မြန်မာ့နွေဦး

ကောလင်းမှာ စစ်တပ်စစ်ကြောင်းထိုးမှုကြောင့် ကျေးရွာ ၃၈ ရွာမှ ပြည်သူ ၄၀,၀၀၀ နီးပါး စစ်ဘေးရှောင်နေရပြီး ကျည်ထိမှန်ကာ ပြည်သူတစ်ဦး သေဆုံး

မဲခေါင် 3 Feb - 2023
မဲခေါင်၊ ဖေဖော်ဝါရီ ၃ စစ်ကိုင်းတိုင်း၊ ကောလင်းမြို့နယ်မှာ စစ်ကောင်စီ စစ်ကြောင်းထိုး ဝင်ရောက်မှုကြောင့် ကျေးရွာ ၃၈ ရွာမှ ဒေသခံ ပြည်သူ ၄၀,၀၀၀ နီးပါး စစ်ဘေးရှောင်နေရပြီး ကျည်ထိမှန်ကာ ပြည်သူ တစ်ဦး သေဆုံးခဲ့တယ်လို့ Kawlin Revolution -KR မှ သိရပါတယ်။

မဲခေါင်၊ ဖေဖော်ဝါရီ ၃

စစ်ကိုင်းတိုင်း၊ ကောလင်းမြို့နယ်မှာ စစ်ကောင်စီ စစ်ကြောင်းထိုး ဝင်ရောက်မှုကြောင့် ကျေးရွာ ၃၈ ရွာမှ ဒေသခံ ပြည်သူ ၄၀,၀၀၀ နီးပါး စစ်ဘေးရှောင်နေရပြီး ကျည်ထိမှန်ကာ ပြည်သူ တစ်ဦး သေဆုံးခဲ့တယ်လို့ Kawlin Revolution -KR မှ သိရပါတယ်။

ဇန်နဝါရီ ၂၇ ရက်မှ စတင်ကာ စစ်တပ် စစ်ကြောင်းတွေ ကျေးရွာတွေကို ဝင်ရောက်လာတာကြောင့် ဒေသခံ အိမ်ထောင်စု ၆,၀၄၂ စုနဲ့ ခရီးသွားကား ၉၆၈ စီးမှ စစ်ဘေးရှောင်တွေ အပါအဝင် လူဦးရေ ၄၀,၀၀၀ နီးပါး စစ်ဘေးရှောင်နေရတာပါ။

“ လက်ရှိအချိန် အထိကတော့ စစ်ရှောင်ရွာတွေ အရမ်းများတယ်။ ဒါပေမယ့် ပြည်သူကနေ ပြည်သူ ပြန်စောင့်ရှောက်တယ်။ ပြည်သူကနေ ပြည်သူ ပြန်စောင့်ရှောက်တဲ့ အစီအစဉ်မှာ ဒေသခံ ကာကွယ်ရေးနဲ့ အုပ်ချုပ်ရေး ပကဖ နဲ့ ပအဖတွေက ဝိုင်းဝန်း စောင့်ရှောက်ပေးတယ်။ အဓိကက လူသားစာနာကနေ စီမံ ကွပ်ကဲမှုတွေ ပြုလုပ်ပေးနေတယ်လို့ သိရပါတယ်” လို့ Kawlin Revolution -KR တာဝန်ရှိသူက ပြောပါတယ်။

ဇန်နဝါရီ ၃၁ ရက်နဲ့ ဖေဖော်ဝါရီ ၁ ရက်အထိ ရရှိထားတဲ့ စာရင်းတွေအရ စစ်ကြောင်းထိုး ဝင်ရောက်စဉ် ပစ်ခတ်တဲ့ လက်နက်ကြီးနဲ့ ကျည်ထိမှန်မှုကြောင့် ဒေသခံပြည်သူ ၁၀ ဦး ထိခိုက်ကာ တစ်ဦး သေဆုံးခဲ့တယ်လို့ သိရပါတယ်။

ဇန်နဝါရီ ၂၉ ရက် ညနေပိုင်းမှာ စစ်ကောင်စီတပ်က ကျောက်တန်းရွာထဲသို့ ဝင်ရောက်ခဲ့ပြီး ၃၁ ရက်နေ့မှာ ကျောက်တန်းရွာကနေ လက်နက်ကြီးနဲ့ ပစ်ခတ်ခဲ့ရာ ခံသာရွာမှ ဒေါ်ခင်ဝင်း -ပေါင်ကျည်ထိမှန်၊ ဦးညွှန့်အောင်-လက်နက်ကြီးစ ထိမှန်၊ ကိုဖြိုးဝေ-ခြေထောက်ကျည်ထိမှန်၊ မှိုဝရွာမှ ဒေါ်သန်းကြည်-လက်နက်ကြီးစ ထိမှန်၊ ညောင်ပင်သာရွာမှ ကိုအောင်ကိုဝင်း- လက်နက်ကြီးစ ထိမှန်တို့ ထိခိုက်ဒဏ်ရာ ရရှိခဲ့ပါတယ်။

