မဲခေါင်၊ ဇန်နဝါရီ ၅
ဗင်နီဇွဲလားနိုင်ငံ ကာရာကက်စ်မြို့ကို လေယာဉ်နှင့် ရဟတ်ယာဉ် အစီး ၁၅၀ ဖြင့် တိုက်ခိုက်ပြီး သမ္မတ မာဂျုရိုနှင့် ဇနီးကို ဖမ်းဆီးပြီးနောက် ဒေါ်နယ်ထရမ့်၏ ပစ်မှတ်မှာ ဒိန်းမတ်ပိုင် နယ်မြေအတွင်းမှ မဟာဗျူဟာအရ အရေးပါသည့် ဂရင်းလန်းကျွန်းကို သိမ်းပိုက်ရေး ဖြစ်လာဖွယ်ရှိသည်။
ဂရင်းလန်းသည် ယနေ့ နည်းပညာကမ္ဘာတွင် အလွန် လိုအပ်သော မြေရှားနှင့် အခြား ရှားပါးသတ္တုရင်းမြစ်များ ပေါကြွယ်၀သည့် အာတိတ်ဒေသ ကျွန်းဖြစ်ကာ မြောက်အမေရိကနှင့် ဥရောပကြားတွင် တည်ရှိနေသော ကျွန်းဖြစ်ပြီး ဒိန်းမတ်ထံမှ လက်ရှိ လွတ်လပ်ရေးရရှိကာ သီးခြားရပ်တည်နေသော ကျွန်းနိုင်ငံလည်း ဖြစ်သည်။
အမေရိကန်သမ္မတ ဒေါ်နယ်ထရမ့်ကိုယ်တိုင်က ဂရင်းလန်းပြည်သူများ အမေရိကန်လက်အောက်တွင် နေထိုင်လိုကြလိမ့်မည်ဟု ပြောဆိုခဲ့သလို အမေရိကန်လက်အောက်နယ်မြေ ဖြစ်မြောက်စေလိုသည်ဟု လူသိရှင်ကြား ပြောထားပြီး ယခု မာဂျူရိုကို ဖမ်းဆီးပြီးနောက် ၎င်း၏ အိမ်ဖြူတော်မူဝါဒရေးရာ ဒုတိယ အကြီးအကဲ စတီဗင်မီလာ၏ ဇနီးကေတီမေလာက ဗင်နီဇွဲလားအား တိုက်ခိုက်ပြီး နာရီပိုင်းအကြာမှာပင် ဂရင်းလန်းကျွန်း မြေပုံပေါ် အမေရိကန် အလံလွှမ်းထားသည့် ပုံအား မကြာမီလာမည်ဟု စာသားနှင့်အတူ လူမှုကွန်ရက် X ပေါ်တင်ခဲ့ခြင်း ဖြစ်သည်။
စစ်တမ်း ကောက်ယူမှုတွင် ဂရင်းလန်း ကျွန်းသားအများစုက သီးခြား လွတ်လပ်သော နိုင်ငံအဖြစ်သာ ဆက်နေလိုပြီး အမေရိကန်လက်အောက် မနေလိုဟု အဖြေထွက်ပေါ်ခဲ့သော်လည်း အမေရိကန်က ဂရင်းလန်းကို တကယ်တမ်း သိမ်းပိုက်လျှင် ယင်းကျွန်းပေါ်၌ အမေရိကန် ဒုံးကျည် ကာကွယ်ရေး အခြေခံ အဆောက်အအုံများ ရှိထားနှင့်ပြီး ကျွန်းကို အမေရိကန်နှင့် ဒိန်းမတ်တို့သာ လုံခြုံရေး ယူထားသဖြင့် အမေရိကန် တိုက်ခိုက် သိမ်းယူမည်ဆိုလည်း ကမ္ဘာ့အမြန်ဆုံး စစ်ပွဲအဖြစ် ၂၄ နာရီ မပြည့်မီ သိမ်းပိုက်ရရှိမည်ဟု ကျွမ်းကျင်သူများက ခန့်မှန်းထားကြသည်။
ဒိန်းမတ်သည် အမေရိကန်နှင့် ဆန့်ကျင်စရာ မရှိသလို လက်ရှိမည်သည့် နေတိုးအဖွဲ့ဝင်နိုင်ငံကမှ အမေရိကန်ကို တိုက်ခိုက် ဆန့်ကျင်နိုင်ဖွယ် မရှိသဖြင့် ယခုလို သုံးသပ်ခဲ့ခြင်း ဖြစ်ကာ တရုတ်နှင့် ရုရှားတို့ကလည်း ယင်းကျွန်းကို အလိုရှိနေသဖြင့် မကြာမီ ကေတီမီလာ အချက်ပြသည့်အတိုင်း ဂရင်းလန်းကို အမေရိကန်က ခြေကုပ်ယူ သိမ်းပိုက် ဖွယ်ရှိနေသည်။
ထို့ပြင် ရုရှားနှင့် အမေရိကန်အကြား အနီးဆုံး ဒုံးကျည် ပစ်ခတ်နိုင်သည့် ကျွန်းဖြစ်သောကြောင့်လည်း ထရမ့်က ဂရင်းလန်းအား လက်နက်ဖြင့် သိမ်းပိုက်ခြင်းမပြုဟု ကတိမပေးနိုင်ကြောင်း ပြောဆိုခဲ့ခြင်း ဖြစ်သည်။
ကိုကလင်း
Ref:Thesun
#MeKongNews
#ဂရင်းလန်း
#အမေရိကန်
#သိမ်းပိုက်
