပ်မဟာ (၅) နယ်မြေရှိ စစ်ကောင်စီ ရှေ့တန်းတပ်စခန်းဖြစ်တဲ့ ကဟီးကျိုးစခန်းကို ကုန်းကြောင်းနဲ့ စားနပ်ရိက္ခာ သယ်ယူပို့ဆောင်မှု မပြုနိုင်တော့လို့ လေကြောင်းအသုံးပြုကာ စားနပ်ရိက္ခာတွေ လာရောက်ပို့ဆောင်စဉ် တိုက်လေယာဉ်‌တွေနဲ့ ဗုံးသီးကြဲချခဲ့တယ်လို့ သိရပါတယ်။