အလားတူ ဖေဖော်ဝါရီ ၁ ရက်နေ့ မနက် ၆ နာရီမှာ ခံသာရွာမှ ညောင်ပင်သာရွာသို့ ဝင်လာတဲ့ စစ်ကောင်စီ စစ်ကြောင်း ပစ်ခတ်မှုကြောင့် ညောင်ပင်သာရွာမှ ၃၄ နှစ်ရွယ် ကိုဇော်ဝင်းနိုင် လည်ပင်း ကျည်ထိမှန် သေဆုံးခဲ့ပါတယ်။

ဒါ့အပြင် ကရွတ်တာရွာမှ ဦးမောင်ရွှေ၊ ဒေါ်သန်းဌေး၊ ရှိုင်းထက်အောင်နဲ့ ညောင်ပင်သာရွာမှ မမြင့်ဝင်း တို့ လက်နက်ကြီးစ ထိမှန် ဒဏ်ရာ အသီးသီးရခဲ့တယ်လို့ ဆိုပါတယ်။

“ မနေ့က ရွာတွေ မီးရှို့ခံရတာ မရှိသေးဘူး။ ၁ ရက်နေ့ကတော့ မနက် ၆ နာရီလောက်မှာ ညောင်ပင်သာရွာကို ပစ်ဝင်ဝင်လာပြီး မီးရှို့တယ်၊ အိမ် ၂ လုံး ပါသွားတယ်” လို့ ဒေသခံတစ်ဦးက ပြောပါတယ်။

ဇန်နဝါရီ ၂၇ ရက်က စစ်ကြောင်း ၂ ကြောင်း ဝင်လာစဉ် ကုက္ကိုကုန်း၊ ပေပင်ချောင်၊ ညောင်ကုန်း၊ လျှော်ကုန်း၊ ဇီးဖြူကုန်း၊ ဝါးသီးကုန်း၊ ဝက်သဲကုန်း၊ ပေါက်ကုန်း၊ ပေါက်တော၊ တောင်ဘို့လှ၊ သုံးတင်ထပ်၊ နှောကုန်း စတဲ့ ကျေးရွာတွေက ဒေသခံတွေ စစ်ဘေးရှောင်ခဲ့ရပါတယ်။

ဇန်နဝါရီ ၂၈ ရက်က စစ်ကြောင်း ထိုးစဉ် စစ်ရှောင်ရတဲ့ ရွာတွေမှာ သဲချောင်း ရွာဟောင်း၊ သဲချောင်း ရွာသစ်၊ ရှောက်ပင်ခြုံ၊ ကျောက်ပြင်သာ၊ မင်းကုန်း၊ အင်ပင်လှရွာတွေ ဖြစ်တယ်လို့ သိရပါတယ်။

အလားတူ ဇန်နဝါရီ ၂၉ ရက်နေ့ စစ်ကြောင်းထိုးစဉ် စစ်ရှောင်ရတဲ့ ရွာတွေမှာ ငါးကြီးအိုင်၊ မြင့်ဒူး၊ ပေကုန်း၊ မကျီးကုန်း၊ ရှမ်းကုန်း၊ ကျောက်တန်း၊ သစ်ဆိမ့်ကုန်း၊ အင်းတက်၊ ညောင်ပင်သာ၊ ခံသာ၊ မုတ်ဝ၊ ဖက်ခါးကုန်း၊ ကြိတ်သီတာကုန်း (ရွာအခေါ်)၊ စိန်ပန်းကုန်း၊ ဆင်ကုန်း၊ ဖလဲ၊ ရွာရှည်၊ ပဒုမ္မာ၊ ကြိုးကြာဥ၊ ကရွတ်တာ ကျေးရွာတို့ ဖြစ်တယ်လို့ ဆိုပါတယ်။

လက်ရှိ ကောလင်းမြို့နယ်က ကျေးရွာ တစ်ချို့မှာ ဒေသခံ PDF တွေနဲ့ စစ်ကောင်စီတပ်ဖွဲ့ တိုက်ပွဲတွေ ရှိနေပေမယ့် ဒေသခံ ကာကွယ်ရေးတပ်ဘက်က အသေးစား ထိခိုက်မှုတွေသာ ရှိ‌တယ်လို့ သိရပါတယ်။

MK-003

#MeKongNews

#ကောလင်းမြို့နယ်

#စစ်ကြောင်းထိုး

#စစ်ဘေးရှောင်

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)

Mekong News

Mekong News

About Author

မဲခေါင်သတင်းဌာနမှ အကြီးတန်းတာဝန်ခံ အွန်လိုင်းအယ်ဒီတာတစ်ယောက် ဖြစ်သည်။ သတင်းမီဒီယာကျင့်ဝတ်၊ လူသားကျင့်ဝတ်တို့ကို လိုက်နာပြီး သတင်းများကို တင်ဆက်သွားမည် ဖြစ်သည်။

Donate

လွတ်လပ်တဲ့ မီဒီယာအဖြစ် ရေရှည်ရပ်တည်နိုင်ရေးအတွက် ...

