မဲခေါင်၊ ဇွန် ၂၇
ထိုင်းနိုင်ငံတောင်ပိုင်း အစိုးရအလုပ်ဝင်ခွင့်စာမေးပွဲတွင် ပျမ်းမျှ ဘတ် ၄ ဘီလီယံခွဲအထိ လာဘ်စားခဲ့သည့်အမှု နောက်ဆက်တွဲအဖြစ် ဇွန် ၂၆ ရက်၌ ဖူးခက်ခရိုင်အတွင်းရေးမှူးကို ၀ရမ်းထုတ် ဖမ်းဆီးလိုက်သည်။
ယင်းအမှုတွင် လုပ်အားပေးကာကွယ်ရေးဝန်ထမ်း ရာထူးအတွက် စာမေးပွဲဝင်ဖြေသည့် ၃ ဦးက ၎င်းတို့ထံမှ တစ်ဦးဘတ် ၃ သိန်းဖြင့် စုစုပေါင်း ဘတ် ၉ သိန်း တောင်းကာ ထိုငွေပေးလျှင် စာမေးပွဲအောင်ရမည်၊ ထိုငွေများကို ဒေသန္တရအုပ်ချုပ်ရေးဌာနမှ အရာရှိများထံ လွှဲပြောင်းပေးရမည်ဟု တောင်းခံကြောင်း တိုင်ကြားရာမှ ဗဟိုစုံစမ်းစစ်ဆေးရေးဗျူရို၏ အကျင့်ပျက်ခြစားမှု တိုက်ဖျက်ရေးအဖွဲ့မှ ဦးဆောင်ကာ ယခုတစ်ပတ် အစောပိုင်းကတည်းက နွန်ထာဘူရီခရိုင်ရှိ နေအိမ်တစ်လုံးကို ဝင်စီးနင်းခဲ့ခြင်းဖြစ်သည်။
ယင်းနေအိမ်အတွင်း လာဘ်ငွေယူကာ အဖြေလွှာပေါင်း ၃ ထောင်ကို စာမေးပွဲအောင်ရန် ပြင်ဆင်ပေးနေသည်ကို ဖော်ထုတ်နိုင်ခဲ့ပြီးနောက် အမှုတွဲအား ဆက်လက် စုံစမ်းဖော်ထုတ်နေခြင်း ဖြစ်သည်။
ဇွန် ၂၆ ရက်တွင် အမှတ်(၉) ရာဇဝတ်တရားရုံးက ဖူးခက်ခရိုင်အတွင်းရေးမှူး ရန်ရူအန်းအား ဖမ်း၀ရမ်းထုတ်ကာ ဖမ်းဆီးခဲ့သော်လည်း ခရိုင်အုပ်ချုပ်ရေးဌာနသည် ရန်ရူအန်းအား ဇွန် ၂၅ ရက်က အမှုစုံစမ်းပြီးစီးခဲ့သဖြင့် ၎င်း၏ရာထူးသို့ ပြန်လာရန် ညွှန်ကြားခဲ့ကြောင်း ဒုတိယညွှန်ကြားရေးမှူးချုပ်က ဖူးခက်အုပ်ချုပ်ရေးမှူးထံ စာတစ်စောင်ကို လက်မှတ်ထိုးခဲ့သေးသည့်အတွက် ထူးခြားသည့် အခြေအနေ ဖြစ်ခဲ့သည်။
ကိုကလင်း
Ref:Thethaiger
#MeKongNews
#အစိုးရဝန်ထမ်းစာမေးပွဲ
#လာဘ်စားမှု
#ဖူးခက်
#ခရိုင်အတွင်းရေးမှူး
