မဲခေါင်၊ စက်တင်ဘာ ၂၁
စက်တင်ဘာ ၂၀ ရက်ညတွင် ထိုင်းနိုင်ငံ ပတ္တရားမြို့၌ ကျင်းပသည့် ၂၀၂၅ လိင်ပြောင်းအမျိုးသမီး များ နိုင်ငံတကာအလှဘုရင်မ အလှမယ်ပြိုင်ပွဲတွင် အမေရိကန်မှ မီဒိုရီမိုနက်က သရဖူဆွတ်ခူးရရှိသွားခဲ့ သည်။
လိင်ပြောင်းအမျိုးသမီးများအတွက် ကမ္ဘာ့အကြီးကျယ်ဆုံးသော အလှမယ်ပြိုင်ပွဲဖြစ်သည့် Miss International Queen 2025 ပြိုင်ပွဲကို နိုင်ငံ ၂၃ နိုင်ငံမှ ကိုယ်စားပြုယှဉ်ပြိုင်ကြပြီး ကျူးဘားမှ အိုလီဗီယာလော်ရန်းက ဒုတိယ၊ ဗီယက်နမ်မှ ဟတမ်နူက တတိယဆုများ ရရှိခဲ့သည်။
ယင်းအလှမယ်ပြိုင်ပွဲကို ပတ္တရားတွင် နှစ်စဉ် ခမ်းနားစွာကျင်းပနေပြီး တစ်ကမ္ဘာလုံးရှိ လိင်ပြောင်း လူ့အသိုင်းအဝိုင်းအတွက် အလှအပတစ်ခုသာမက ကွဲပြားမှုနှင့် ရှုမြင်သုံးသပ်နိုင်စွမ်းများကိုပါ စမ်းသပ်ခံပြီး အလှမယ်ရွေးချယ်ခြင်းဖြစ်သည်။
လိင်ပြောင်းအမျိုးသမီးများအတွက် ဘ၀ရှင်သန်ရပ်တည်ရေးသည် သာမန်လူသားများထက် ပိုမို ခက်ခဲကာ အလုပ်အကိုင်လျှောက်ထားမှုများတွင် အနှိမ်ခံ၊ လျစ်လျူရှုခံရမှုများရှိသလို ပတ်ဝန်း ကျင်တွင်လည်း လှောင်ပြောင်ခံရမှုများရှိသော်ငြား မတူကွဲပြားမှုနှင့် လောကအလှဆင်နိုင်သည့် လူသားများဖြစ်ကြောင်း သက်သေပြမှုဖြစ်သည်ဟု ပြိုင်ပွဲသို့ ချက်နိုင်ငံကိုယ်စားပြုကာ ပထမဆုံး ဝင်ရောက်ယှဉ်ပြိုင်ခဲ့သည့် မာတီနာဆော့ဘ်ကိုဗာက ပြောကြားခဲ့သည်။
ယခုနှစ်ပြိုင်ပွဲတွင် ထိုင်းကိုယ်စားပြု ပါဝင်ယှဉ်ပြိုင်သူ လိင်ပြောင်းအမျိုးသမီး လူ့အခွင့်အရေးတက်ကြွလှုပ်ရှားသူ စိုင်းသာရ (Sine Thara) လည်း ပါဝင်ယှဉ်ပြိုင်ခဲ့ကာ စင်မြင့်ထက်မှ “ဒေါ်အောင်ဆန်းစုကြည်ကို လွှတ်ပေးပါ” ဟု တိုက်တွန်းပြောဆိုခဲ့သည့် ဖြစ်ရပ်လည်း ရှိခဲ့သေးသည်။
ကိုကလင်း
Ref: Khaosod
#MeKongNews
#လိင်ပြောင်းအမျိုးသမီး
#ထိုင်းနိုင်ငံ
#ပတ္တရား
#လူ့အခွင့်အရေး