သင်တို့ အကူအညီကို လိုအပ်နေပါတယ်။

Donate Now

Related News

စစ်ရေးသတင်း ဒေသတွင်းသတင်း မြန်မာ့နွေဦး

ဆီဆိုင်မြို့ တစ်လပြည့် တိုက်ပွဲတွေအတွင်း အရပ်သား ၄၀ ဦး သေဆုံးပြီး ဒဏ်ရာရသူ ၅၁ ဦးရှိ

ရှမ်းပြည်နယ်တောင်ပိုင်း၊ ဆီဆိုင်မြို့တိုက်ပွဲကာလအတွင်း အရပ်သား သေဆုံးမှု ၄၀ ဦးရှိနေပြီး ဒဏ်ရာရသူ ၅၁ ဦးရှိခဲ့တယ်လို့ ပအိုဝ်းလူငယ်အစည်းအရုံး(Pa-o Youth Organization)
စစ်ရေးသတင်း ဒေသတွင်းသတင်း မြန်မာ့နွေဦး

ဟိုပုံးတိုက်ပွဲ စစ်ကောင်စီ ဗိုလ်မှူးအဆင့်ရှိသူ ၂ ဦးအပါ အလောင်း ၁၆ လောင်းသိမ်းမိတယ်လို့ PNLA ထုတ်ပြန်

ရှမ်းပြည်တောင်ပိုင်း၊ ဟိုပုံးမြို့နယ်ရဲ့အရှေ့ဘက်ခြမ်းမှာ စစ်ကောင်စီတပ်နဲ့တိုက်ပွဲတွေ ယမန်နေ့ ဖေဖော်ဝါရီ ၂၅ ရက်က ဖြစ်ပွားခဲ့ပြီး စစ်ကေင်စီဘက်က ဗိုလ်မှူးအဆင့် ၂ ဦးအပါ

Donate

လွတ်လပ်တဲ့ မီဒီယာအဖြစ် ရေရှည်ရပ်တည်နိုင်ရေးအတွက် ...

သင်တို့ အကူအညီကို လိုအပ်နေပါတယ်။

Donate Now
စစ်ရေးသတင်း ဒေသတွင်းသတင်း မြန်မာ့နွေဦး

ရှမ်းတောင်က ဒရုန်းတပ်ဖွဲ့နှစ်ခုအတွက် “ Cherry Land “ ဒရုန်းကမ်ပိန်း ပြုလုပ်

ကရင်နီပြည်ခေတ္တအခြေစိုက်၊ ရှမ်းပြည်တောင်ပိုင်းက ဒရုန်းတပ်ဖွဲ့နှစ်ခုဖြစ်တဲ့ Danu Drone Force နဲ့ Special Operation Drone Force တပ်ဖွဲ့တို့က မြေပြင်မှာ အရေးပါပြီး လိုအပ်နေတဲ့ ဒရုန်းကမ်ပိန်းကို ဖေဖော်ဝါရီလ ၁၉ ရက်ကစပြီး တလ

Donate

လွတ်လပ်တဲ့ မီဒီယာအဖြစ် ရေရှည်ရပ်တည်နိုင်ရေးအတွက် ...

သင်တို့ အကူအညီကို လိုအပ်နေပါတယ်။

Donate Now
ဒေသတွင်းသတင်း မြန်မာ့နွေဦး

စစ်တပ်ဖမ်းတာခံရတဲ့ တာချီလိတ်အွန်လိုင်းလောင်းကစားလုပ်ငန်း တလ ဘတ်သိန်းနဲ့ချီပြီး ရဲကို လိုင်းကြေးပေးထားရ

တာချီလိတ်မြို့က လူပေါင်း ၇၀၀ နီးပါးဖမ်းဆီးခံရတဲ့ အွန်လိုင်းလောင်းကစားလုပ်ငန်းဖမ်းဆီးခံရမှုမှာ လောင်းကစားရုံတာဝန်ခံတွေက တာချီလိတ်မြို့နယ်နဲ့ ခရိုင်က ရဲတွေကို တလဘတ်သိန်းနဲ့ချီပြီး လိုင်ကြေးပေးထားရတယ်လို့ လောင်းကစားရုံတာဝန်ခံနဲ့ နီးစပ်သူတွေက မဲခေါင်ကို ပြောပါတယ်။

Donate

လွတ်လပ်တဲ့ မီဒီယာအဖြစ် ရေရှည်ရပ်တည်နိုင်ရေးအတွက် ...

