မဲခေါင်၊ အောက်တိုဘာ ၁၄
အောင်တိုဘာ ၁၃ ရက်နေ့က ဟားမက်စ်တို့ ဖမ်းဆီးခဲ့သည့် ဓားစာခံများထဲမှ နောက်ဆုံးလက်ကျန် အသက်ရှင်လျှက်ကျန်ရှိနေသေးသော ဓားစာခံ ၂၀ ကို ပြန်လွှတ်ပေးခဲ့သော်လည်း သေဆုံးပြီး ဓားစာခံ ၂၈ ယောက်ထဲမှ ၄ ယောက်၏ အလောင်းကိုသာ ဟားမက်စ်တို့ အစ္စရေးထံ ပြန်ပို့ပေးခဲ့သည်။
Guy Illouz၊ Yossi Sharabi၊ Bipin Joshi နှင့် Daniel Perez တို့၏ ရုပ်အလောင်း ၄ လောင်းသာ ပြန်ပို့ပေးခဲ့ခြင်းဖြစ်ပြီး အစ္စရေးဘက်မှ တစ်သက်တစ်ကျွန်းထောင်ဒဏ်ချထားသူ ၂၅၀ အပါ ပါကစ္စတန်အကျဉ်းသား ၂၀၀၀ ကို ဂါဇာထဲသို့ ဘတ်စ်ကားများဖြင့် ပြန်လည်စေလွှတ်ပေးခဲ့ပြီးဖြစ် သည်။
ဒေါ်နယ်ထရမ့်တင်ပြသော အချက် ၂၀ ပါ ငြိမ်းချမ်းရေးအဆိုပြုလွှာ ပထမဆုံးအဆင့်အဖြစ် ယခုလို ဓားစာခံများနှင့် အကျဉ်းသားများ လွှတ်ပေးခြင်းပြုရာ၌ သေဆုံးပြီးဖြစ်သော ဓားစာခံအားလုံး၏ ရုပ်အလောင်းများကိုပါ ပြန်ပေးပို့ရမည်ဟု ပါရှိခဲ့ပြီး ယခု ၄ လောင်းသာပို့သဖြင့် အစ္စရေးဘက်မှ ဒေါသထွက်ပေါက်ကွဲကာ အောင်တိုဘာ ၁၅ ရက်နောက်ဆုံးထားပြီး ကျန်ရှိ ဓားစာခံရုပ်အလောင်း အားလုံးပြန်ပို့ရန်၊ မည်သည့် သေဆုံးသူဓားစာခံ၏ ရုပ်အလောင်းကိုမဆို ပြန်လိုချင်သည်ဟု ရာဇသံ ထပ်ပေးလိုက်သည်။
ယင်းဓားစာခံနှင့် အကျဉ်းသားများ လဲလှယ်မှုပြုလုပ်အပြီး နာရီပိုင်းအကြာမှာပင် ဂါဇာအတွင်း ဟားမက်စ်များသည့် မျက်နှာအဝတ်စည်းထားပြီး ဒူးထောင်ခိုင်းထားသည့် ၅ ယောက်အား ပစ်ခတ် သုတ်သင်ခဲ့သည့် ဗီဒီယိုဖိုင်များ ထွက်ပေါ်လာသည်။
ဟားမက်စ်တပ်များသည် ဂါဇာအတွင်း ၎င်းတို့ အား တော်လှန်နေသည့် လက်နက်ကိုင်အဖွဲ့အစည်းများနှင့် အစ္စရေးဘက်တော်သားဟု ယူဆရသူများ ကို စင်ကြယ်စွာဆေးကြောသုတ်သင်ရေး စတင်လုပ်ဆောင်ပြီဟု ကြေညာကာ စစ်သည် ၇၀၀၀ ကို ပြန်စုစည်းပြီး ယခုလို ရှင်းလင်းမှုများ လုပ်ဆောင်နေခြင်းဖြစ်သည်။
ယခုရှင်းလင်းလိုက်သည့် ၅ ဦးထဲတွင်ဟားမက်စ်တို့အား ပြန်လည်တိုက်ခိုက်နေသည့် Abu Shabab အဖွဲ့အတွက် လူစုဆောင်းပေးသူ အာမက်ဇီဒန်းအယ်လ်တာရာဘင်လည်း ပါဝင်ခဲ့သည်။
ဓားစာခံများ လွှတ်ပေးမှုမပြုမီရက်ပိုင်းအတွင်းကလည်း ဟားမက်စ်တို့သည် မိမိတို့အား ဆန့်ကျင်နေသည့် ဂါဇာ တွင်းမှ လက်နက်ကိုင် ၁၂ ဦးထက်မနည်းကို သုတ်သင်ခဲ့ရာ ရန်ဘက် လက်နက်ကိုင်များနှင့် ဟားမက်စ် တို့၏ ပြည်တွင်း စစ်ပွဲကြီး ထပ်ဖြစ်လာနိုင်ကြောင်း ပူပန်မှုများလည်း ရှိနေသည်။
ကိုကလင်း
Ref: Thesun
#MeKongNews
#အစ္စရေး
#ဂါဇာ
#ဟားမက်စ်
#ဓားစာခံ
