မြန်မာ့နွေဦး

ကန့်ဘလူနယ်က စစ်ဘေးရှောင်တွေအတွက် အရေးပေါ် ကျန်းမာရေး စောင့်ရှောက်မှု လိုအပ်နေ

မဲခေါင် 17 Jan - 2023
မဲခေါင်၊ ဇန်နဝါရီ ၁၇ စစ်ကိုင်းတိုင်း၊ ကန့်ဘလူမြို့နယ်မှာ စစ်ကောင်စီတပ်တွေက ရွာတွေကို စစ်ကြောင်းထိုး မီးရှို့နေတာကြောင့် နေရပ်စွန့်ခွာ ထွက်ပြေးတိမ်းရှောင် နေရတဲ့ ဒေသခံတွေ အတွက် ကျန်းမာရေး စောင့်ရှောက်မှုနဲ့ စားသောက် နေထိုင်ဖို့ အတွက် အရေးပေါ် အကူအညီတွေ လိုအပ်နေတယ်လို့ စစ်ဘေးရှောင် ကူညီနေသူတွေက ပြောပါတယ်။

မဲခေါင်၊ ဇန်နဝါရီ ၁၇

စစ်ကိုင်းတိုင်း၊ ကန့်ဘလူမြို့နယ်မှာ စစ်ကောင်စီတပ်တွေက ရွာတွေကို စစ်ကြောင်းထိုး မီးရှို့နေတာကြောင့် နေရပ်စွန့်ခွာ ထွက်ပြေးတိမ်းရှောင် နေရတဲ့ ဒေသခံတွေ အတွက် ကျန်းမာရေး စောင့်ရှောက်မှုနဲ့ စားသောက် နေထိုင်ဖို့ အတွက် အရေးပေါ် အကူအညီတွေ လိုအပ်နေတယ်လို့ စစ်ဘေးရှောင် ကူညီနေသူတွေက ပြောပါတယ်။

စစ်အာဏာသိမ်းမှု ၂ နှစ် ဝန်းကျင်မှာ စစ်တပ်နဲ့ ပျူစောထီး တွေက ကန့်ဘလူမြို့နယ်တွင်း လှည့်လည် စစ်ကြောင်းထိုး မီးရှို့တာတွေ ဆက်တိုက်လုပ်နေတာဖြစ်ပြီး ကျေးရွာ အများစု မီးလောင်ပြာကျကာ ဒေသခံ ပြည်သူတွေ နေရပ်စွန့်ခွာ ထွက်ပြေးနေကြရလို့ လူသားချင်း စာနာမှုဆိုင်ရာ အကူအညီတွေ လိုအပ်နေတာ ဖြစ်ပါတယ်။

“ကျန်းမာရေးဆို စိုးရိမ်စိတ်တွေများပြီး ကြောက်ကြတော့ သွေးတိုး၊ ဆီးချို ဖြစ်တာနဲ့ အအေးမိ ဖျားနာတာတွေ ပိုများတယ်လို့ သိရတယ်ဗျ။ ကျန်းမာရေး စောင့်ရှောက်မှုက အပြည့်အဝတော့ မရဘူးဗျ။ မြေပြင်လည်း ဆေးဝါး မပြည့်စုံတာ မလောက်ငှတာတွေ ရှိပါတယ်။ အနွေးထည်၊ စောင်၊ မိုးကာ၊ ဆေးဝါးနဲ့ စားသောက်ကုန်တွေ အဓိက လိုအပ်နေပါတယ်ဗျ” လို့ ကျွန်းလှ တက်ကြွလှုပ်ရှားသူများအဖွဲ့ တာဝန်ရှိသူက မဲခေါင်သတင်းကို ပြောပါတယ်။

လက်ရှိမှာ ကန့်ဘလူမြို့နယ်ရှိ ကျေးရွာ ၁၄ ရွာမှ ထောင်နဲ့ချီတဲ့ ဒေသခံတွေဟာ တောထဲမှာ တဲထိုး နေကြတယ်လို့ သိရပါတယ်။

