မဲခေါင်၊ ဒီဇင်ဘာ ၁
နိုဝင်ဘာ ၃၀ ရက်တွင် ရုရှား စစ်လေယာဉ်တစ်စီးသည် ကြိုတင်လေကြောင်းခရီးစဉ်မရှိသလို အချက်ပြစနစ်ကိုလည်း ပိတ်ထားပြီး ပိုလန်လေပိုင်နက်အနီးသို့ ပျံသန်းဝင်ရောက်လာသဖြင့် နေတိုး ဖိုက်တာ ဂျက်လေယာဉ်များက ကြားဖြတ်အနှောင့်အယှက်ပေးမှုအကြိမ်ကြိမ်လုပ်ကာ မောင်းထုတ်ခဲ့ကြောင်း သိရသည်။
ရုရှား စစ်လေယာဉ်သည် ဘောလ်တစ်ပင်လယ်ပြင်ပေါ်မှ ပိုလန်လေပိုင်နက်အနီး ဖြတ်ပျံသန်လာခြင်း ဖြစ်ရာ ကြိုတင်အကြောင်းကြားသည့် လေကြောင်းခရီးစဉ်မရှိခြင်းနှင့် အချက်ပေးစနစ် ပိတ်ပြီးပျံသန်းလာခြင်းက လေကြောင်းခြိမ်းခြောက်မှုသာဖြစ်သည်ဟုဆိုကာ F-16 နှင့် MiG-29 ဖိုက်တာ ဂျက်လေယာဉ်များ စေလွှတ်ပြီး ကြားဖြတ်နှောင့်ယှက်ကာ လာရာလမ်းပြန်စေရန် မောင်းထုတ်ခဲ့သည် ဟု နေတိုးအဖွဲ့ဝင် ပိုလန်အာဏာပိုင်များက ထုတ်ပြန်သည်။
ယင်းစစ်ဆင်ရေးကို ပိုလန်လက်နက်ကိုင်တပ်ဖွဲ့များ၏ စစ်ဆင်ရေးကွပ်ကဲမှုဌာနက ဦးဆောင်လုပ်ကိုင်ခဲ့ကာ “လေကြောင်းအန္တရာယ်ပေးမှု ရှိနိုင်တဲ့ ရုရှားလေယာဉ် အချက်မပြဘဲ ဝင်လာမှုဟာ ပိုလန်လေပိုင်နက်ထဲအထိ မရောက်ခဲ့လို့ ဥပဒေချိုးဖောက်မှုတော့ မရှိပါဘူး။ ဒါပေမဲ့ ခြိမ်းခြောက်လာမှုကို တန်ပြန်ဖို့တာဝန်ရှိတဲ့အတွက် ခြံရန်မှုလုပ်ပေးပြီး ပြန်ခိုင်းလိုက်တာပါ” ဟု ထုတ်ပြန်ခဲ့သည်။
အောက်တိုဘာလကလည်း ရုရှားစစ်လေယာဉ်တစ်စီးသည် ဥရောပသို့ ရုရှား ဝင်တိုက်လျှင် ဝင်ပေါက်အဖြစ် မဟာဗျူဟာကျနေသော ကာလီနင်ဂရတ်အရပ်ပေါ်မှ ပျံသန်းပြီး လစ်သူရေးနီးယားနိုင်ငံ လေပိုင်နက်ထဲအထိ ဝင်ရောက်ခဲ့သဖြင့် နေတိုး ဘောလ်တစ်လေကြောင်း ရဲတပ်ဖွဲ့မှ စပိန်၏ Eurofighter Typhoon ဂျက်လေယာဉ်ဖြင့် ခြံရန်ကာ မောင်းထုတ်ခဲ့ရသေးသည်။
စက်တင်ဘာလကလည်း ရုရှား MiG-31 ဖိုက်တာဂျက်လေယာဉ် ၃ စီးသည် အရေးပေါ် နေတိုးအစည်း အဝေးလုပ်နေချိန် အက်စ်တိုးနီးယား လေပိုင်နက်ထဲ ကျူးကျော်ဝင်ရောက်လာခဲ့သေးကာ ၁၂ မိနစ် ကြာ ခြိမ်းခြောက် ပျံသန်းပြခဲ့သည်။
ထိုစဉ်က နေတိုး၏ အမာရီလေတပ်စခန်းမှ အီတလီထုတ် F-35 ဖိုက်တာဂျက်လေယာဉ်များ စေလွှတ်ခဲ့ရသေးသည်။
ကိုကလင်း
Ref: Thesun
#MeKongNews
#နေတိုး
#ရုရှား
#ပိုလန်လေပိုင်နက်
#နေတိုး
#တိုက်လေယာဉ်
