မဲခေါင်၊ ဒီဇင်ဘာ ၁၇

ရှမ်းမြောက်ရှိ MNDAA ထိန်းချုပ်ထားသည့် သိန္နီမြို့တွင် ဖွင့်လှစ်ထားသော စိန်နဂါး စက်သုံးဆီဆိုင် ယနေ့ မီးလောင်မှု ဖြစ်ခဲ့ကြောင်း ဒေသခံများထံမှ သတင်းရရှိသည်။

ယနေ့ မွန်းလွဲ ၂ နာရီဝန်းကျင်တွင် မီလောင်မှု ဖြစ်ခဲ့ကြောင်း ဒေသခံ အမျိုးသားတစ်ဦးက မဲခေါင်သို့ ပြောသည်။

“ညနေ ၃နာရီခွဲ အထိတော့လောင်နေတုန်းပဲ၊ ဘယ်က ဘယ်လို ဆိုတာမသိရဘူး။ အခြားကို မီးမကူးဖို့ လုပ်နေကြ တယ်” ဟု ၎င်းက ပြောသည်။

ယမန်နေ့ ဒီဇင်ဘာ ၁၆ ရက်တွင်လည်း အေးသာယာမြို့၊ တပင်ရွှေထီး စက်သုံးဆီဆိုင်တွင် ထမင်းဟင်းချက်ရာမှ ဝါယာရှော့ ဖြစ်ပြီး ဓာတ်ဆီဆိုင် မီးလောင်ခဲ့သေးကာ ဆီဆိုင် မြို့မစျေးရှိ သင်္ကန်းဆိုင်၂ ဆိုင်လည်း ရှို့မီးကြောင့် မီးလောင်ခဲ့သေးသည်။

သိန္နီမြို့တွင် ပြီးခဲ့သည့် ဇူလိုင် ၂၃ ရက်တွင်လည်း မြို့ဦး စက်သုံးဆီဆိုင် မီးလောင်ခဲ့ပြီး ဆိုင်ရှင်၏ သားဖြစ်သူ သေဆုံးခဲ့ရသည့် ဖြစ်စဥ်ရှိခဲ့သည်။

#MeKongNews
#သိန္နီမြို့
#စိန်နဂါး
#စက်သုံးဆီဆိုင်
#မီးလောင်

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)