အခုလ အစောပိုင်းကစပြီး ခြေမြန်တပ်ရင်း (၃၆၈) နဲ့ ပျူစောထီးတွေက ကန့်ဘလူမြို့နယ်ထဲက ကျေးရွာ တွေကို စစ်ကြောင်းထိုးကာ နေအိမ်တွေ စစ်ရှောင်တဲတွေကို မီးရှို့ဖျက်ဆီးပြီး ဖမ်းမိသူတွေကို အကြမ်းဖက် သတ်ဖြတ်တာတွေကြောင့် စစ်ကောင်စီတပ်နဲ့ မတွေ့အောင် ထွက်ပြေး နေရတယ်လို့ ဒေသခံတွေက ဆိုပါတယ်။

ဇန်နဝါရီ ၁၄ ရက်မှာလည်း ညောင်ကုန်းရွာ အရှေ့ဘက်ကနေ စစ်ကြောင်းထိုးတာကြောင့် ညောင်ကုန်း၊ ပလူသာ၊ တောင်ယာဆိပ်၊ အောင်ရန်ကင်း၊ မြင်သာဦး၊ သရက်တော၊ မကျီးကုန်း၊ ပင့်သာ-တည်ပင်၊ ချောင်းကြား၊ ဖလားရ၊ တကုန်း၊ ကုက္ကိုကုန်း၊ သံပုရာပင်စုနဲ့ မြဘုံကျေးရွာက ဒေသခံ ထောင်နဲ့ချီ ထွက်ပြေး နေရတယ်လို့ ဆိုပါတယ်။

“အတိအကျတော့ မသိနိုင်သေးဘူးဗျ။ ၁၄ ရွာလောက်ရှိတယ်။ တချို့ ပြန်ဝင်တဲ့ရွာလည်း ဝင်ကြတယ်။ စစ်ကြောင်းနဲ့ နီးတဲ့ရွာတွေတော့ ထပ်ထွက်ပြေးရတာပေါ့ဗျာ။ ရွာအိမ်ခြေတွေ အကုန် မသိရတော့ မှန်းဖို့ ခက်တယ်ဗျ။ ထပ်ရှောင် နေရတာတွေလည်း ရှိတော့ အတိအကျတော့ မသိနိုင်သေးဘူးဗျ” လို့ ကျွန်းလှ တက်ကြွလှုပ်ရှားသူများ အဖွဲ့ဝင် တစ်ဦးက ပြောပါတယ်။

စစ်ကောင်စီတပ်တွေဟာ ဇန်နဝါရီလ အတွင်း ကန့်ဘလူမြို့နယ် ညောင်ကုန်းရွာကို ၂ ကြိမ် မီးရှို့ဖျက်ဆီးခဲ့ပြီး ပြည်သူ ၅ ဦးကို ဖမ်းဆီးနှိပ်စက်ရာ အမျိုးသား ၂ ဦး သေဆုံးခဲ့ရပြီး အမျိုးသမီး ၃ ဦးအနက် ၂ ဦးကတော့ လက်ရှိ အချိန်ထိ အရေးပေါ် ဆေးကုသနေရတယ်လို့ သူက ပြောပါတယ်။

အဲဒီလို ကျေးရွာတွေ မီးရှို့တာနဲ့ ပြည်သူတွေကို ဖမ်းဆီးနှိပ်စက်နေတဲ့ စစ်ကြောင်းတွေကို ဒေသခံ ကာကွယ်ရေးတပ်တွေက ပြောက်ကျားစနစ်နဲ့ ပြန်လည်တိုက်ခိုက်တာ စစ်တပ်နဲ့ ပျူစောထီး အခြေချ စခန်းတွေကို လက်နက်ကြီး၊ လက်နက်ငယ်တွေနဲ့ သွားရောက် ပစ်ခတ်တာတွေ ဖြစ်ပွားနေတယ်လို့ ဒေသတွင်း သတင်းရင်းမြစ်တွေထံက သိရပါတယ်။

