မဲခေါင်၊ မတ် ၂
အီရန်နိုင်ငံအား တိုက်ခိုက်ရာတွင် ပါဝင်ခဲ့သည့် အမေရိကန် F-15 တိုက်လေယာဉ် ၃ စင်းမှာ ကူဝိတ် လေကြောင်းရန်ကာကွယ်ရေးတပ်ဖွဲ့၏ အချင်းချင်း မှားယွင်းပစ်ခတ်မှု – Friendly Fire ကြောင့် ပစ်ချခံခဲ့ရခြင်း ဖြစ်ကြောင်း အမေရိကန် အလယ်ပိုင်းစစ်ဌာနချုပ် – CENTCOM က ယနေ့ညနေပိုင်းတွင် အတည်ပြု ထုတ်ပြန်လိုက်သည်။
လေယာဉ် ၃ စင်းပေါ်ပါရှိသည့် တပ်ဖွဲ့ဝင် ၆ ဦးစလုံး လေယာဉ်အတွင်းမှ ဘေးကင်းစွာ ခုန်ထွက်နိုင်ခဲ့ကြပြီး လက်ရှိတွင် ကျန်းမာရေးအခြေအနေ တည်ငြိမ်လျက်ရှိကြောင်း ထုတ်ပြန်ချက်တွင် ဆိုသည်။
ကူဝိတ်နိုင်ငံအနေဖြင့် ယင်းဖြစ်စဉ်အပေါ် အသိအမှတ်ပြု ဝန်ခံထားပြီး ဖြစ်ကြောင်းနှင့် လက်ရှိ ဆောင်ရွက်နေသော စစ်ဆင်ရေးများတွင် ကူဝိတ် ကာကွယ်ရေးတပ်ဖွဲ့များ၏ ကြိုးပမ်းအားထုတ်မှုနှင့် ကူညီပံ့ပိုးမှု များအတွက် ကျေးဇူးတင်ရှိကြောင်း CENTCOM က ဆက်လက်ပြောကြားခဲ့သည်
လေယာဉ်ပျက်ကျသည့် သတင်းထွက်ပေါ်ခဲ့ပြီးနောက် လေယာဉ်မှူးများ အားလုံးကို ကယ်ထုတ်နိုင်ခဲ့ပြီး ၎င်းတို့၏ ကျန်းမာရေး အခြေအနေမှာ တည်ငြိမ်ကြောင်း ကူဝိတ်ကာကွယ်ရေးဝန်ကြီးဌာန ပြောရေးဆိုခွင့်ရှိသူ ဗိုလ်မှူးကြီး ဆော့အယ်အတ်ဝမ်က အစေပိုင်းတွင် အတည်ပြုခဲ့သည်။
CNN က စစ်ဆေးအတည်ပြုထားသော ဗီဒီယိုများအရ အင်ဂျင် ၂ လုံးတပ် တိုက်လေယာဉ်တစ်စင်း ကူဝိတ်နိုင်ငံရှိ အယ်လ်ဆလမ် လေတပ်အခြေစိုက်စခန်းနှင့် ၁၀ ကီလိုမီတာခန့်အကွာတွင် ပျက်ကျခဲ့သည်ကို တွေ့ရသည်။
Ref: Newyork Post
#MeKongNews
#အမေရိကန်
#တိုက်လေယာဉ်
#ကူဝိတ်
#မှားယွင်းပစ်ချ
