မဲခေါင်၊ ဒီဇင်ဘာ ၁
အမေရိကန်သမ္မတ ဒေါ်နယ်ထရမ့်က နိုဝင်ဘာ ၂၉ ရက်တွင် ဗင်နီဇွဲလားလေပိုင်နက်နှင့် အနီးအနား လေပိုင်နက်များအားလုံး မည်သူမျှ မလာဘဲ ပိတ်ထားသင့်သည်ဟု ထုတ်ပြန်ပြီးနောက် မကြမီမှာပင် အမေရိကန်မှ ဒေါ်လာသန်း ၅၀ ဆုကြေးထုတ်ထားသည့် ဗင်နီဇွဲလားသမ္မတ မာဂျူရိုစီးနေကြ လေယာဉ်သည် ဘရာဇီးနယ်စပ်သို့ ထွက်ခွာခဲ့ကြောင်း သိရသည်။
အမေရိကန်သမ္မတ ဒေါ်နယ်ထရမ့်သည့် လေယာဉ်တင်သင်္ဘောအပါ စစ်သင်္ဘောများစွာ၊ ဖိုက်တာ ဂျက်လေယာဉ်များနှင့် ဗုံးကျဲလေယာဉ်များပါ ပို့ဆောင်ပြီး ဗင်နီဇွဲလားကို ဝိုင်းရန်ထားကာ မကြာမီ ကုန်းတွင် တိုက်ပွဲဆင်နွှဲရမည်ဟုလည်း ပြင်းထန်စွာ သတိပေးထားသည်။
နိုဝင်ဘာ ၂၉ ရက်တွင် Truth Social ပေါ်တွင် ဗင်နီဇွဲလားလေပိုင်နက်နှင့် အနီးအနားလေပိုင်နက်များ အားလုံးပိတ်ထားသင့်သည်ဟု ရေးတင်ခဲ့သည်။ ထိုကြေညာချက်အပြီး မာဂျူရိုစီးနေကြ Airbus A-319 လေယာဉ်ကြီးသည် ဘရာဇီးနိုင်ငံနှင့်နယ်စပ် ဆန်နာအီလီနာဒီအိုင်ရန် လေဆိပ်သို့ ကာရာကက်စ်မြို့မှ ထွက်ခွာသွားပြီး မကြာခင် ပြန်လာခဲ့သည်ဟု သိရသည်။
အမေရိကန်လေကြောင်းစီမံခန့်ခွဲရေးဌာန (FAA) ကလည်း ဗင်နီဇွဲလားနိုင်ငံအထက် ကောင်းကင်များ တွင်း လေကြောင်းစစ်ရေးလှုပ်ရှားမှုများစွာရှိနေသည့်အတွက် လေကြောင်းလိုင်းများ မဖြတ်သန်းရန် ပြီးခဲ့သည့်ရက်ပိုင်းကတည်းက သတိပေးချက်ထုတ်ပြန်ခဲ့ပြီးနောက် ထရမ့်က “ လေကြောင်းလိုင်းအားလုံး၊ လေယာဉ်မောင်အားလုံး၊ မူးယစ်မှောင်ခိုသမားအားလုံးနဲ့ လူမှောင်ခိုသမားအားလုံး ကျေးဇူးပြုပြီး ဗင်နီဇွဲလာနိုင်ငံပေါ်နဲ့ အနီးပတ်ဝန်းကျင်က လေပိုင်နက်ထဲမှာ လုံး၀မသွားဘဲ ပိတ်ပင်ထားသင့်ပါတယ်” ဟု လူမှုကွန်ရက်ပေါ် ရေးတင်ခဲ့ခြင်းဖြစ်သည်။
ယင်းထရမ့်၏ ထုတ်ပြန်ချက်အပေါ် ဗင်နီဇွဲလားသမ္မတ မာဂျူရိုကိုယ်စား နိုင်ငံခြားရေးဝန်ကြီးဌာန က အမေရိကန်သည် ရွှေ့ပြောင်းလုပ်သားများပြန်ပို့နေရသည့် လေကြောင်းလိုင်းများကိုပင် တစ်ဖက် သတ်ပိတ်ခဲ့ပြီးဖြစ်ကာ နိုင်ငံတကာစည်းမျဉ်းစည်းကမ်းများအရ အခြားနိုင်ငံ လေပိုင်နက်အား ပိတ်ပင် ခွင့်မရှိဘဲ ယခုလို ထရမ့်ဘက်မှ ပိတ်ထားရန်လုပ်ခြင်းမှာ ကိုလိုနီခြိမ်းခြောက်မှုဖြစ်ကြောင်း၊ အချုပ် အခြာအာဏာပိုင် နိုင်ငံတစ်ခုအပေါ် ကုလသမဂ္ဂစည်းမျဉ်းများပါ ချိုးဖောက်ပြီး လာရောက်ပိတ်ပင်မှု ကို ဆန့်ကျင်ရှုတ်ချသည်ဟု နိုဝင်ဘာ ၂၉ ရက်တွင် ထုတ်ပြန်ခဲ့သည်။
သို့သော် ဗင်နီဇွဲလားတွင် နိုဝင်ဘာ ၂၆ ရက်မှစတင်ပြီး ထရမ့်၏ သတိပေးမှုကြောင့် အဓိက လေကြောင်းလိုင်းကြီး ၆ ခုအထိ လေကြောင်း ခရီးစဉ်များအားလုံး ပိတ်ထားရဆဲဖြစ်သည်။
ကိုကလင်း
Ref: BBC
#MeKongNews
#ဗင်နီဇွဲလား
#အမေရိကန်
#ဒေါ်နယ်ထရမ့်
#မာဂျူရို
#လေကြောင်းလိုင်း
