မဲခေါင်၊ အောက်တိုဘာ ၆
အောက်တိုဘာ ၁ ရက်နေ့က လှေ၊ သင်္ဘောအုပ်စုလိုက်ဖြင့် ပင်လယ်ဖြတ်ကာ ဂါဇာအတွင်းသို့ ရိက္ခာနှင့် အထောက်အပံ့များပေးရန်လာစဉ် အစ္စရေးစစ်တပ်၏ ထိန်းသိမ်းခြင်းခံရသော ဆွီဒင်တက်ကြွလှုပ်ရှား သူ ဂရီသာသွန်ဘာ့ဂ်အပါ ပြည်ပသား အယောက် ၇၀ ကို ယနေ့ (အောက်တိုဘာ ၆ ရက်)၌ အစ္စရေး နိုင်ငံအတွင်းမှ ပြန်လည်စေလွှတ်ပေးမည်ဖြစ်သည်။
ကုလသမဂ္ဂထုတ်ပြန်ချက်အရ ဂါဇာတွင် အငတ်ဘေးဆိုက်နေကာ အစ္စရေးတပ်များက အကူအညီ ဝင်ရောက်မှုများကို ပိတ်ပင်ထားသောကြောင့် ဂရီသာသွန်းဘာ့ဂ်နှင့်အတူ တက်ကြွလှုပ်ရှားသူများ၊ နိုင်ငံရေးသမားပေါင်း ၄၀၀ ကျော်ပါဝင်သည့် လှေ၊သင်္ဘောအုပ်စုဖြင့် ဂါဇာအတွင်း ဝင်ရောက်ရန် ကြိုးပမ်းခဲ့ခြင်းဖြစ်သည်။
ထိုထဲမှ အီတလီနိုင်ငံသား ၂၆ ယောက်ပါ အုပ်စုကို အောက်တိုဘာ ၄ ရက်နေ့က ပထမအသုတ်အဖြစ် ပြည်တော်ပြန်ပို့ခဲ့ရာ ၁၅ ယောက်သည် အစ္စရေးဘက်မှ ပြစ်မှုကျူးလွန်မှု ခံဝန်ထိုးခိုင်းခြင်းကို လက်မှတ်မထိုးသဖြင့် မပြန်နိုင်သေးဘဲ ရှိနေကြောင်း သိရသည်။
အီတလီသို့ ပြန်ရောက်လာသူများ အဆိုအရ အစ္စရေးစစ်တပ်သည် ယုတ်ညံ့စွာ ဆက်ဆံသလို ရိုက်နှက်စော်ကားမှုများပြုလုပ်ခဲ့သည်ဟု တိုင်ကြားမှုများလည်း ရှိလာသည်။
ထိုထဲမှ တိုမာဆီအမည်ရ ဂျာနယ်လစ်က မိမိတို့အား အစ္စရေး စစ်တပ်သည် ၁၉၂၀ ပြည့်လွန်နှစ်များဆီက ဆပ်ကပ်ပွဲများမှ မျောက်အိုကြီးများအား နှိပ်စက်သမှုပြု သည့်အလား နှိပ်စက်ခဲ့သည်ဟု ပြောသွားခဲ့သည်။
အောက်တိုဘာ ၆ ရက်တွင် ထပ်မံ ပြန်လွှတ်ပေးမည့် အယောက် ၇၀ ထဲတွင် ဂရီသာသွန်ဘာ့ဂ်အပါ ပြင်သစ်သား ၂၈ ယောက်၊ ဂရိသား ၂၇ ယောက်၊ အီတလီသား ၁၅ ယောက်နှင့်ဆွီဒင်သား ၉ ယောက်တို့ ပါဝင်သည်။
ကိုကလင်း
Ref:Bangkokpost
#MeKongNews
#အစ္စရေး
#ဂါဇာ
#အီတလီ
#ကုလသမဂ္ဂ