သင်တို့ အကူအညီကို လိုအပ်နေပါတယ်။

Donate Now
မြန်မာ့နွေဦး

မိုင်းရှူးမှာ SSPP က ရှမ်းတိုင်းရင်းသားတွေကို အိမ်ထဲအထိ ဝင်ဖမ်း

ရှမ်းပြည်တောင်ပိုင်း၊ မိုင်းရှူးမြို့အတွင်း SSPP က မနေ့ညပိုင်းမှာ ရှမ်းတိုင်းရင်းသား အမျိုးသားတွေကို အိမ်ထဲထိဝင် ဖမ်းဆီးပြီး ထွက်ပြေးတဲ့သူတွေကို သေနတ်နဲ့ပစ်ခေတ်တယ်လို့ မိုင်းရှူးဒေသခံတစ်ဦးက ပြောပါတယ်။

Donate

လွတ်လပ်တဲ့ မီဒီယာအဖြစ် ရေရှည်ရပ်တည်နိုင်ရေးအတွက် ...

သင်တို့ အကူအညီကို လိုအပ်နေပါတယ်။

Donate Now
စစ်ရေးသတင်း ဒေသတွင်းသတင်း မြန်မာ့နွေဦး

ဆီဆိုင်မြို့တိုက်ပွဲကြား ပိတ်မိနေသူ ၈ ဦးကို ကယ်ထုတ်

ရှမ်းပြည်တောင်ပိုင်း၊ ဆီဆိုင်မြို့မှာ အကြောင်းကြောင်းကြောင့် ပိတ်မိနေခဲ့တဲ့ ဆီဆိုင်မြို့ သီရိရပ်ကွက်က ပြည်သူ ၂၀ ဦးအနက် ဒုတိယအသုတ်အဖြစ် ပြည်သူ ၈ ဦးကို ဒီနေ့ ဖေဖော်ဝါရီ ၂၃ ရက်မှာ ခေါ်ထုတ်နိုင်ခဲ့တယ်လို့ လူမှုကူညီသူတစ်ဦးက မဲခေါင်ကို

Donate

လွတ်လပ်တဲ့ မီဒီယာအဖြစ် ရေရှည်ရပ်တည်နိုင်ရေးအတွက် ...

သင်တို့ အကူအညီကို လိုအပ်နေပါတယ်။

Donate Now
စစ်ရေးသတင်း ဒေသတွင်းသတင်း မြန်မာ့နွေဦး

မြို့လှမြို့က စစ်ကောင်စီစွန့်သွားတဲ့ ဗျူဟာစခန်းကုန်းကို KIA နဲ့ PDF တို့ ပြန်ထိန်းချုပ်

ကချင်ပြည်နယ်၊ ရွှေကူမြို့နယ်၊ မြို့လှမြို့အတွင်းက စစ်ကောင်စီရဲ့ ဗျူဟာစခန်းကုန်းတစ်ခုကို ကချင်အမျိုးသားလွတ်လွပ်ရေးတပ်မတော် (KIA) နဲ့ KPDF တို့က ပြန်လည်ထိန်းချုပ်လိုက်ပြီလို့ ဒီနေ့မှာ ထုတ်ပြန်ကြေညာပါတယ်။

Donate

လွတ်လပ်တဲ့ မီဒီယာအဖြစ် ရေရှည်ရပ်တည်နိုင်ရေးအတွက် ...

သင်တို့ အကူအညီကို လိုအပ်နေပါတယ်။

Donate Now
စစ်ရေးသတင်း ဒေသတွင်းသတင်း မြန်မာ့နွေဦး

ထမ်စမ်းရွှေတိဂုံစေတီတော်ပုံတူ တည်ထားတဲ့ သာသနာ့မြေကနေ စစ်ကောင်စီအမြောက်တပ်က လက်နက်ကြီးနဲ့ ပစ်ခတ်

ရှမ်းပြည်တောင်ပိုင်း၊ ဟိုပုံးမြို့နယ်၊ ထမ်ဆမ်းဂူအနီးမှာ တည်ထားတဲ့ ရွှေတိဂုံစေတီတော်(ပုံတူ) သာသနာ့မြေကနေ စစ်ကောင်စီအမြောက်တပ်ဟာ ပတ်၀န်းကျင်ရွာတွေကို ပစ်ခတ်နေတယ်လို့ မြေပြင်သတင်းတွေအရ သိရပါတယ်။

Donate

လွတ်လပ်တဲ့ မီဒီယာအဖြစ် ရေရှည်ရပ်တည်နိုင်ရေးအတွက် ...

သင်တို့ အကူအညီကို လိုအပ်နေပါတယ်။

Donate Now