မဲခေါင်၊ အောက်တိုဘာ ၅
အောက်တိုဘာ ၂ ရက် ဒေသစံတော်ချိန် ည ၉ နာရီခွဲ ဝန်းကျင်တွင် ဂျာမနီမြို့တော် မြူးနစ်လေယာဉ်ကွင်းအနီး ထူးဆန်းသည့် ဒရုန်းများ ပျံသန်းရောက်ရှိလာသဖြင့် လေကြောင်းခရီးစဉ်များ ဖျက်သိမ်း ရွှေ့ဆိုင်မှုများဖြင့် လူပေါင်း ထောင်ချီ လေဆိပ်အတွင်း အိပ်စောင့်ရသလို နောက်တစ်ရက်ညတွင်ပါ ထိုသို့ ဆက်လက်ဖြစ်ပွားသည့်အတွက် ၂ ရက်ဆက် လေဆိပ်ပိတ်ခဲ့ရကာ ၀ရုန်းသုန်းကားအခြေအနေသို့ ရောက်ရှိခဲ့ရသည်။
ကမ္ဘာပေါ်တွင် ထင်ရှားကျော်ကြားလွန်းသည့် ဂျာမနီနိုင်ငံ၏ အောက်တိုဘာ ဘီယာပွဲတော်ကြီး နောက်ဆုံး ရက်သတ္တပတ်ဖြစ်သည့်အတွက် ပြည်ပခရီးသွားပေါင်းများစွာ မြူးနစ်လေယာဉ်ကွင်းသို့ ဝင်ထွက်သွားလာနေချိန် ယခုလို မည်သူမှ စေလွှတ်မှန်းမသိသော ဒရုန်းများစွာရောက်လာခြင်းကြောင့် လေဆိပ်ကိုပါ ပိတ်လိုက်ရသည့်အတွက် ထွက်ခွာလေကြောင်းခရီးစဉ် ၁၇ ခုပါ ရွှေ့ဆိုင်းလိုက်ရသည်။
မြူနစ်လေယာဉ်ကွင်းသို့ ဆိုက်ရောက်မည့် လေကြောင်းခရီးစဉ် ၁၅ ခုသည်လည်း စတုဂတ်၊ နုယင်ဘတ်၊ ဗီယင်နာနှင့် ဖရန့်ဖတ်လေဆိပ်များသို့ ပြောင်းလဲ ဆင်းသက်ခဲ့ရသည်။ လေဆိပ်တာဝန်ရှိ သူများအဆိုအရ မြူးနစ်လေယာဉ်ကွင်းအတွင်း ခရီးသည် ၃၀၀၀ ကျော်သည် ကြုံသလို ညအိပ်ကာ လေကြောင်းလိုင်းများပြန်ပြေးဆွဲမှုကို စောင့်ဆိုင်းနေရသည်ဟု ဆိုသည်။
စက်တင်ဘာ ၃ ရက်ညတွင်လည်း ထိုသို့ပင် အမျိုးအမည်မသိရသော ဒရုန်းများ ထပ်မံပျံသန်းသဖြင့် ၂ ရက်ဆက် လေဆိပ်ကို ပိတ်ထားရပြီး သောင်တင်ခရီးသည်ပေါင်း ၆၅၀၀ ကျော်ရှိနေသည်ဟု သိရသည်။
ပြီးခဲ့သည့် ရက်ပိုင်းများအတွင်း ပိုလန်၊ ရိုမေးနီးယား၊ အက်စတိုးနီးယား၊ ဒိန်းမတ်နှင့် ဘယ်လ်ဂျီယံလေပိုင်နက်များအတွင်း ယခုလို အမျိုးအမည်မသိရသော ဒရုန်းများစွာ ကျူးကျော် ဝင်ရောက်ပျံသန်းခဲ့မှုကြောင့် လေဆိပ်ကမောက်ကမအခြေအနေများဖြစ်ခဲ့ကာ ရုရှားလက်ချက်ဟု ယူဆပြီး ရုရှားနှင့်နေတိုးအဖွဲ့ဝင်နိုင်ငံများ နယ်နိမိတ်ဆက်စပ်နေရာများတွင် လေကြောင်းရန် ကာကွယ်ရေးတံတိုင်းကြီး တည်ဆောက်ရန် အတည်ပြုခဲ့ကြသည်။
ဂျာမနီအာဏာပိုင်များကမူ ယခုလို မြူးနစ်လေဆိပ် ဒရုန်းများခြိမ်းခြောက်မှုခံနေရခြင်းအတွက် သံသယရှိမှုအခြေအနေ၊ ဒရုန်းအမျိုးအစားများကို စုံစမ်းနေဆဲဖြစ်သောကြောင့် လျှို့ဝှက်ထားဆဲ ဖြစ်ကာ ဂျာမနီတွင် ဖက်ဆစ်ဆန့်ကျင်ရေးလှုပ်ရှားမှုအဖွဲ့ Antifa နှင့်လည်း ပတ်သက်နေနိုင်သည်ဟု သုံးသပ်မှုများရှိနေသည်။
ကိုကလင်း
Ref: Thesun
#MeKongNews
#ဥရောပ
#ဂျာမနီ
#မြူးနစ်လေဆိပ်
#ဒရုန်း