အာဏာသိမ်းပြီးနောက်ပိုင်း ၂၀၂၂ နှစ်ကုန်ထိ စစ်ကိုင်းတိုင်းထဲက နေအိမ် ၃၆,၆၆၇ လုံးမီးရှို့ခံထားရတယ်လို့ Data For Myanmar က ထုတ်ပြန်ထားပါတယ်။

ဒါ့အပြင် နိုင်ငံတဝှမ်း လူဦးရေ ၁ ဒဿမ ၅ သန်းကျော် နေရပ်စွန့်ခွာ ထွက်ပြေးနေကြရကာ ခက်ခဲတဲ့ အခြေအနေတွေနဲ့ နေထိုင်နေကြရတဲ့ အတွက် လူမှုကယ်ဆယ်ရေး အကူအညီတွေ အပူတပြင်း လိုအပ်နေတယ်လို့ ကုလသမဂ္ဂ လူသားချင်း စာနာမှု ဆိုင်ရာ ညှိနှိုင်းရေးရုံး UNOCHA က ထုတ်ပြန်ထားပါတယ်။

MK-009

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)

Mekong News

Mekong News

About Author

မဲခေါင်သတင်းဌာနမှ အကြီးတန်းတာဝန်ခံ အွန်လိုင်းအယ်ဒီတာတစ်ယောက် ဖြစ်သည်။ သတင်းမီဒီယာကျင့်ဝတ်၊ လူသားကျင့်ဝတ်တို့ကို လိုက်နာပြီး သတင်းများကို တင်ဆက်သွားမည် ဖြစ်သည်။

Related News

မြန်မာ့နွေဦး

Spring Bliss နွေဦးစံရိပ်မွန် အိမ်ရာတွေ စတင်ရောင်းချပေးတော့မယ်

မဲခေါင်၊ ဖေဖော်ဝါရီ ၃ Spring Bliss 1-2-3 (နွေဦးစံရိပ်မွန် ၁၊၂၊၃ အိမ်ရာတွေကို ဖေဖေါ်ဝါရီလ ၁၁ ရက်နေ့က
မြန်မာ့နွေဦး

NUG ယာယီသမ္မတရဲ့ လူမှုကွန်ရက်စာမျက်နှာ တိုက်ခိုက်ခံရ

မဲခေါင်၊ ဖေဖော်ဝါရီ ၃ အမျိုးသား ညီညွတ်ရေး အစိုးရ၊ ယာယီ သမ္မတဒူဝါလရှီးလ ရဲ့ လူမှုကွန်ရက်-Facebook စာမျက်နှာ တိုက်ခိုက်ခံခဲ့ရတယ်လို့
မြန်မာ့နွေဦး

ကောလင်းမှာ စစ်တပ်စစ်ကြောင်းထိုးမှုကြောင့် ကျေးရွာ ၃၈ ရွာမှ ပြည်သူ ၄၀,၀၀၀ နီးပါး စစ်ဘေးရှောင်နေရပြီး ကျည်ထိမှန်ကာ ပြည်သူတစ်ဦး သေဆုံး

မဲခေါင်၊ ဖေဖော်ဝါရီ ၃ စစ်ကိုင်းတိုင်း၊ ကောလင်းမြို့နယ်မှာ စစ်ကောင်စီ စစ်ကြောင်းထိုး ဝင်ရောက်မှုကြောင့် ကျေးရွာ ၃၈ ရွာမှ ဒေသခံ ပြည်သူ ၄၀,၀၀၀ နီးပါး စစ်ဘေးရှောင်နေရပြီး ကျည်ထိမှန်ကာ ပြည်သူ တစ်ဦး သေဆုံးခဲ့တယ်လို့
မြန်မာ့နွေဦး

စစ်တပ်က ရှေ့တန်းတပ်စခန်းသို့ လေကြာင်းက ရိက္ခာပို့စဉ် တိုက်လေယာဉ်‌တွေနဲ့ ဗုံးသီးကြဲချ

