မဲခေါင်၊ ဇန်နဝါရီ ၁၃
ဒိန်းမတ် ပိုင်နက်အတွင်းရှိ တစ်စိတ်တပိုင်း ကိုယ်ပိုင်အုပ်ချုပ်ခွင့်ရ ဂရင်းလန်းကျွန်းအား လွယ်လွယ် မရပါက ရသည့်နည်းဖြင့် အရယူမည်ဟု အမေရိကန်သမ္မတ ဒေါ်နယ်ထရမ့်က ဇန်နဝါရီ ၉ ရက်တွင် ထပ်မံ သတိပေးသွားပြန်သည်။
ဂရင်းလန်းအား ရရှိရေးနှင့် ပတ်သက်ပြီး ၎င်းအနေဖြင့် ရုရှား, သို့မဟုတ် တရုတ်ကို အိမ်နီချင်း အဖြစ်မခံနိုင်ကြောင်းနှင့် အားလုံးအပေါ် အကာအကွယ်ပေးနိုင်ရေး ထိုကျွန်းကို အမေရိကန်အား မပေးလျှင် တရုတ်နှင့် ရုရှားက သိမ်းပိုက်သွားမည်သာ ဖြစ်ကြောင်း ထရမ့်က ဆိုသည်။
ယင်းကြောင့် ဂရင်းလန်း လူဦးရေ ၇ သောင်း ဝန်းကျင်သာ ရှိသောကြောင့် တိုက်ယူမည်ဆိုလျှင်လည်း ရဟတ်ယာဉ် ၅ စီးထက် ပိုမလိုကြောင်းနှင့် လွယ်လွယ်မပေးနိုင်လျှင် ခက်ခဲသည့်နည်းဖြင့် အရယူရလိမ့်မည်ဖြစ်ဟု ၎င်းက ထပ်မံ ရာဇသံပေးခဲ့ခြင်း ဖြစ်သည်။
မြေရှား အပါအဝင် သယံဇာတကြွယ်၀လွန်းသလို အမေရိကန်နှင့် ဥရောပအား ရုရှားနှင့် တရုတ်တို့၏ နျူကလီးယား ဒုံးကျည်များရန်မှ ရှေ့တန်းက ကာကွယ်ပေးနိုင်စွမ်း ရှိသည့် ယင်းကျွန်းငယ်အား ဒုံးကျည်ကာကွယ်ရေး ကွန်ရက်ချထားရေး အမေရိကန်က မဖြစ်မနေ အလိုရှိနေရာ အရယူခဲ့လျှင် နေတိုးအဖွဲ့၏ အဆုံးသတ်ဖြစ်လာမည် ဟုဆိုကာ ဒိန်းမတ်က ငြင်းဆန်ထားသည်။
ဒိန်းမတ်၏ ငြင်းဆိုမှုအပေါ် ဥရောပထိပ်သီး နိုင်ငံများက ထောက်ခံနေကြသော်လည်း ထရမ့်က စစ်ရေးအရ ဝင်ရောက် သိမ်းဆည်းကောင်းလည်း သိမ်းဆည်းနိုင်သည်ဟု ပြောဆိုထားသည်။
သတင်းများအရ ထရမ့်သည် ဂရင်လန်းနေပြည်သူများကို တစ်ဦး ဒေါ်လာ တစ်သောင်းမှ တစ်သိန်းအထိ ပေးပြီး အမေရိကန်လက်အောက်သို့ ခိုလှုံဝင်ရောက်လာနိုင်ရေး မက်လုံးပေးသည့် နည်းလမ်းဖြင့် ကမ်းလှမ်းရန် စီစဉ်နေသည်ဟုလည်း သိရသည်။
ကိုကလင်း
Ref: The Sun
#MeKongNews
#တရုတ်
#ရုရှား
#ဂရင်းလန်း
#ရာဇသံပေး