မဲခေါင်၊ ဖေဖော်ဝါရီ ၃ ကရင်ပြည်နယ်၊ တပ်မဟာ (၅) နယ်မြေရှိ စစ်ကောင်စီ ရှေ့တန်းတပ်စခန်းဖြစ်တဲ့ ကဟီးကျိုးစခန်းကို ကုန်းကြောင်းနဲ့ စားနပ်ရိက္ခာ သယ်ယူပို့ဆောင်မှု မပြုနိုင်တော့လို့ လေကြောင်းအသုံးပြုကာ စားနပ်ရိက္ခာတွေ လာရောက်ပို့ဆောင်စဉ် တိုက်လေယာဉ်‌တွေနဲ့ ဗုံးသီးကြဲချခဲ့တယ်လို့ သိရပါတယ်။
မြန်မာ့နွေဦး

တာချီလိတ်မြို့နယ်လဝကရုံးအနီးဖောက်ခွဲမှုလုပ်ခဲ့တယ်လို့အရှေ့ပိုင်းနဂါးအဖွဲ့အသိပေး

တာချီလိတ်မြို့နယ် လူဝင်မှုကြီးကြပ်ရေးရုံးနဲ့ ဆောက်လုပ်ရေးရုံးအနီးမှာ ပေါက်ကွဲခဲ့တဲ့ ဖောက်ခွဲမှုကို ပြုလုပ်ခဲ့တယ်လို့ အရှေ့ပိုင်းနဂါးအဖွဲ့က ဖေဖော်ဝါရီလ ၂ရက်မှာ အသိပေးထုတ်ပြန်ပါတယ်။
မြန်မာ့နွေဦး

မြန်မာ့အရေး ဂျပန်အစိုးရအနေနဲ့ ဖိအားပေးဆောင်ရွက်ဖို့ ဂျပန်လွှတ်တော်အမတ် ၅၆ ဦး လက်မှတ်ထိုး တောင်းဆို

မဲခေါင်၊ ဖေဖော်ဝါရီ ၂ မြန်မာ့အရေးကို ဂျပန်အစိုးရ အနေနဲ့ ဖိအားပေး ဆောင်ရွက်နိုင်ဖို့ ဂျပန်အထက် လွှတ်တော်နဲ့ အောက်လွှတ်တော် အမတ် ၅၆ ဦးက လက်မှတ်ရေးထိုး တောင်းဆိုထားတဲ့ တောင်းဆိုလွှာ အပါအဝင် ကျန်တောင်းဆိုလွှာတွေကို ဂျပန်
မြန်မာ့နွေဦး

နိုဘယ်ငြိမ်းချမ်းရေးဆု တင်သွင်းစာရင်းမှာ သံအမတ်ကြီး ဦးကျော်မိုးထွန်းနဲ့ NUCC ပါဝင်

မဲခေါင်၊ ဖေဖော်ဝါရီ ၂ ၂၀၂၃ ခုနှစ်အတွက် နိုဘယ် ငြိမ်းချမ်းရေးဆု တင်သွင်းဖို့ စာရင်း ထုတ်ပြန်ရာမှာ ကုလသမဂ္ဂဆိုင်ရာ မြန်မာ သံအမတ်ကြီး ဦးကျော်မိုးထွန်းနဲ့ အမျိုးသား ညီညွတ်ရေး အတိုင်ပင်ခံ ကောင်စီ NUCC တို့
မြန်မာ့နွေဦး

ရွှေပြည်အေးမြို့ကို PDF တပ်ပေါင်စု စီးနင်းသိမ်းပိုက်ထား

မဲခေါင်၊ ဖေဖော်ဝါရီ ၂ နိုင်ငံတော် အေးချမ်းသာယာရေးနဲ့ ဖွံ့ဖြိုးရေးကောင်စီ-နအဖ ခေတ်က ဗိုလ်ချုပ်သာအေး တည်ထောင်ခဲ့တဲ့ ဟုမ္မလင်းမြို့နယ်၊ ရွှေပြည်အေးမြို့ကို ဒေသခံ ကာကွယ်ရေးတပ်တွေ သိမ်းပိုက်ထားပြီ ဖြစ်တယ်လို့ ခန္တီးခရိုင် အမှတ် (၁) တပ်ရင်း၊ ဟုမ္မလင်းက